Aurkezpena, balio erantsia barne

2008, Abenduak 20

Iñigo Landa

Iragarri bezala atzo arratsaldean AHM-k argitaratutako azken liburuaren aurkezpena egin zen, “Altza XIX. mendeko kroniketan / Altza en la prensa del siglo XIX” liburuarena, alegia. Ekitaldira etorritako lagunek Tomaseneko aretoa bete egin zuten haien presentzia eta maitazarrez.

Liburuarekin batera, “Altza 2009″ egutegia ere aurkeztu zen. Aurtengoa Pako Muñoa, Ixabel Matxinandiarena, Juan Mari Arzak, Kontxita Alkiza eta Iñaki Otaegik utzitako argazkiekin osatuta dago. Irudietan ikus daitekeena komentatu eta bertaratutakoen ekarpenekin aberastu egin zen: Bidebietako soroak Mendiolako magalean; Herrerako eta Altzagaineko ikuspegia Gomistegi baserritik, etxeko txikia aurre-aurrean dagoela; Errege Magoek opariak banatzen Altzako plazan; Juan Mari Arzak Pepi lehengusinarekin Binagresen; talde bat Casares aurrean argazkirako jarria ezkontza bat ospatzen; eta Juan Iradi Martillun jatetxearen kanpoko mahai azpiak hostoz garbitzen. Irudi hauek gure artean partekatzen dugun iraganaz hitz egingo digute 2009 urtean zehar.

Ekitaldirako beste erregalu bat ere bazegoen prestaturik: Maribel Manzano kideak Altzaren ondare industriala ezagutzeko atondutako bisita birtuala. Interneteko Google Earth-ek eskaintzen dituen sateliteko argazkiak erabiliz Altza txori begiz ikusteko gonbidapena luzatzen digu, industriak gure herrian eta guregan utzi duen arrastoaz ezagutu eta jabetu gaitezen. Beatriz Herreras “Altza, Historia y Patrimonio” liburuan eskainitako informaziotik abiatuz, lantegi bakoitzaren fitxa bat osatu du, irudiak, bideoak eta bestelako datuak gehituz.

Esan beharrik ez dago aipatutako lan hauek guztiak, -liburua eta bere bloga, egutegia eta bisita birtuala-, Altzanet-en, Altzaren memoriaren atarian, jasoak daudela mundu osoaren esku.

Hortxe aurkituko duzue, nobedade gisa, “Genealogia” atala, non Juan Carlos Morak azken hilabete hauetan eskainitako hiru hitzaldien Power Point aurkezpenekin batera hitzaldien bideoak ere oso-osorik ikus daitezkeen.

Berriro liburuaren aurkezpenera etorriz, esan nahi dugu liburuaren edizioa eta gastu guztiak AHM-k bere gain hartu dituela eta salgai jarri duela 10 euroren truke. AHM-ko bazkideek eta aurten bazkide egingo direnek musu-truk jasoko dute. AHM irabazi-asmorik gabeko kultura-elkartea da eta bere 182 bazkideen babes ekonomikoari eta adoreari esker lan egiten du, baita beste erakunde, elkarte, enpresa eta norbanakoen laguntzarekin ere; honatx gure eskerrona guztiei. Liburuaren salneurri kopurua gure elkartearen urteko bazkide-kuotaren berbera da. Diru kopuru txiki hau dirua baino gehiago da, ordea, balio erantsia baitarama berarekin, babesa eta kemena ematen duen kopurua, Altzaren historiaren lagunek ematen eta goxatzen duten balio erantsia.


Iruzkina idatzi

Estibaus

Atalak

Abuztua 2020
A A A O O L I
« uzt    
 12
3456789
10111213141516
17181920212223
24252627282930
31  

RSS

Azken iruzkinak

  • Estibaus » Tren bat Intxaurrondo zeharkatuz, 1915 aldera
    (2020, Abuztuak 3)
    «[...] Mons likore fabrika ikusten da, eta eskuinaldean, landetxe dotoreen artean, Algarbe baserria. Polenteninoseko kondearen beste argazkiak bezala, hau ere ...»
  • Estibaus » Tren bat Intxaurrondo zeharkatuz, 1915 aldera
    (2020, Abuztuak 2)
    «[...] erakusten digu, Irunerako norabidean. Trenaren bidearekiko paralelo, tranbiarena dago. Ezkerrean, Mons likore fabrika ikusten da, eta eskuinaldean, landetxe dotoreen ...»
  • José Luis
    (2020, Ekainak 30)
    «Estupenda presentación del libro Altza durante la guerra civil española. Ahora a leer el libro. Enhorabuena !!! Gracias. »
  • Zapi
    (2020, Ekainak 23)
    «Auzi honekin falta den bakarra (eta garrantzitsuena) altzatarron iritzia da, ez Donostiak ez Pasaiak errespetatzen duena... Badira 80 urte Franco ...»
  • Estibaus » Pasaiarekiko muga gatazkari amaiera
    (2020, Ekainak 22)
    «[...] joko zuela ohartaraziz. Orduan, hemen, Estibausen, erabaki hori salatu egin genuen (”Mugekin bueltaka, manipulazioaren eta inposaketaren bidean“). Sei urte ...»

etiketak


Sarean