Herrerako Krosaren hastapena

2015, Urtarrilak 20

screenshot-2015-01-19-185218

Kutxa Fototeka

Herrerako Krosaren lehen lasterketa 1926ko azaroaren 21ean egin zen, Herrera Sport klubak antolaturik.  Irabazlea Fidel Acebal izan zen, Errenteriako Lagun Artea elkartekoa; elkarteen artean Añorga nagusitu zen. Lasterketaren kronika zehatzak garaiko prentsaren kirol orrialdeetan aurkituko ditugu (Mundo Deportivo, El Pueblo Vasco, La Constancia, ABC…), antolatzaileak zorionduz eta lasterketaren arrakasta nabarmenduz: “numeroso público presenció la carrera y a continuación de ella se procedió al reparto de premios, que fue otro éxito formidable, pues todos los clasificados recibieron premios“. (El Pueblo Vasco, 1926-11-23)

Herrera Sport klubaren korrikalariak hauek izan ziren: Jose de Dios eta Francisco Zaldua federatuak, 20. eta 23. postuan heldu zirenak, hurrenez hurren, eta Angel Echeburua 24, Esteban Lacalle 31, Vicente Martínez 38, eta Sánchez 42 korrikalari hasiberriak.

Denboraldiko lehen oin-lasterketa astebete aurretik Donostiako Fortuna klubak antolatu zuena izan zen eta bertan Herrera Sport elkartearen korrikalariek ere parte hartu zuten; hau dugu Herrera Sport elkartearen oraingoz dugun lehen notizia.

Hurrengo urtean, 1927ko abenduaren 22an, Herrerako krosaren bigarren lasterketaren txapelduna Migel Zialzeta (Real Sociedad) izan zen, eta elkarteen arteko lehian Errenteriako Lagun Artea nagusitu zen. Elkarte honek irabazi zuen Herrerako zur-biltegiko nagusia zen Fernando Nicolás jaunak bost korrikalariko talde txapeldunei eskainitako garaikurra; garaikurra behin betiko eskuratzeko taldeak bi urte jarraian irabazi behar zuen edo hiru alditan aldizkako.  Altzako Udalak, bestalde, sari berezi bat gordea zeukan hasiberrien atalean lehen postuan sailkatutako klubarentzat, Herrera Sport taldeak irabazi zuena. (ABC, 1927-12-20)

Orduz geroztik, Herrerako krosa jarraipena izan du gaur egun arte, Joakin Intxausti “Pipas” Herri Krosa izenarekin eta Herrera Kirol Elkarteak antolaturik. Antxon Seges elkarteko lehendakari ohiak honen gainean idatzi du “El cross de Herrera” artikuluan, Altza, Hautsa Kenduz 11 zenbakian.

Etiketak:

Iruzkina idatzi

Estibaus

Atalak

Martxoa 2024
A A A O O L I
« ots    
 123
45678910
11121314151617
18192021222324
25262728293031

RSS

Azken iruzkinak

  • Roberto López
    (2024, Martxoak 27)
    «Buenas, mi tío abuelo: Manuel López De los Santos, formo parte del Batallón internacional nº 26 Karl Liebknecht (PCE), falleciendo ...»
  • Pilar Egido eta Enrike Kortabitarte
    (2024, Martxoak 27)
    «Merezitako omenaldia. Gaztaroan zorte handia izan genuen zu gure lehenengo irakaslea izatean. Irakasle berria, baina gogoa eta sasoia ez zenituen sekula falta. Zu ...»
  • Ramón F. Gorosabel
    (2024, Martxoak 22)
    «Muy interesante la actividad Es edificante Gracias. »
  • Maira
    (2024, Martxoak 2)
    «Hola necesito contactarme con las señoras Verónica. Recién leo esto. Soy la novia del nieto de olivo. Su papá Carlos. ...»
  • Luma
    (2024, Otsailak 17)
    «Oso oso interesgarria. »

etiketak


Sarean