Kontzertuaren oihartzuna: “Txirritaren agurra”

2012, Apirilak 25

Joan den urteko ekainean Txirritaren heriotzaren 75. urteurrena gogoratu genuen. Jose Ignazio Ansorenak Txirrita ekarri zuen  kontzertura haren hiru bertso egitarauan txertatuz. Bertsoak ”Txirritaren agurra” izenburupean bilduak daude eta bizitzaren azken hilabeteetan kantatutakoen artean aukeratuak dira. Lehenengoa Kursaalen ospatutako Bertsolarien Txapelketatik hartua da eta beste biak Errenterian hil aurreko hilabetean egin zioten omenaldian botatakoak.

Kontzertuan Jon Anza kantaria izan zen bertso horiek bikain abestu zituena. Bidebietako gazteak kontzertuaren hilabetean bertan Victoria Eugenia antzokian ospatu zen kantu txapelketaren lehen saria irabazi zuen “Amonari” abestuz, bere lehen abestia, Olatz Zugastirekin batera sortua.

Txirritaren agurra

Agur eder bat egiten diet
hementxe dauden danari,
ta batez ere gu juzgatzera
etorri diran jaunari,
hoiek ipintzen duten guzian
helduko diot gaiari,
Jainkoak zerbait emango dio
beian saiatzen danari.

Hirurogeita hamasei urte,
garaia det umiltzeko,
bultza beharrik ez nadukake
goitik behera amiltzeko;
bi makil hoiek aski nitun nik
munduz mundu ibiltzeko,
hirugarrena andregaiari
arkakusoak hiltzeko.

Zenbait errezo egin izan det
nere denboran elizan
ta pozik nago ikusirikan
pakean nola gabiltzan.
Ni naizen bezin kobarderikan
inor ezin leike izan
semeak gerra(ra) ez joatea(ga)tik
mutil zahar gelditu nintzan.

Iruzkina idatzi

Estibaus

Atalak

Abendua 2021
A A A O O L I
« Aza    
 12345
6789101112
13141516171819
20212223242526
2728293031  

RSS

Azken iruzkinak

  • joan mari irigoien
    (2021, Azaroak 20)
    «Aizue: Pozgarria da ikustea nola zuek bezalako jendea arduratzen den gai hauetaz, zeintzuk herritarren nolabaiteko egunerokotasunarekin lotuta dauden. ZORIONAK, eta EUTSI GOIARI! jmi »
  • Estitxu Cantera
    (2021, Azaroak 12)
    «Kaixo; Javierren alaba bezela eta nire ama eta ahizparen izenean ere, eskerrîak eman nahi nizkizuen maitasunez beteriko hitz hauengatik. Gu samiñarekin ...»
  • Maite Lopetegi
    (2021, Azaroak 9)
    «Seko harrituta geratu naiz. Ez esperoan erabat. Bilduma Casaresen zegoen garaietan ezagutzeko aukera izan nuen. Oso pertsona atsegin eta adeitsua. ...»
  • Javi Castro
    (2021, Azaroak 9)
    «Nos deja un recuerdo imborrable. Goian bego. »
  • Estibaus
    (2021, Azaroak 8)
    «Sur www.altza.info, il a deux articles de presse liés à l'auto-cross. Dans l'un d'eux, il y a une photo de ...»

etiketak


Sarean