San Luis ereserkia

2012, Irailak 4

Iñigo Landa

Udako jaiak eta ospakizunak erabat atzean utzi aurretik Herrerako festen gainean ohartxo hau idatziko dugu, San Luisi eskainitako ereserkia hizpide izango delarik. Izan ere, uda hasieran gure bazkide batek Asteasuko parrokiaren paperen artean kasualitatez orri bat aurkitu zuen “Himno a San Luis” izenburuarekin, eta data ere idatzita zeukan: “Herrera a 21-6-42″.

Guretzat interesgarria izan zitekeelakoan kopia bat pasa zigun Tokiko Bilduman gordetzeko. Orrian bertan Francisco Lasconateguy-ren izena ere agertzen da, 1939. urtetik gaur egun arte Herrerako parrokiaren abesbatzaren zuzendariarena. Harekin harremanetan jarri ginen eta argitu digu himno hori 1986. urtera arte Herrerako parrokian abestutako himnoaren partitxela dela. Hitzak zeinek idatzi zituen inork ez daki, baina alderdi musikala ordea ezaguna da, Vatikanoaren himno bera baita.

Pako Laskonategik kontatu digunez, 1975. urtean ikusi zuten himnoa aldatzeko beharra. Lanari ekin zioten eta berria konposatzen hasi ziren, baina azkenean burutu gabe geratu zen. Azkenean, Tomas Garbizu musikari ospetsu lezoarrak “Luis Gonzaga Doneari Ereserkia” konposatu zuen 1986. urtean eta geroztik ereserki hau abesten da San Luis egunean Herreran.

Hemen eskaini dizkizuegun hiru partitxela Herrerako parrokiaren historia txikiaren lekuko dira, Altzako Tokiko Bilduman gordeko direnak, baina orri horiek zerbait gehiago ere erakusten digute, alegia, partitxela horiek Pako Laskonategi bezalako gizon baten lanaren lekukoak dira, urte askotan Herreran musikari eskainitako denboraren eta lanaren lekukoak, eta horregatik gure aitormena merezi du.

Etiketak: ,

Iruzkin 1

  1. matias

    Nire herrian abesti hau arkitu izan arren,garbi ikusten da F.Lazkanotegi Jaunak idatzia izan zela Tomas Garbizu Jaunak sumatua.Nola azaldu zen abesti-paper hau nire herriko elizako koruan inork ez daki nunbait.

Iruzkina idatzi

Estibaus

Atalak

Iraila 2019
A A A O O L I
« abu    
 1
2345678
9101112131415
16171819202122
23242526272829
30  

RSS

Azken iruzkinak

  • Miren Koruko González
    (2019, Abuztuak 31)
    «Eskerrikasko egindako lan guztiagatik, Arantza. Harzazu ondo merezia duzun atsedena. »
  • José Ignacio Gamboa
    (2019, Abuztuak 27)
    «Acabo de conocer vuestro blog, realmente me ha impresionado y me gustaría ponerme en contacto con vosotros si es posible, ...»
  • joan mari irigoien
    (2019, Abuztuak 25)
    «Altzako herri-mugimenduen eragile, langile porrokatu, euskararen maitale, Bakea eta Ohorea zuri, Arantza! jmi »
  • Miren Koruko González
    (2019, Abuztuak 14)
    «Posible izango litzateke berriz Guda Zibilean Altza inguruko ibilbidea antolatzea? Apirilean eta Maiatzan ezin joan izan nuen eta pena handia ...»
  • Miren Koruko González
    (2019, Abuztuak 14)
    «Erakusketaren erdia ikusi det. Falta dudana , laister ikusteko asmoa det. Donostiar guziok ikusi behar genuke erakusketa da. Zer pensa ...»

etiketak


Sarean