“Izarrak alde”: Oteiza Ametzagainan

2010, Ekainak 3

Iñigo Landa

Este cementerio en Ametzagaña ha sido mi última oportunidad para servir como escultor a mi país. En un extremo de la ciudad, frente al océano, tenéis el emocionante y simbólico Peine de los vientos, de Chillida. En el otro extremo de la ciudad, y frente al cielo, hubierais tenido, abarcando como en un abrazo definiendo nuestra ciudad, este monumento funeral y vital que no lo habéis querido.” (Jorge Oteiza, “Política de sepultureros en Ametzagaña“)

Ametzagaina mendia parke bihurtu du udalak eta hainbat panel jarri ditu inguru eder horren alderdi historiko eta naturalak ezagutzera emateko. Merezi du gogoratzea, ordea, proiektu hutsean geratu bazen ere, Ametzagainan kanposantu bat egiteko proiektu lehiaketa izan zela orain dela hogeita hamabi urte, eta Oteizak parte hartu zuela Fullaondo eta beste arkitektoekin batera. Labaien alkate zela, lehiaketa batzordeak alde batera utzi zuen Oteizaren proiektua eta porrot horrek artistaren eta politikari abertzaleen arteko haustura ekarri zuen.  Oteizaren haserrea eta arrazoibidea hainbat egunkarietan argitaratu zen “Política de sepultureros en Ametzagaña” artikuluan geratu dira jasoak.

oteiza

Oteiza Ametzagainako maketaren aurrean (Euskonews)

Proiektuari dagokionez, Oteiza Museoak aurten argitaratzekoa da Koadernoak saileko 7. zenbakian proiektu honi buruzko monografikoa: “Monumentaltasuna Jorge Oteizarengan: Izarrak alde, Donostiako Ametzagañako hilerrirako Nazioarteko Lehiaketan aurkeztutako hilerri proiektua”. Koadernoa argitaratu bitartean, edukiaren nondik norakoa  “Jorge Oteiza y el cementerio de Ametzagaña para Donosti-San Sebastián” artikulua irakurri dezakegu, Ana ARNAIZ, J. ELORRIAGA, X. LAKA, eta J. MORENO irakasleek idatzia, koadernoaren egile berberak.

“Lur paisajistak” enpresak Oteizaren planteamendu estetiko eta transzendentaletik urruti, aisialdirako eta entretenimendurako gune bat sortu du Ametzagainan, baina eraiki dituzten elementuen artean badago bat pentsamendu oteizarra gogora ekartzen diguna: kraterra. Orioko hondartzara joaten zenean, hondarra biltzen zuten gurdiek uzten zituzten kraterrak bilatu eta barruan sartzea zuen gustoko Oteizak. Etzanda, isolaturik eta babesean, zerua ikusten zuen, nolabaiteko bidaia egiten bere barneko hutsaren esperientziatik zeruko hutsera. Haurtzaroko esperientzia horrek bere estetikaren oinarrian dago, cromlech-aren interpretazioa emango zuena.

Haurtzaroko kraterretatik abiatuz kutxa hustuak, metafisikoak, sortu zituen Oteizak, eta Ametzagainako bizkarrean, lurretik altxatua, prisma bat ikusten zuen parke baten erdian, monumentu sakratu bat, hildakoak abiatzen laguntzeko eta hiritarrak “lurgaineratzen” saiatzeko, Proiektu hura utopien kutxan aparkatuta geratu zen eta Oteiza abiatu da, baina Ametzagainako parkean bere haurtzaroko kraterren parekoa daukagu, eta Izarrak alde.

Etiketak: , ,

Iruzkin 1

  1. Pili

    Polita da pentsatzea Oteizak berak parke hontatik ibili izan dela bere planoak egiten. Eta bere idei hura, azkenean, egina izana. Oraingoak, ez genekienak proiekto hori existitzen zuenik poza gehiagoekin gure paseotxoak parkearen zehar emango dugu. Guttinez eraikinak ez dira egongo eta aire libre gehiagotaz disfrutatuko dugu.

Iruzkina idatzi

Estibaus

Atalak

Azaroa 2021
A A A O O L I
« urr    
1234567
891011121314
15161718192021
22232425262728
2930  

RSS

Azken iruzkinak

  • joan mari irigoien
    (2021, Azaroak 20)
    «Aizue: Pozgarria da ikustea nola zuek bezalako jendea arduratzen den gai hauetaz, zeintzuk herritarren nolabaiteko egunerokotasunarekin lotuta dauden. ZORIONAK, eta EUTSI GOIARI! jmi »
  • Estitxu Cantera
    (2021, Azaroak 12)
    «Kaixo; Javierren alaba bezela eta nire ama eta ahizparen izenean ere, eskerrîak eman nahi nizkizuen maitasunez beteriko hitz hauengatik. Gu samiñarekin ...»
  • Maite Lopetegi
    (2021, Azaroak 9)
    «Seko harrituta geratu naiz. Ez esperoan erabat. Bilduma Casaresen zegoen garaietan ezagutzeko aukera izan nuen. Oso pertsona atsegin eta adeitsua. ...»
  • Javi Castro
    (2021, Azaroak 9)
    «Nos deja un recuerdo imborrable. Goian bego. »
  • Estibaus
    (2021, Azaroak 8)
    «Sur www.altza.info, il a deux articles de presse liés à l'auto-cross. Dans l'un d'eux, il y a une photo de ...»

etiketak


Sarean