Azaroak 25, Emakumeenganako Indarkeriaren aurkako Nazioarteko Eguna Altzan

2021, Abenduak 7
a25-bideoa

Bideoa

Ekialdeko Barrutiko Berdintasun Lantaldeko Elkarteak: Altza-Elkartasuna Auzo Elkartea, Intxaurrondo Berri Emakumeen Elkartea, Oletako Auzo Elkartea, Ostadar Emakumeen Elkartea, Plazandreok Emakumeen Plataforma, Showtime Kultur Elkartea

Latinoamerikako Mugimendu Feministak data hori Minerva, Patria eta María Teresa Mirabal dominikarren omenez sortu zuen, “Tximeletak” izenez ezagunak, 1960ko azaroaren 25ean Rafael Leonidas Trujillo diktadorearen aginduz eraildako hiru ahizpa.

1999an, NBEk egun hori aldarrikapenerako munduko egun gisa ezarri zuen, eta azaroaren 25ero Emakumeen aurkako Indarkeria Desagerrarazteko Nazioarteko Eguna izendatu zuen, Mirabal ahizpen omenez.

Duela urte batzuk, Altzako, Ostadar, Elkartea Berri eta Uztai Belar emakumeen elkarteek bat egin dute protesta-egun horrekin, eta, besteak beste, auzoko hainbat tokitan (Larratxo, San Martzial plaza, Casares, Jolastokieta…) elkarretaratzeak antolatu zituzten. Kandelak piztea eta urte horretan eraildako emakumeen izenak banan-banan izendatzea zen ekintza hori.

Oraingoan, Ekialdeko Barrutiko Berdintasun Lantaldeak eta Altzako Feministak, Donostiako Udaleko Berdintasun Sailaren laguntzarekin, aurrekoen lekukoa hartu zuten eta hilaren 26rako aldarrikapen dantza antolatu zuten Harria parkean. Aukeratu zuten pieza musikala “Akelarre” izan zen, la Basu, Jazz Woman eta Aneguriak euskaraz eta gaztelaniaz abestuta.

Alba Vidal Sastrek zuzentzen duen Showtime dantza talde altzatarra arduratu zen koreografia sortzeaz, entseguak egiteaz eta bi bideo tutorial grabatzeaz, parte hartu nahi zutenek etxean entseatzeko aukera izan zezaten. Deialdia sare sozialetan zabaldu zen batez ere, eta Berdintasun Sailaren kartel ofizialean ere jaso zen, beste mobilizazio ekintza batzuekin batera.

Jardueraren helburu feminista aurkeztu ondoren, eta eguraldia lagun ez izan arren, dantzaren eta publikoaren parte-hartzea ugaria eta oso anitza izan zen. Neska-mutilek, emakume gazteek eta adinekoek, bereizgarri moreak zeramatzatela, beren mugimenduak koordinatu zituzten protesta koreografia eder indartsu bat eskaintzeko, irudietan eta bideoetan ikus daitekeen bezala

Hemen dituzue irudiak eta bideoak


Bideoa hemen ikusi

Etiketak:

Iruzkina idatzi

Estibaus

Atalak

Uztaila 2022
A A A O O L I
« eka    
 123
45678910
11121314151617
18192021222324
25262728293031

RSS

Azken iruzkinak

  • iñaki urdanibia sarasola
    (2022, Ekainak 6)
    «Ya lo siento, parece que mi memoria flaquea: había otra hermana. Joaqui, que no vivía en Herrera »
  • iñaki urdanibia sarasola
    (2022, Ekainak 5)
    «por cierto se me había olvidado, también tenían un hermano, Ángel »
  • iñaki urdanibia sarasola
    (2022, Ekainak 5)
    «sí quisiera señalar que las hermanas Miki y Beni no eran hermanas de Basilio sino hijas, al igual que Engri ...»
  • Ainhoa
    (2022, Maiatzak 4)
    «Mila milioi esker, Esti »
  • Mariángeles Álvarez García
    (2022, Maiatzak 4)
    «“Has muerto. Y todavía te envolvías en un aire tembloroso de promesa y sonrisa. Has muerto. Y todavía tu risa era un torrente ...»

etiketak


Sarean