Duela 20 urte…

1998, Abenduak 17

Antxon Alfaro

Pasa den abenduaren 6an Espainiako Konstituzioaren 20. urteurrena bete zen. Franco diktadorea hil ondoren, Espainia Estatuan hasi zuten prestatzen konstituzio berri bat. Erreformaren prozesu honetan bi referendum planteatu ziren, lehenengoa 1976ko abenduaren 15ean izan zen, Erreforma Politikaren prozesua arautzeko, eta bestea bi urte beranduago, 1978ko abenduaren 6an, konstituzio berna onartzeko.

Euskal Herrian, Konstituzioaren referendumaren aurrean talde politikoek jarrera desberdinak zeuzkaten. UCD, PSOE, PCE-EPK, EKA, ORT eta DCVk baiezkoaren aldeko kanpaina egin zuten. Bestalde, EE (EIA-EKIA), HB (LAIA-HASI-ANV-ESB), LKI eta OCR(BR)k

ezezko botoa bultzatu zuten. Eta azkenik, PNV, EMK, PTE, ESEI eta OICk abstentzio aktiboa proposatu zuten. Garai hartan, gaur egun konstituzioaren defendatzaile amorratuenak, Alianza Popular, ez zuen jarrera garbirik izan.

Nahiz eta Donostialdean talde politikoek referendumaren kanpainan mitin nagusiak egiteko Anoeta Frontoia eta Belodromoa erabili, Altzan ere mitin eta hitzaldiak egin ziren. PCE-EPKk, adibidez, bi mitin antolatu zituen baiezko botoa eskatzeko: bata Bertsolari Txirritan zeukan egoitzean (78-11-28) eta bestea, Martuteneko eskolan (78-11-30). SUk (Sindicato Unitario) baiezko botoa eskatzeko ere, hitzaldi bat antolatu zuen Santa Barbarako egoitzan (78-11-22).

Baina, Altzan izan genuen mitin garrantzitsuena Bidebieta Polikiroldegian izan zen (78-11-25). Mitina PSOEk antolatu zuen eta 400 lagunen aurrean Alfonso Guerra eta Enrique Mugicak hitzegin zuten Espainiako Konstituzioari baiezko botoa eskatuz.

Estatuan konstituzioak gehiengoa lortu zuen arren, Euskal Herrian heren batek bakarrik baiezko botoa eman zion. Altzan ere, grafikoan ikus daitekenez, ez zen Espainiako Konstituzioa onartu.

Baina garai hartan, nahiz eta erreferenduma garrantzitsua izan, altzatarrok beste kezka eta arazoak bageneuzkan ere. Altzagaineko frontoiaren estalketarena pil-pilean zegoen, eta obrak hasita ziren arren, auzokideek geldiaraztea lortu zuten eta asanblada batera deialdia luzatu zuten proiektua birplanteatzeko.

Rotetan, orain dela 20 urte, auzoko urbanizazioa zen kezka nagusia. Oso haserretuta zeuden Udalak ez zituelako betetzen hartutako konpromezuak, eta gaia aztertzeko Auzo Elkarteak Los Boscos zineman, abenduaren 1ean, bilera batera deitu zuen.

Herreran ere ez zeuden oso gustora, eta egun hoietan zeukaten kezka, gaur egun ere badaukate: sarbideak. HERRIPE Auzo Elkarteak agiri bat kaleratu zuen Herrera eta Larratxoren arteko errepidearen obrarekiko Udal Gestorak zeukan jarrera salatzeko.

Berri onak ere bazeuden eta Bidebietan, alegia, dirua lortu zuten eskola berrian jolaslekua eraikitzeko.

Hogei urte bakarrik pasa dira . . . baina hau urruntasuna!

Hace 20 años se celebró el referendum de la Constitución cuyos resultados en Altza, con una abstención mayoritaria, se puden apreciar en el gráfico. Pero además del referendum los vecinos de Altza estábamos inmersos en la pelea por mejorar nuestras condiciones de vida: cubierta del frontón del Casco, urbanización de Roteta, accesos de Herrera,la escuela de Bidebieta…

Etiketak:

Iruzkina idatzi

Estibaus

Atalak

Abendua 2019
A A A O O L I
« Aza    
 1
2345678
9101112131415
16171819202122
23242526272829
3031  

RSS

Azken iruzkinak

  • José Coello
    (2019, Azaroak 28)
    «Quisiera saber si vuestra familia era la propietaria de minas antracita Gaiztarro en Matarrosa ,Tierno Fabero (provincia León) Gracias »
  • Juan Luis
    (2019, Azaroak 27)
    «En mi opinión, haría falta un batallón de Quijotes para mover las obras de Altza. Sin embargo las del centro de ...»
  • Rosi
    (2019, Azaroak 26)
    «Erabat Ados nago. »
  • Xabier Sarasola
    (2019, Azaroak 14)
    «Buenas, Hace bastante de esta encuesta, pero estoy haciendo una investigación sobre los viveros y depósitos de Ulia para la ...»
  • Estibaus
    (2019, Azaroak 8)
    «Eguraldia dela eta, biharko prestatuta geneukan txangoa bertan behera geratu da. Aurrerago egingo dugu. Sentitzen dugu. Por razones climatológicas, la excursión ...»

etiketak


Sarean