Real Defensako markesen artxiboaren argazkiak

2020, Irailak 1

brunet-35aJoan den urrian, Nafarroako Artxiboak jakinarazi zuen Real Defentsako markesen argazki-artxiboaren zati bat jaso zuela. Artxibo handi hori, aldi berean, familia-funts desberdinez osatuta dago, eta horien artean aipagarria da José María Brunet y Bermingham argazkilari afizionatuarena (Donostia, 1836-1891). Funts horretan Gipuzkoako eta Belle Époque garaiko Donostiako argazki bilduma bat dago bilduta; horien artean, gure inguruarekin lotura zuzena duten lau argazki daude, interesgarriak antzinatasunagatik eta edukiagatik.

h-19a

Argazki batean (goian), Herrerako trenbidearen zubia ikus dezakegu. Beste batean (lerro hauen azpian), Intxaurrondo-aundi baserria, eta haren ondoan, Intxaurrondo-txiki; atzean, Larrotxeneren zati bat ageri da, eta, ezkerrean, Buskando baserria.

brunet-22a

Bereziki berezia da Herrerako kaia eraikitzeko lanekin egindako argazkia, Escalerillas parean. Lehen planoan, Txingurri errekaren ubideratze estalia ikusten da, errepide jeneralarekiko paraleloan doana, eta Herrerako senaiaren lehorketa eta betelana, irudiaren erdian lan egiten duen dragak ateratzen dituen materialekin.

1888-la-herrera1888ko plano horrek argazkian egiten ari diren lanen proiektua erakusten du, 1905. urtera arte amaitu ez ziren lanak.

Argazkiaren eskuinaldean ikusten den egurrezko pabiloia, lehen planoan ageri da beste argazkian, jada erabat itxita, ontziratuak izateko prest dauden upel ugarirekin batera.

h-47a

Argazkilariaren aita Jose Manuel Brunet Prat (Donostia, 1806-1892) gipuzkoar industrialari, bankari eta politikari ospetsua zen, Pasaiako Portuko Sustapen Elkarteko (1876) eta Pasaiako Portuko Sozietate Nagusiko (1888) presidente izan zena. Maria Manuela Bermingham Echaguerekin (Donostia, 1810-1880) ezkonduta zegoen, eta biak ala biak Buenavistako Arraskuene eta Etxetxiki baserrien jabeak ziren, ertzetik gertu eta Antxo baserriaren ondoan zeudenak. Pasaiako Portuko Sustapen Elkarteak erosi zituen hiru baserriak, 1873an.

Iruzkin 1

  1. Luma

    Nire ustez ez dira “Belle Epoque” koak XIX mendekoak direlako.
    Dena dela ikerketa bikaina egin dezuena.

Iruzkina idatzi

Estibaus

Atalak

Iraila 2020
A A A O O L I
« abu    
 123456
78910111213
14151617181920
21222324252627
282930  

RSS

Azken iruzkinak

  • LUISI OLACIREGUI
    (2020, Irailak 19)
    «LUISITO, ya desde chaval tuviste un talante y simpatia excepcionales, muy marcados.Cuando necesite que me dieras una mano para cuidar ...»
  • Eneko
    (2020, Irailak 19)
    «Oso hitz politak, mila esker!! Egun tristea denontzat baina egin dezagun berak egingo lukeen zerbait: topa! Beti izango zaitugu bihotzean osaba!! Muxu potolo-potolo ...»
  • Blanqui
    (2020, Irailak 16)
    «Felicidades Madre Rosa María, eres la mejor. Para mí siempre serás Paquita. Te quiero mucho, así como a toda tu ...»
  • Josean
    (2020, Irailak 12)
    «Eskerrik asko Begoña. Izeba Pakirekin nago eta oso posik dago. Agur bero bat. »
  • Begoňa
    (2020, Irailak 11)
    «Zorionak Madre Rosa Maria, que pases un buen dia con todos lo tuyos muxu bat »

etiketak


Sarean