“Altza XIX. mendeko kroniketan”

2008, Abenduak 11

Datorren abenduaren 19an, ostirala, arratsaldeko 7:30ean Tomasenen, AHM-k liburu berri bat aurkeztuko du: “Altza en la prensa del siglo XIX / Altza XIX. mendeko kroniketan“, Artiga Bildumaren seigarrena.

Bere orrialdeetan XIX. mendearen azken laurdeneko 179 kronika zahar bildu dira, azken karlistadatik mende bukaera arte. Garai hau oso garrantzitsua izan da Altzaren historian, hamarkada horietan Altza udalerri bezala jaio eta lehen urratsak eman baitzituen, urbanizazio eta industrializazio prozesuetan erabat murgildurik.

Urte haietako prentsa, bakoitza bere joera ideologikoaren ikuspuntutik, lekukoa eta protagonista izan zen garaiko bizitza politiko, ekonomiko zein sozialean, eta, garai hura dagoeneko Charo Roquero historialariak bilduma honetan bertan aztertu badu ere, “La vida de Altza a través de sus actas municipales” izenburupean, orain, ekarpen hau dela medio, hobeto ezagutzeko moduan gaude.

Kroniketan mota askotako gaiak aurkituko ditugu: militarrak, udal administrazioarekin zerikusirik dauzkatenak, Pasaiako portuaren berpiztea, uraren horniketaren inguruko gorabeherak, argiztatze sistemaren hasierak, Antxoren bereiztea, Molinaoko basatzak sortutako osasun arazoak, kultur eta gizarte gaiak, eta, jakina, ohiko gertaeren atala.

Kronika bilduma oso hau www.altza.info/hemeroteca helbidean kontsultatu ahal izango da eta denborarekin osatzen joango da.

Kronikak daten arabera ordenatu eta zenbatu ditugu eta, kontsultak errazteko asmoz, leku-izenen eta gaien aurkibide bana prestatu dugu. Era berean,  kronikak luzeegiak direnean edo bere edukia gure interesetatik urruntzen denean moztu egin ditugu. Edonola ere, gorago aipaturiko web helbidean kronika guztiak bere osotasunean aurkitu ahal izango ditu interesatuak.

Prentsako artikulu hauek guztiak biltzeko oso estimagarria izan da Donostiako Udal Hemerotekak Interneten (Egunez Egun eta Hemeroteka digitala) eta liburutegi nagusian bertan eskaintzen dituen bitartekoak.

Amaitzeko, gure lan honetan  Antxotarrok Historia Mintegia izan dugu bidelagun eta eskertu nahi diegu hemen bilduma hau osatzen lagundu izana.

Etiketak: , ,

2 iruzkin

  1. altza

    libururik argitaratu baduzue zera proposatzen dizuet :Larratxoko Santotomaseko
    periyan ale batzuk jarri salmentan edo bestela guri pasa salgai jartzeko.
    animo eta aurrera

    zapi

  2. Iñigo

    Mila esker, Zapi, kontuan izango dugu.

Iruzkina idatzi

Estibaus

Atalak

Martxoa 2024
A A A O O L I
« ots    
 123
45678910
11121314151617
18192021222324
25262728293031

RSS

Azken iruzkinak

  • Roberto López
    (2024, Martxoak 27)
    «Buenas, mi tío abuelo: Manuel López De los Santos, formo parte del Batallón internacional nº 26 Karl Liebknecht (PCE), falleciendo ...»
  • Pilar Egido eta Enrike Kortabitarte
    (2024, Martxoak 27)
    «Merezitako omenaldia. Gaztaroan zorte handia izan genuen zu gure lehenengo irakaslea izatean. Irakasle berria, baina gogoa eta sasoia ez zenituen sekula falta. Zu ...»
  • Ramón F. Gorosabel
    (2024, Martxoak 22)
    «Muy interesante la actividad Es edificante Gracias. »
  • Maira
    (2024, Martxoak 2)
    «Hola necesito contactarme con las señoras Verónica. Recién leo esto. Soy la novia del nieto de olivo. Su papá Carlos. ...»
  • Luma
    (2024, Otsailak 17)
    «Oso oso interesgarria. »

etiketak


Sarean