Zavalaren Auspoa Altzan

2009, Otsailak 7

Iñigo Landa

Antonio Zavala, Auspoa bildumaren sortzailea,  Iruñean hil zen urtarrilaren 2an, 80 urte zituela. Jesuita eta euskaltzain osoa, haren merezimenduaz luze eta zabal idatzi da, agian ez merezi duen haina. Gure txokoan ere aipamen bat, xumea bada ere, merezi duela uste dugu, haren lana handia izan delako eta gure artean oraindik ere bide luzea egingo ahal duelako.

Bere bizitzaren zati handi bat “herriaren arnasa” biltzeari emana, herriz herri, baserriz baserri ibilitako gizon langile horrek Altzako sukaldeetatik ere ahazmenaren zulo ilunera kondenaturik zeuden harribitxiak bildu zituen.

Zavalari zor diogu “Alza’ko bertsolari zaarrak” liburu preziatua, 1968. urtean argitaratua. Haren bitartez heldu zaizkigu Marrusko Andres Arrieta, Arruesko Joxe Garmendia, Amuederko Patxiko Arzak, Gaztelueneko Xaturdino Erauskin eta Txurdiñeneko Artzai-Txikiya bertsolarien berri.

Haren bitartez ere, garai bateko altzatarren hizkeraz eta bizimoduaz ikasi dugu: Atañoren “Txantxangorri kantaria“; Txirritak Gazteluenetik jarritako bertso-paperak; Gaztelueneko Jose Ramon Erauskinen “Aien garaiak”, Garberako Bixente Barandiaran eta Ubegiko Bartolo Aierberen lekukotasunak. Altzatarron ondarea ederki aberastu du.

Zavalak gerora begira burutu du bere lana eta bere Auspoak bidaltzen digun arnasaz onduko da gurea.

altzakobertsolariak_200

Etiketak: , ,

Iruzkin 1

  1. Bittor Hidalgo

    Eskerrik asko Iñigo Altzatik ere Aita Zabala gogoratzeagatik, eta berarekin Altzako aipatzen dituzun altxor horiek guztiak ere, “haren lana handia izan delako eta gure artean oraindik ere bide luzea egingo ahal duelako”.

    Ondo izan eta segi lanean

    Bittor

Iruzkina idatzi

Estibaus

Atalak

Martxoa 2024
A A A O O L I
« ots    
 123
45678910
11121314151617
18192021222324
25262728293031

RSS

Azken iruzkinak

  • Roberto López
    (2024, Martxoak 27)
    «Buenas, mi tío abuelo: Manuel López De los Santos, formo parte del Batallón internacional nº 26 Karl Liebknecht (PCE), falleciendo ...»
  • Pilar Egido eta Enrike Kortabitarte
    (2024, Martxoak 27)
    «Merezitako omenaldia. Gaztaroan zorte handia izan genuen zu gure lehenengo irakaslea izatean. Irakasle berria, baina gogoa eta sasoia ez zenituen sekula falta. Zu ...»
  • Ramón F. Gorosabel
    (2024, Martxoak 22)
    «Muy interesante la actividad Es edificante Gracias. »
  • Maira
    (2024, Martxoak 2)
    «Hola necesito contactarme con las señoras Verónica. Recién leo esto. Soy la novia del nieto de olivo. Su papá Carlos. ...»
  • Luma
    (2024, Otsailak 17)
    «Oso oso interesgarria. »

etiketak


Sarean