Altza2020 egutegiarekin hitzordua

2019, Abenduak 5

gonbidapena-gutuna

Abenduaren 20an, ostirala, arratsaldeko 7etan, urteroko hitzordua izango dugu Tomasenen, datorren urteko egutegiarekin: Altza 2020. Ekitaldi honen nolabaiteko aurrekaria Altzathlon erakusketa izan da - Altzako kirolaren historiari buruzko hurbilketa bat irudietan, oraindik ere hilaren 7ra arte Garberan bisita daitekeena -, egutegiaren gaia zein izango den eta aurkezpena zeren gainean izango den iragartzen baitigu.

Denbora daramagu kirolarekin lotutako argazkiak eta datuak biltzen, eta, laurogei erakunde eta pertsona laguntzaileri baino gehiagori esker, mila zazpiehun irudi baino gehiago ditugu, aurreko mendean Altzan kirol-jarduera izan zenaren ideia grafikoa egiteko aukera ematen digutenak. Irudi mosaiko handi horretatik (osatzeke dagoena oraindik), espazio kontuengatik, Altzathlon erakusketarako 26 bakarrik aukeratzera mugatu behar izan gara. Tamaina handiko mihisean inprimatutako argazki horiek (90×60) Tomasenen ere ikusi ahal izango dira aurkezpen egunean.

Argazki aukeraketa egiteko orduan erabilitako irizpideetako bat Altzan emakumeek praktikatzen duten kirolaren errealitatea ikusaraztea izan da. Horretarako, erakusketa aurkeztu zen egunean, Amelia Lorza Bidebietako bide luzeko korrikalaria izan genuen, Herrera Kirol Elkarteari lotua, eta 80ko hamarkadan atletismoaren elitean lasterka egin zuena, recordak eginez, Espainiako txapelduna izanik eta nazioartean lehiatuz.

Horrekin batera, emakumeak bost kirol-jardueratan daude ordezkatuta erakusketan; baina horien artean futbola falta da, eta, zehazkiago, areto-futbola. Jarduera horrek duela lau hamarkadatik arrastoa utzi du Altzan, eta emakumeen futbolak gaur egun duen arrakastaren zati bat da. Absentzia hori nolabait konpontzeko, egutegiaren aurkezpena baliatuko dugu areto-futbolaren argazki historikoak proiektatzeko, Gerardo Erviti entrenatzaile eta animatzaileak komentatuak. Gerardo Erviti, Altzan emakumezkoen futbola hasi zenetik, jolaserako eta lehiarako ilusioaren lekuko zuzena izan da, baita neska horiek gustukoen duten kirola egiteko izan zituzten oztopoen eta kontrakotasunen lekuko ere.

l160811

Altzakoak K.E. (1988)

Etiketak: ,

Iruzkin 1

  1. Mertxe

    Zorionak!
    Mertxe

Iruzkina idatzi

Estibaus

Atalak

Maiatza 2020
A A A O O L I
« api    
 123
45678910
11121314151617
18192021222324
25262728293031

RSS

Azken iruzkinak

  • Estibaus » 80 urteko anexioa: aitormena
    (2020, Maiatzak 20)
    «[...] Aurreko sarrera batean Donostiako Udalari dei egiten genion Errepublikarekin zuten konpromisoagatik jazarriak izan ziren zinegotzi altzatarren lan politikoa onar ...»
  • joan mari irigoien
    (2020, Maiatzak 8)
    «Aldez aurretik bada ere, ESKERRIK ASKO, Ion Urrestarazu! jmi »
  • Estibaus » Altza prentsan (1936-1940)
    (2020, Maiatzak 7)
    «[...] Altzako alkate izateari utzi eta hilabetera, Gobernu Zibilak 1.000 pezetako isuna jarri zion Antonio Silvari, babarrunak legez kanpo saltzeagatik. ...»
  • Beatriz Garmendia
    (2020, Maiatzak 4)
    «Por cierto, soy hija de carmen, la hermana de Agueda Otegui »
  • Beatriz Garmendia
    (2020, Maiatzak 4)
    «Hola Edurne, soy Beatriz, sobrina de Agueda Otegui. Si quieres ponte en contacto conmigo, me encantarĂ­a saludarte. »

etiketak


Sarean