2015 urteko egutegiaren aurkezpena

2014, Abenduak 15

altza-calen-300x430-2015Joan den ostiralean, hilak 12, Jolastokietan, 2015 urteko egutegia aurkeztu genuen. Egutegi berrian kirol giroan murgildu gara. Izan ere, album altzatarra berria prestatzen ari gara eta bere orrialdetan kirolak Altzan XX. mendean zehar izan duen presentzia islatu nahi dugu. Asmoa burutzeko argazki sorta interesgarria badugu dagoeneko, baina, hala ere, egutegiaren aurkezpenaz gonbidapen berri bat egiteko baliatu gara, Altzako kirolarekin zer ikusirik duen momenturik, lekurik, ekitaldirik, protagonistarik eta abar jasotzen duen argazkirik duena gurekin harremanetan jar dadin.

Egutegi handiaren argazki nagusia Patxi Lazkanok utzi digu eta Herrerako futbol-zelaian sari-banaketaren unea jasotzen du, atzealdean Altzagaina ikusten delarik (1958). Ezkerreko argazkia, bestetik, Francisco Lasak eman zigun eta Mirakruzgainako jaietan 1956. urtean egin zen txirrindu lasterketa ageri da. Honen parean, eskuinaldean, Javier Gallegoren argazkia dago, non mutiko multzo handi bat “I. Altzako Krossa” lasterketan parte hartzen ari diren (1984). Egutegi txikirako, azkenik, Herrerako Sportingaren aulkia aukeratu dugu (1972); argazkia Sportingek berak pasa digu.

Egutegiaren aurkezpena Jolastokietan egin izana ez da kasualitatea izan. Jolastokieta auzoaren izena, eta bertako sozio-kultura-jolas-kirol elkartearen izenarena -bere egoitzan aurkezpena egiteko hain abegikorrak izan direnak-, orain dela ehun urte sortu zen Jolastokieta Elkartearen izenetik eta elkarte horrek Herreran zituen instalazioetatik datorkie. Mendeurrena gogoratu eta elkarte horrek egin zuen ibilbide laburrari -lau urte besterik ez- gain-begirada bat eman genion aurkezpenean. Jolastokieta elkartea eta bere instalazioak nabarmendu ziren hainbat kiroletan, hala nola pilotan, futbolean… eta, batez ere, atletismoan, paper garrantzitsu bat jokatuz kirol honen sorreran eta hastapenetan. Elkartea desagertu ondoren instalazioen erabilerak jarraitu zuen 1940. urtera arte, inguru horretan Rutilita fabrika eraiki arte. Aurki, Estibausen bertan, sarrera berri bat egingo dugu Jolastokietari buruz bildu ditugun datu garrantzitsuenekin, aurkezpenean banatu genuen orrian agertzen zirenak. Argazkiak, prentsa kronikak eta gainontzeko dokumentuak, bestalde, Altzako Tokiko Bilduman kontsulta daitezke dagoeneko, hemen klik eginez.

Aurkezpenari amaiera emateko, fotogalería bat proiektatu genuen albumerako bildu ditugun argazkien artean aukeraketa bat eginez. Epe labur batean Altzanet web orrian ikusgarri egongo da.

Eta ondoren, bertan bildu ginenak, berrogeita hamar lagunetik gora, parada izan genuen beste behin elkarrekin egoteko, hitz egiteko, datuak eta esperientziak jasotzeko… lanean jarraitzeko indar-iturri bikaina.

Aurreko urteetan bezala, egutegia doan banatuko da olentzeroetan, kultur etxean eta diruz lagundu diguten lekuetan. Hauei ere gure eskerrik beroenak.

Urte berri on!

egutegi-txikia

Iruzkina idatzi

Estibaus

Atalak

Abuztua 2019
A A A O O L I
« uzt    
 1234
567891011
12131415161718
19202122232425
262728293031  

RSS

Azken iruzkinak

  • Miren Koruko González
    (2019, Abuztuak 14)
    «Posible izango litzateke berriz Guda Zibilean Altza inguruko ibilbidea antolatzea? Apirilean eta Maiatzan ezin joan izan nuen eta pena handia ...»
  • Miren Koruko González
    (2019, Abuztuak 14)
    «Erakusketaren erdia ikusi det. Falta dudana , laister ikusteko asmoa det. Donostiar guziok ikusi behar genuke erakusketa da. Zer pensa ...»
  • Miren Koruko González
    (2019, Abuztuak 14)
    «Enbasorik egiten ez ba du, ni ere, erabilpen beharrezko bat ematearen alde nago. Ezin degu gure iragana ezabatu. »
  • Estibaus
    (2019, Abuztuak 6)
    «Hola Fernando. Poco más te podemos decir aparte de lo que ya está escrito aquí. Nosotros sólo te podríamos ampliar ...»
  • Carlos Fernando Berra Orendain
    (2019, Abuztuak 5)
    «Hola soy fernando Berra nieto de Carlos Fernando Berra Se poco de mi abuelo Solo se que era italiano Mi abuelo y ...»

etiketak


Sarean