Martxel Garaikoetxearen omenez

2013, Apirilak 20

Raul Perez

garaikoetxeaAste honen hasieran Martxel Garaikoetxea zendu da. Ondorengo lerrootan nor zen azaltzen ahaleginduko naiz. Duela hamar urte inguru ezagutu nuen, artean Donostiako Irutxulo astekariko erredakzioko kide nintzela. Altza-Herrerako Areto Futbol Txapelketari buruzko albistea idatzi behar nuen eta harekin hitz egiteko esan zidaten, antolatzaileetako bat zelako. Herrerako semea zen Martxel. Oso oker ez banago, Arruebarrena etxeko semea, San Luis plazako bihotzean zegoen etxean jaio zen. Lehen hartu-emana izan genuenetik hamaika aldiz, beti alai eta adeitsu, erantzun zituen nire deiak. Kontatu zidan nola eta zergatik sortu zuten txapelketa: 80ko hamarkadan Altzan oso zabaldua zegoen drogazaletasunari aurre egiteko, gazteentzako aisialdi proposamen bezala eratu zuten txapelketa xumea. Eskolako jolastokian jokatzen zituzten partidak. Ez zuten asko behar.

Urteak aurrera joan ahala, txapelketa hazi zen eta duela bost bat urte goia jo zuen: ia 30 talde. Pentsa zenbat jende mugitzen zuen horren apal jaiotako ekimenak: hamar bat jokalari talde bakoitzeko, entrenatzaileak, epaileak… Ikaragarria! Duela sei bat urte elkartu nintzen Martxelekin, egutegia osatu behar zuten arratsaldean, udara pasata. Hori zen hori saltsa eta giroa Herrera elkartean ikusitakoa! Antolatzaileak, taldeetako ordezkariak… Ez zitzaizkion argazkiak gehiegi gustatzen Martxeli, baina egun hartan atera nion, ondoan Miguel Lazkano kidea zuela. Biak ziren txapelketaren gorputz eta arima.

Partida asko jokatzen ziren astebururo Herrerako frontoi zaharrean eta Altza, Mons eta Bidebieta kiroldegietan. Negu gorrian ere hara eta hona ibili behar zuten Garaikoetxeak, Lazkanok eta beste laguntzaileek astebururo. Trukean asko irabazi zuten. Dirua? Baita zera ere! Jendearen estimua, ordea, eskuratu zuten. Baita ondo irabazi ere, haien lanik gabe ez zatekeen txapelketa existituko.

Altzako kiroldegian jokatzen zituzten final handiak ekaina hasieran, festa giroan: harmailak lepo, Herri Ametsako dantza taldea, txaranga… Lan ona egin izanaren sentsazioa nabaritzen zitzaien Martxeli eta bere kideei garaikurrak ematen zituzten bitartean. Ez zen gutxiagorako. Tamalez, Martxeli eta Lazkanori erregaia bukatu zitzaien duela urte batzuk, txapelketa egiteari utzi zioten eta oso oker ez banago inork ezin izan zuen haiek utzitako lekukoa hartu.

Lerroon bitartez, bi proposamen xume luzatu nahi nituzke. Bata Kirol Patronatuari : Altza kiroldegiko areto futbol pistaren haren izena jartzea, edo sikiera hari eskainitako oroigarria ipintzea. Eta altzatarrei eta herreratarrei, haren omenez txapelketa azkar horietako bat –egun bakarrekoa edo bikoa- sortzea edo partida berezi bat antolatzea jaietan, Martxelek hori eta gehiago merezi baitu. Bere ingurukoak ezagututa, ziur naiz ez direla besoak gurutzatuta geratuko.

Etiketak: ,

3 iruzkin

  1. Elena Arrieta Yarza

    Bonito texto que refleja muy bien la dedicación y el trabajo de Martxel por el Fútbol Sala de Altza. Él era así, trabajador y discreto. Muy buena gente.

  2. Joan Mari irigoien

    Begial lehor al ditut ala umel?
    Martxel joan baitzaigu,
    eta nik ere ezagutu bainuen Martxel!
    Nork emango dizkit pintatzeko tresnak eta koloreak:
    gorri, urdin eta ubel…?
    Sentimenduak, baina, ezin dira pintatu,
    eta soberan ditut paleta eta pintzel

    (BESARKADA BAT MARTXELEN ETXEKO GUZTIEI) / Joan Mari Irigoien

  3. Montxo Garaikoetxea

    Gracias Raúl, Joan Mari y todos los amigos que nos habéis apoyado en estos momentos tan difíciles. No sabéis cómo hemos agradecido vuestras palabras. Ayuda mucho sentirnos tan arropados. Eskerrik asko bihotz bihotzez.
    Montxo Garaikoetxea
    Garaikoetxea eta Makazaga etxekoak

Iruzkina idatzi

Estibaus

Atalak

Urria 2020
A A A O O L I
« ira    
 1234
567891011
12131415161718
19202122232425
262728293031  

RSS

Azken iruzkinak

  • joan mari irigoien
    (2020, Urriak 27)
    «Biziki interesgarria! joan mari irigoien »
  • Estibaus
    (2020, Urriak 22)
    «En www.altza.info tienes dos referencias y en el libro Altza durante la guerra civil española alguna más. Ellibro te lo ...»
  • Arrate rodriguez
    (2020, Urriak 21)
    «El 82 es mi tatarabuelo!! Surano Sáenz de cabezón. ¿Cómo puedo saber mas sobre él? Gracias y felicidades por vuestro trabajo »
  • zapi
    (2020, Urriak 14)
    «oso lan polita eta interesgarria Antxon...milesker »
  • Jabier Estebanez
    (2020, Urriak 6)
    «Perdona Iñigo, me refería a la Ordenanza de Distritos aprobada en 2014 (más allá del Distrito de Altza o Distrito ...»

etiketak


Sarean