Altzatarren maila sozioekonomikoak hauteskunde-partaidetza baldintzatzen du

2020, Urriak 13

altza-mapa-atalak-errenta

Antxon Alfaro

Uztailaren 12ko hauteskundeetan Altzan* abstentzioak % 50eko muga gainditu zuen hauteskunde atal gehienetan.

Hainbat faktorek baldintzatzen dute herritarrak botoa ematera hurbiltzea edo ez. Maila sozioekonomikoa da horietako bat. Auzo pobreenetan gutxiago bozkatzeko joera dago, eta alderantziz, maila ekonomiko eta kultural handiagoan, hauteskundeetako parte-hartzea handitu egiten da.

Altzak hiri osoko batez besteko familia-errentaren mailarik baxuenak ditu. EEIren datuen arabera (azken datuak 2017koak dira), Donostiako batez besteko familia-errenta 41.051 €-koa zen, eta Altzan, berriz, 31.778 €-koa. Baxuena 24.329 €-koa zen 19. atalean (Roteta) eta altuena 53.369 €-koa 3. zentsu-atalean (Jose Elosegi/Luis Pradera/Intxaurrondo zaharra/Ulia). Hirian familia-errenta txikiena duten 10 atalen artean, 8 Altzan zeuden (19, 25, 21, 12,11, 5, 22, 4).

Familia-errentari buruzko datuak Eusko Legebiltzarrerako aurreko hauteskundeetan emandako abstentzio-ehunekoekin erlazionatzen baditugu, ikusten da familia-errenta handiena zuten atalak (urdinez mapan) izan zirela abstentziorik txikiena izan zutenak, % 50etik beherakoa.

  • 3. atala: 53.369 € (errenta) / % 46,62 (abstentzioa)
  • 10. atala: 41.666 € (errenta) / % 48,76 (abstentzioa)
  • 33. atala: 37.768 € (errenta) / % 44,82 (abstentzioa)
  • 34. atala: 36.687 € (errenta) / % 45,57 (abstentzioa)

Aitzitik, familia-errenta txikiena zuten lau atalen artean (gorriz mapan), abstentzioa oso handia izan zen, % 60 ingurukoa, edo are balio horretatik gorakoa ere.

  • 19. atala: 24.329 € (errenta) / % 59,30 (abstentzioa)
  • 25. atala: 24.376 € (errenta) / % 57,79 (abstentzioa)
  • 21. atala: 24.810 € (errenta) / % 61,93 (abstentzioa)
  • 12. atala: 25.041 € (errenta) / % 61,03 (abstentzioa)

Maila sozioekonomikoak, hauteskundeetako parte-hartzea baldintzatzeaz gain, botoa emateko orduan hautatutako aukera politikoan ere eragiten du.

Hurrengo irudian, Altzan gehiengoa duten hiru alderdiek atal bakoitzean lortutako botoen ehunekoak jaso dira, batez besteko familia-errentaren arabera ordenatuta, goranzko ordenan.

irudia

Datuak nahiko aldakorrak badira ere, ikus daiteke EAJ-PNVren eta PSE-EE/PSOEren kasuan familiaren batez besteko errentak joera argia markatzen duela, baina alderantziz. EAJ-PNVren boto-joeraren lerroa (marra gorria) nabarmen goranzkoa da familiaren errenta-mailak gora egin ahala. Aldiz, PSE-EE/PSOEren kasuan, errenta baxuena duten auzoetan botoen ehuneko handiagoa lortzeko joera dago, eta nabarmen gutxitzekoa familia-errenta altuena duten eremuetan. EHBilduren kasuan, joera, gutxi bada ere, handitu egiten da familiaren errentaren arabera, baina baita atalen araberako aldakortasun handiarekin ere.

* Donostiako 7. hauteskunde-barrutiak Altzako antzinako udalerriaren lurraldea hartzen du.

Iruzkin 1

  1. zapi

    oso lan polita eta interesgarria Antxon…milesker

Iruzkina idatzi

Estibaus

Atalak

Urria 2021
A A A O O L I
« ira    
 123
45678910
11121314151617
18192021222324
25262728293031

RSS

Azken iruzkinak

  • Betiana
    (2021, Urriak 6)
    «Hola.. se que mis tatarabuelo Manuel Berra llego en la década de 1880 desde la región de Cúneo a Argentina ...»
  • Carolina
    (2021, Irailak 16)
    «Hola, mis abuelos Dionisio Berra y mí abuela Santina spinetti. De Piamonte a la provincia de Santa Fe. Irigoyen y ...»
  • Javi Castro
    (2021, Ekainak 22)
    «Muy interesante. Buen trabajo. »
  • Javier Mendizabal Migliaccio
    (2021, Ekainak 15)
    «Zorionak, Madre Rosa María. Nací el 28 de marzo de 1.962-tengo 59 años- soy el hijo mayor de Carmen Rosa ...»
  • Iñaki Ezama
    (2021, Maiatzak 27)
    «Q majo aquél niño Antxon Alfaro q depositó un San José. La vida las vueltas q da. Fantástica investigación Antxon. ...»

etiketak


Sarean