Bidean barrena Gerra Zibilaren inguruan

2019, Martxoak 22

ruta-plano-1930Datorren apirilaren 6rako ibilbide bat prestatu dugu Gerra Zibilean Altzan bizitutakoaren inguruan. Ion Urrestarazu Parada izango da gidari eta bera arduratuko da Bidebieta-Herrera-Mirakruz aldean ezagututako hainbat gertaera ezagutzera ematen.

“Gerra amaitu da” aldarrikatu zuen Francok 1939ko apirilaren 1ean, hiru urte lehenago kolpe militar batez hasitako gerrari ofizialki amaiera emanez, baina, oraindik gaur egun, laurogei urte pasa direnean, gatazka horrek irekitako zauri askok itxi gabe jarraitzen dute.

Gaia oso garrantzitsua izan arren, Gerra Zibila Altzan -udalerri garai horretan- osoko ikuspegi batez azaltzen duen azterketa bat ez daukagu oraindik gurean.  Horregatik, AHMn asmoa egin dugu aurten gaiari arreta berezia eskaintzeko, orain arte bildutako dokumentuak bilaketa berriekin osatuz, datuak ordenatuz eta dagokien testuinguruan ipiniz, eta, urte amaierako nahi genuke, taxuzko azterketa eskainiz, gaur egun dagoen hutsunea, ahal den neurrian betez.

Apirilaren 6an egiteko proposatu dizuegun ibilbide hau egitasmo horren barruan dago eta bidean barrena Ion Urrestarazuk geldiune bakoitzean gai hauetaz jardungo du:

  1. Casa Lasa eta “Trincherpe” blindatua
  2. Bidebieta jauregia
  3. Milizianoen zaintaldeak Bidebietako errepidean
  4. La Asunción ikastetxeko “checa”
  5. Bidebietako Tiro Nazionala
  6. Altza gerran zehar

Ibilbidea goizeko 9etan hasiko da, Kontadores Gaztelekuan, eta Herrera Kirol Elkartearen egoitzan amaituko du. Bata eta besteari gure eskerrak eman nahi dizkiegu laguntzagatik. Jarduerak hiru bat ordu iraungo du denera eta batez ere gaztelaniaz egingo da. Partaide kopurua mugatua da eta, hortaz, ezinbestekoa da apirilaren 3a baino lehen izena ematea, 649 496 607 telefono zenbakira deituz edota ahm@altza.net posta helbidera idatziz.

Altzako errekete bat

Altzako errekete bat

Etiketak:

Iruzkina idatzi

Estibaus

Atalak

Ekaina 2022
A A A O O L I
« mai    
 12345
6789101112
13141516171819
20212223242526
27282930  

RSS

Azken iruzkinak

  • iñaki urdanibia sarasola
    (2022, Ekainak 6)
    «Ya lo siento, parece que mi memoria flaquea: había otra hermana. Joaqui, que no vivía en Herrera »
  • iñaki urdanibia sarasola
    (2022, Ekainak 5)
    «por cierto se me había olvidado, también tenían un hermano, Ángel »
  • iñaki urdanibia sarasola
    (2022, Ekainak 5)
    «sí quisiera señalar que las hermanas Miki y Beni no eran hermanas de Basilio sino hijas, al igual que Engri ...»
  • Ainhoa
    (2022, Maiatzak 4)
    «Mila milioi esker, Esti »
  • Mariángeles Álvarez García
    (2022, Maiatzak 4)
    «“Has muerto. Y todavía te envolvías en un aire tembloroso de promesa y sonrisa. Has muerto. Y todavía tu risa era un torrente ...»

etiketak


Sarean