“Adams Challenge” itsasontzi berezia

2009, Martxoak 7

Iñigo

Buenavista guretzat mundu zabalera irekitako ate bat da. Buenavistako kaietan klase eta leku guztietako ontziak amarratu dituzte, mundu osoko marinel xumeak eta pertsonaje nagusiak heldu dira, eta ontzien sotoetan espezie guztietako produktuak.

Gaur egun ere, Buenavistan aurkitzen dugu itsasoaren lilura. Erlojuaren kaian, Oleta eta Buenavistaren artean, amarratu dute 85 metroko eslora duen ontzi handi bat, jostailu itxura duena.

“Adams Challenge” ontzia da, Eskoziako Aberdeen-go matrikula duena, itsasoratu berria. Zumaiako Balenciaga ontzioletan egin dute eta Gipuzkoan inoiz eraiki den handienetakoa da. Pasaiara ekarri dute ekipamendua osatzeko eta itsasoan egin beharreko probak egiteko. Itsasontzi berezia da: brankan plataforma altu bat dauka helikopteroak hartzeko prestatua, zubiaren egitura erraldoia da eslorarekiko, eta popa aldean erantsi dizkioten ekipamenduak aipagarriak dira, gure portuan behintzat. Esan digutenez, Pertsiar Golkoko petrolio-plataformetan lan egiteko prestatu dute, ur-azpiko mantentze lanak egiteko eta horretarako, hain zuzen ere, sakonera handietan lan egin behar duten urpekarientzako ganbera hiperbarikoaz horniturik dago.

Zumaiako ontziolatik atzeraka atera behar izan zuten maniobra zail bezain ikusgarri batez, Baleike-k interneten zintzilikatu duen bideoan ikus daitekeen bezala.

Esan bezala, itsaso-ingeniaritzaren lan berezi bat da Buenavistan ikus dezakegun hau.

adams

Etiketak: , ,

Iruzkina idatzi

Estibaus

Atalak

Martxoa 2021
A A A O O L I
« ots    
1234567
891011121314
15161718192021
22232425262728
293031  

RSS

Azken iruzkinak

  • Ancora
    (2021, Otsailak 24)
    «Enhorabuena por la labor de investigación. Apoyamos totalmente la conservación estos elementos que forman parte de nuestro patrimonio industrial ferroviario. ...»
  • Zigor Etxeburua
    (2021, Otsailak 24)
    «Oso jakingarria. Eskerrik asko »
  • Iñaki Ezama
    (2021, Otsailak 23)
    «Txalos Iñigo. Oso ona. »
  • Ramón
    (2021, Otsailak 21)
    «¡qué historia tan ejemplar! »
  • Estibaus
    (2021, Otsailak 13)
    «Artzak Ortzeok, se puede traducir literalmente como "ahí está Arzak", "hor dago" en hika, forma verbal utilizada entre personas muy ...»

etiketak


Sarean