Mutriku ezagutzera

2017, Urriak 3

mg_7186-2Datorren urriaren 21ean, larunbata, Mutriku ezagutzera joango gara gure adiskide, bazkide eta Aranzadiko kidea den Javi Castroren eskutik. Egitasmoa hauxe da:

  • Mijoa auzoa: San Geronimo ermita eta Ilunbe baserrian dagoen XVI. mendeko dintelean dagoen nao baten irudia.
  • Saturraran: Gipuzkoako muga. Eguraldiak laguntzen badu oinez joango gara Ondarroaraino.
  • Antzainerra edo Songinerreka bailara: istorio mitologikoez jositako errota ingurua.
  • Olatz bailara: Bizkaiko mugan dagoen haran karstikoa. Ordubeteko denbora baldin badugu, Lete saroea bisita dezakegu.
  • Bazkal ondoren, Mutrikuko hirigunea bisitatuko dugu. Erdi Aroko aldea eta portua.

ilunbe1Denboraren arabera, Erdi Aroko dorretxe bat ikusteko aukera izango dugu, Aritzeta, moja agustindarren komentuaren jatorria eta XVI. mendean Lobianoko Isabel bahitu zuten lekua; bertan 1470. urteko harearrizko harri batean zizelatutako testua dago.

Esteka honetan daukazue Mutrikuri buruz Javik bildutako datu sorta bat.

Txangoa gure autoak erabiliz egingo dugu, aise heltzeko eta aparkatzeko modua izango baita. Parte hartuko dugunen artean ordainduko ditugu gastuak, 5 bat euro inguru bakoitzeko.

Kirol oinetakoak edo bota arinak eramatea gomendagarria da.

Bazkaltzeko bakoitzak bere ogitartekoa eramango du.

torreberriatua10Casares kultur etxetik 8:30ean abiatuko gara eta Deba herriko sarreran, hondartza ondoan dagoen aparkalekuan 9:30 inguruan bilduko gara. Itzultzeko ordua 5ak aldean izango da, Mutrikutik.

Joan gaitezkeen partaideen kopurua mugatua da eta parte hartu nahi duenak urriaren 15a baino lehen izena eman behar du 649496607 telefonora deituz edo ahm@altza.net helbidera idatziz, honako datu hauek emanez: parte hartuko dutenen izen-abizenak, kontaktatzeko telefono zenbakia, eta ia ibilgailua duzun edo ez.

puerto28

Etiketak:

Iruzkina idatzi

Estibaus

Atalak

Abuztua 2020
A A A O O L I
« uzt    
 12
3456789
10111213141516
17181920212223
24252627282930
31  

RSS

Azken iruzkinak

  • Estibaus » Tren bat Intxaurrondo zeharkatuz, 1915 aldera
    (2020, Abuztuak 3)
    «[...] Mons likore fabrika ikusten da, eta eskuinaldean, landetxe dotoreen artean, Algarbe baserria. Polenteninoseko kondearen beste argazkiak bezala, hau ere ...»
  • Estibaus » Tren bat Intxaurrondo zeharkatuz, 1915 aldera
    (2020, Abuztuak 2)
    «[...] erakusten digu, Irunerako norabidean. Trenaren bidearekiko paralelo, tranbiarena dago. Ezkerrean, Mons likore fabrika ikusten da, eta eskuinaldean, landetxe dotoreen ...»
  • José Luis
    (2020, Ekainak 30)
    «Estupenda presentación del libro Altza durante la guerra civil española. Ahora a leer el libro. Enhorabuena !!! Gracias. »
  • Zapi
    (2020, Ekainak 23)
    «Auzi honekin falta den bakarra (eta garrantzitsuena) altzatarron iritzia da, ez Donostiak ez Pasaiak errespetatzen duena... Badira 80 urte Franco ...»
  • Estibaus » Pasaiarekiko muga gatazkari amaiera
    (2020, Ekainak 22)
    «[...] joko zuela ohartaraziz. Orduan, hemen, Estibausen, erabaki hori salatu egin genuen (”Mugekin bueltaka, manipulazioaren eta inposaketaren bidean“). Sei urte ...»

etiketak


Sarean