Auditz-Akular izena dela eta

1999, Azaroak 16

Iñigo Landa

Donostiako udalak proiektu erraldoiak ditu industrialde eta hirigune handiak eraikitzeko Altzako baserri lurretan. Inguru honi guztiari Auditz-Akular izena jarri dio, bi baserri hauen lurrak hartzen baititu bere barruan. Ondo dago Altzako etxeen izenak gure herriko kale eta auzoei ematea, izenak behinik behin etorkizunerako gorde nahi badira. Horregatik, merezi du izenak finkatzeko orduan zuhurki jokatzea. Akular (Acular) izenarekin ez dago inongo arazorik honela idatzi baita baserri honen izena 1626. urtetik gaur egun arte. Auditz izenaren inguruan, berriz, badago zertaz hausnartu eta, behar bada, zer zuzendu ere.

Auditz, Aduriz baserriaren izena ahoskatzeko era bat da eta, bere historia luzea kontuan hartzen badugu, berri samarra. Badira seiehun urte baino gehiago Aduriz etxearen berri idatzirik badugula. Agiriei esker badakigu 1465. urtean Martiaco de Aduriz Aduriz etxearen jaun eta jabe zela. Bestalde, Carraffa historialariari kasu egiten badiogu, denboran atzerago joan gaitezke. Izan ere, berak dioenez, lehen aduriztarra 1438. urtean etorri zen Donostiara eta bere izena Bernaldo de Aduriz zen, baztandarra eta jatorri lapurtarra zuena, «Adourits»-ko gaztelukoa hain zuzen ere.

XV. mendetik gaur egun arte agirietan «Aduriz» izan da idazteko aldaketarik gabe erabili den izena. Gainera, Aduriz abizena mendeetan zehar Altzatik inguruko herrietara zabaldu da, batez ere Donostia, Errenteria eta Oiartzunen, guztien jatorrizko oinetxea Altzan dagoela, Aduriz etxean hain zuzen ere.

Horregatik, auzo edo kale bati behin betiko izena erabakitzeko garaian merezi du alderdi guztiak kontuan hartzea, historikoak eta egungoak, eta bakoitzari berea eman. Itzeiten danak eztu idazten danakin zergatik bat etorri biar ta, orreatikan, Auditz esan arren Aduriz idatzi biar deula uste deu.

Iruzkina idatzi

Estibaus

Atalak

Uztaila 2020
A A A O O L I
« eka    
 12345
6789101112
13141516171819
20212223242526
2728293031  

RSS

Azken iruzkinak

  • José Luis
    (2020, Ekainak 30)
    «Estupenda presentación del libro Altza durante la guerra civil española. Ahora a leer el libro. Enhorabuena !!! Gracias. »
  • Zapi
    (2020, Ekainak 23)
    «Auzi honekin falta den bakarra (eta garrantzitsuena) altzatarron iritzia da, ez Donostiak ez Pasaiak errespetatzen duena... Badira 80 urte Franco ...»
  • Estibaus » Pasaiarekiko muga gatazkari amaiera
    (2020, Ekainak 22)
    «[...] joko zuela ohartaraziz. Orduan, hemen, Estibausen, erabaki hori salatu egin genuen (”Mugekin bueltaka, manipulazioaren eta inposaketaren bidean“). Sei urte ...»
  • Estibaus » Batzarrak eta liburuak dagoeneko badute data
    (2020, Ekainak 13)
    «[...] 7etan. Konfinamendu garain eta Liburuaren Egunaren harira, liburuari sarrera bat eskaini genion hemen, Estibausen, eta bertan egin genuen liburuaren ...»
  • Gonzalo Sol de Liaño
    (2020, Ekainak 8)
    «Estoy casado con Mª Pía Lemoniez Zappino, nieta de Luis Zappino Samaniego y Teresa Barcáiztegui Manso. ¡Enhorabuena por esta reproducción! La familia ...»

etiketak


Sarean