Zure menpe

2020, Maiatzak 30

ZURE MENPE

1.
Kontu hau ez da gaur goizekoa
zehazki orain bost astekoa
beste batekin bainenbilen lehen,
orain zure menpekoa (bis)
dardararazten didazulako
azal ta eskeletoa
ni bai zorionekoa!
ezezaguna zintudan lehen,
orain ezinbestekoa

2.
Zurekin nauzu beti berritsu
hitzei ematen diet pozik su
niri buruzko gauzak kontatuz
zugan jarriz zenbait pisu (bis)
pentsatuz gero guzti-guztia
esan dizut itsu-itsu
beraz laguna, adizu:
beste inortxok ez dakizkien
gauza asko dakizkizu!

3.
Lau ertzetatik eta erdira
zabaltzen zaizu duzun dizdira
nire eskutan ibiltzen zara
leun jira eta bira (bis)
sentitzen dudan erakarpena
ezin nezake deskriba
nire egia hori da:
orduak eta orduak egon
naiteke zuri begira

4.
Ni metala naiz, ta zu imana
erakarpena horrek emana
dependentziak hurbiltzen gaitu
gu biok elkarrengana (bis)
zurekin jantzi eta erantzi
ohi dut aldiro pijama
zu zarelako, laztana
gauetan azken eta goizetan
lehen ikusten dudana

5.
Zein azkar doan zure garuna
beti lortuaz zuk nahi duzuna
onartzen dizut, nire aldean
azkarra zara laguna (bis)
zure ondoan sarri sentitu
izan naiz tentel, tuntuna
zu berriz zein jakituna
berdin dio zer galdetzen dudan
beti duzu erantzuna

6.
Norbere kezka ta barne-krisi
ezin direnak barruan itxi
azken aldian belarritara
dexente zaizkit iritsi (bis)
ingurukoen zuri buruzko
uste-txar eta iritzi
nahiz ez onartu lehenbizi
konturatu naiz egia dela;
ezin naiz zu gabe bizi

7.
Buruan kezkek ze uholdea
nere jarrera, ez dotorea
sekretutxo bat aspaldidanik
daukat barruan gordea (bis)
gaur zuretzako dena poema,
hitz polit eta lorea
utziko zaitut, ordea
beste baten bat agertzen bada
zu baino pixkat hobea

8.
Berdin du zahar edo gazterik
zurekin inor ez da askerik
lehen nenbilen bizitzan dudan
dena zinela usterik
orain ordea nahiago nuke
zu albo baten uzterik,
ta harremana hausterik
azken finean ez zarelako
nire mobila besterik!

Joanes Illarregi
Doinua: Trumoia ortzi beltzean hoska

Iruzkin 1

  1. Miren Koruko Gonzalez

    Bai egia!!
    Polita benetan olerkia!!!
    Eskerrikasko.

Iruzkina idatzi

Estibaus

Atalak

Uztaila 2020
A A A O O L I
« eka    
 12345
6789101112
13141516171819
20212223242526
2728293031  

RSS

Azken iruzkinak

  • José Luis
    (2020, Ekainak 30)
    «Estupenda presentación del libro Altza durante la guerra civil española. Ahora a leer el libro. Enhorabuena !!! Gracias. »
  • Zapi
    (2020, Ekainak 23)
    «Auzi honekin falta den bakarra (eta garrantzitsuena) altzatarron iritzia da, ez Donostiak ez Pasaiak errespetatzen duena... Badira 80 urte Franco ...»
  • Estibaus » Pasaiarekiko muga gatazkari amaiera
    (2020, Ekainak 22)
    «[...] joko zuela ohartaraziz. Orduan, hemen, Estibausen, erabaki hori salatu egin genuen (”Mugekin bueltaka, manipulazioaren eta inposaketaren bidean“). Sei urte ...»
  • Estibaus » Batzarrak eta liburuak dagoeneko badute data
    (2020, Ekainak 13)
    «[...] 7etan. Konfinamendu garain eta Liburuaren Egunaren harira, liburuari sarrera bat eskaini genion hemen, Estibausen, eta bertan egin genuen liburuaren ...»
  • Gonzalo Sol de Liaño
    (2020, Ekainak 8)
    «Estoy casado con Mª Pía Lemoniez Zappino, nieta de Luis Zappino Samaniego y Teresa Barcáiztegui Manso. ¡Enhorabuena por esta reproducción! La familia ...»

etiketak


Sarean