Janen Ibilaldiak Altzan

2014, Maiatzak 1

jacobsLarunbata honetan “Janen Ibilaldiak” izeneko jardueran parte hartuko dugu, Impact Hub kolektiboak antolaturik. Jarduera hau mundu osoan egun hauetan bertan egiten da Jane Jacobs pentsalari eta ekintzaile amerikarra gogoratuz.

Jane Jacobsek hainbat hirigintza proiektuen aurka idatzi zuen eta hiritarren ekimenak antolatu zituen, izan ere, proiektu horiek, itxuraz hiritar inguru biziak sortzeko pentsatuta bazeuden ere, errealitatean alderantzizko eragina baitzuten. Jacobsen idatzietan garrantzi berezia ematen zaio kaleko espaloiari, -hiritar bizitza sortzaile gisa-, eta baita eraikitako eraikinak eraberritzeak eta berrerabiltzeak zuen garrantziari ere.

Altzan ongi baino hobeto ezagutzen ditugu hirigintza planifikatzaileen arduragabekeria eta axolagabekeria, eta hala ere, gure kaleetan bizi garen jendea egunero berreskuratzen dugu guretzako hiritar bizitza sortzeko protagonismoa. Inguru aldrebes batean, Altzako kale eta bideetan zehar ibiltzeak aukera asko eskainiko digu bizilagunekin eta inguruarekin harremanetan jartzeko: ezagunak eta ezezagunak agurtu, hitz egitera gelditu, lagunen eta bestelako gertaeren berri izan, kaleetan gertatzen diren aldaketak eta berrikuntzak ezagutu, jende onarekin topo egin… Gure aldetik, Altzaren Historia eramango dugu ibilaldira, baina ibilbidean zehar pertsona eta talde askoren ekarpen eta esperientzia ugariak izango dira, hiritar bizitzaren benetako sortzaileena.

Ibilbidearen ordutegia:

09:30  Irteera: Buenavistako biribilgunea
10:30  Elizondo Taberna (Arriberri)
11:00  Tomasene kultur etxea:  hainbat auzokideen elkarrizketen proiekzioa
12:30  Herrera: objektuen bilduma interesgarria
14:00  Altzagaina: udaletxea eta Eraikuntza Institutua
15:00  Bazkaria: Martillun jatetxea
17:00  Larratxo parkea
18:00  Amaiera

ibilbidea

Etiketak: ,

Iruzkina idatzi

Estibaus

Atalak

Maiatza 2020
A A A O O L I
« api    
 123
45678910
11121314151617
18192021222324
25262728293031

RSS

Azken iruzkinak

  • Estibaus » 80 urteko anexioa: aitormena
    (2020, Maiatzak 20)
    «[...] Aurreko sarrera batean Donostiako Udalari dei egiten genion Errepublikarekin zuten konpromisoagatik jazarriak izan ziren zinegotzi altzatarren lan politikoa onar ...»
  • joan mari irigoien
    (2020, Maiatzak 8)
    «Aldez aurretik bada ere, ESKERRIK ASKO, Ion Urrestarazu! jmi »
  • Estibaus » Altza prentsan (1936-1940)
    (2020, Maiatzak 7)
    «[...] Altzako alkate izateari utzi eta hilabetera, Gobernu Zibilak 1.000 pezetako isuna jarri zion Antonio Silvari, babarrunak legez kanpo saltzeagatik. ...»
  • Beatriz Garmendia
    (2020, Maiatzak 4)
    «Por cierto, soy hija de carmen, la hermana de Agueda Otegui »
  • Beatriz Garmendia
    (2020, Maiatzak 4)
    «Hola Edurne, soy Beatriz, sobrina de Agueda Otegui. Si quieres ponte en contacto conmigo, me encantaría saludarte. »

etiketak


Sarean