Mattinen zarrakamalda

2016, Abenduak 1

zarrakamalda

Iñigo Landa

Euskaraz sortutako komikiak harri bitxiak dira, urtean soilik bat edo bi argitaratzen baitira. 2016 urte honetan harri bitxi horietako bat Altzan sortu da eta Mattin marrazkilaria izan da komikia erditu duena. Komikiak Zarrakamalda du izena eta Txalapartak argitaratu du.

Mattin ezaguna dugu prentsan argitaratutako binetengatik eta liburuak ilustratzeagatik, baita zuzeneko saioak eta abarreko lanengatik ere. Gurean, bi alditan kolaboratu du “Altza hautsa kenduz” sortan, “Larratxo blues” (2011) eta “Artzaia” (2013) komikiekin. Aurten AHMrekin lan egin du “Altza denboraren joan-etorria” liburua ilustratzen, datorren abenduaren 16an Larratxon aurkeztuko dena, hain zuzen.

Zarrakamalda argitaratu berria Mattinen lehen komiki luzea da, orain arteko lanik pertsonalena eta landuena agian. Mattinen berezko marrazketa eta ahotsez kontatua, bere lanetan ohikoa den kolore aberastasuna alde batera geratzen da kontakizun honetan, eta protagonistak, Lokatza ezizenezkoa, 261 orrialdetan zehar bizitzaren gordintasunari aurre egiten dio itxaropena eta etsipenaren artean balantzaka zuri-beltzezko paisaia batean.

Sega eta igitaiaren arteko lanabesa da zarrakamalda. Gutxi ezaguna, sasiak ebakitzeko erabiltzen da ondoren garbitutako lursailean baratze bat lantzeko. Sega eta igitaia bezalako tresnen antzean, duten nekazal funtziotik harago, Mattinen zarrakamaldak ere zentzu figuratibo bat eskaintzen dio irakurleari, bizitzarekiko jarrera batena, etsipenaren gainetik lanaren fruitua jasotzeko itxaropenaren alde egiten duena.

Etiketak:

Iruzkin 1

  1. Joan Mari irigoien

    Biba hi, Mattin, eta biba hi, Iñigo!

    Eutsi goiari!

    jm

Iruzkina idatzi

Estibaus

Atalak

Maiatza 2020
A A A O O L I
« api    
 123
45678910
11121314151617
18192021222324
25262728293031

RSS

Azken iruzkinak

  • Estibaus » 80 urteko anexioa: aitormena
    (2020, Maiatzak 20)
    «[...] Aurreko sarrera batean Donostiako Udalari dei egiten genion Errepublikarekin zuten konpromisoagatik jazarriak izan ziren zinegotzi altzatarren lan politikoa onar ...»
  • joan mari irigoien
    (2020, Maiatzak 8)
    «Aldez aurretik bada ere, ESKERRIK ASKO, Ion Urrestarazu! jmi »
  • Estibaus » Altza prentsan (1936-1940)
    (2020, Maiatzak 7)
    «[...] Altzako alkate izateari utzi eta hilabetera, Gobernu Zibilak 1.000 pezetako isuna jarri zion Antonio Silvari, babarrunak legez kanpo saltzeagatik. ...»
  • Beatriz Garmendia
    (2020, Maiatzak 4)
    «Por cierto, soy hija de carmen, la hermana de Agueda Otegui »
  • Beatriz Garmendia
    (2020, Maiatzak 4)
    «Hola Edurne, soy Beatriz, sobrina de Agueda Otegui. Si quieres ponte en contacto conmigo, me encantaría saludarte. »

etiketak


Sarean