Erakusketa bat Altzan! (edo Donostia kulturaz mozorroturik)

2011, Otsailak 25

Iñigo Landa

Mirakulu baten aurrean geundela zirudien: Erakusketa bat Tomasenen! Eta are miragarriagoa: Donostiako udalak antolatuta!

Donostiako (eta Gasteizeko) zerutik jaitsitako erakusketa sorpresa horrek ahoa bete hortz utzi gaitu, Altzan ez baitago erakustokirik. Casaresen zegoen txokoa beste eginkizunetarako erabili eta, geroztik, erakusketa bat egin nahi duenak etsi edo ahal duen moduan eta tokian moldatzea besterik ez dauka.

Baina horretarako daude ustezko jainkotxoak, ustezko mirakuluak egiteko eta ezer ez dagoen lekuan itxuraz sortzeko. Izan ere, ustezko jainkotxo horiek betiko jauntxo horien moduan jokatu dute. Goizetik gauera, erakusketa bat inolaz ere egin ezin den lekuan erakusketa bat jarri dute, erakusketak egiteko dirurik eta programarik ez dagoen lekuan (”auzoa” diote haiek) horretarako dirutza erabiliz, hilabete osoko programazioa hankaz gora jarri behar badute ere.

Inauterien atarian gaude, jakina. Altzako beste konpartsekin batera berea antolatu dute, hauteskunde propaganda informazio gisa maskaratzeko eta Tomasene erakustokiz mozorrotzeko. Piñata eguna pasako da, mozorroa kenduko dute, eta erakustokirik gabe jarraituko dugu. Noiz dira hurrengo inauteriak?

Etiketak: ,

3 iruzkin

  1. joan mari irigoien

    Ez nekian, Iñigo, baina, hire informazioari esker, oraintxe badakit nora ez dudan joan behar.

    Eutsi goiari!

    Besarkada bat:

    joan mari irigoien

  2. Zapi

    2010ko urrian zehar, eta Mikel Zabaltzaren hilketaren 25. harira, torturari buruzko erakusketa egiteko leku egoki bat eskatu genion orduko Altzako Kultur Etxeko arduradunari (dagoeneko aldatu dutena).
    Haren erantzuna “Altzako udal-instalazioetan ezin zela erakusketarik antolatu” izan zen. Hortarako Okendo Etxea hautatu duela udaletxeak, edo bestela gaia ikusita, Ayeteko Bakearen etxean eskatzera gonbitatu gintuen. Guk Altzan montatu nahi genuen, eta hala egin ere, baina ez udaletxeko (beraz, denon) lokaletan. METRO EZ KILOMETROKO MUTURRA GURE AGINTARIENA !!!!!

  3. agustin rodriguez

    Norbanakoek pentsa lezakete halako klabe izkutuan dela idatzita Iñigorena, baina elkarteren batean gabiltzanok errez identifikatzen dugu esandakoa udalarekiko pairatzen ditugun gure bizipenetan, eta, beraz, zeharo identifikatzen gara esandakoa eta esan gabe dihoanarekin ere.
    Oso ondo.
    Geneukan apurra bakarrik nahi eta komeni zaienerako erabiltzeak gu ere erabiliak sentiarazten gaitu.
    Beste behin.

Iruzkina idatzi

Estibaus

Atalak

Martxoa 2024
A A A O O L I
« ots    
 123
45678910
11121314151617
18192021222324
25262728293031

RSS

Azken iruzkinak

  • Roberto López
    (2024, Martxoak 27)
    «Buenas, mi tío abuelo: Manuel López De los Santos, formo parte del Batallón internacional nº 26 Karl Liebknecht (PCE), falleciendo ...»
  • Pilar Egido eta Enrike Kortabitarte
    (2024, Martxoak 27)
    «Merezitako omenaldia. Gaztaroan zorte handia izan genuen zu gure lehenengo irakaslea izatean. Irakasle berria, baina gogoa eta sasoia ez zenituen sekula falta. Zu ...»
  • Ramón F. Gorosabel
    (2024, Martxoak 22)
    «Muy interesante la actividad Es edificante Gracias. »
  • Maira
    (2024, Martxoak 2)
    «Hola necesito contactarme con las señoras Verónica. Recién leo esto. Soy la novia del nieto de olivo. Su papá Carlos. ...»
  • Luma
    (2024, Otsailak 17)
    «Oso oso interesgarria. »

etiketak


Sarean