Altza osasuntsuagoaren aldeko plataformak Udalari

2017, Abenduak 1

image01

Altza osasuntsuagoaren aldeko plataforma

Pasa den irailaren 25ean batzartu zen Plataforma hau udal ordezkariekin, udalak deituta. Bileran izan ziren udaleko zenbait arduradun politiko eta teknikari. Azaldu zuten, bidalita dagoela Jaurlaritzara amiantoa behin betiko estaltzeko egitasmoa, eta onespenaren zain dagoela. Era berean, azaldu zuten kiroldegiaren egitasmo berrian moldaketak egin beharko direla kanpoko igerilekuan, eta horrek eragina izango duela bere altueran, kokapenean eta orain arte aparkalekua zen eremuan (aparkaleku gehiena galduko da).

Beste gauzen artean, Plataformak azaldu zuen Oleta ikastetxearen inguruan egin diren behin behineko estaltze lanetan akatsak izan direla. Era berean, argipenak eskatu ziren ikastetxe barruan azaldu den amiantoaz. Azkenik, galdetu zuen egitasmo berriak aldaketarik izango ote duen kiroldegiaren barneko instalazioetan. Udal ordezkariek esan zuten barruko igerileku txikia aurreko proiektukoa baino txikiagoa izango dela.

Moldaketen zehaztasunak emateko eskaria egin zitzaion udalari, hurrengo egunetan, aurreko egitasmoan adostu baitzen herritarrekin barneko igerileku txikia balioanitza izatea, waterpoloko taldeek igerileku handia erabiltzean entrenamenduetan, bestean igeri egin ahal izateko. Horrekin batera, gimnasia aretoaren altueraren berri ematea eskatu zen, horretan ere erabiltzaileekin adostasun batzuk lortu baitziren aurreko legealdian. Gure galderen erantzuna ez genuen zuzenean izan, egunkari baten bidez baizik. Berriz galdetu behar izan genuen eta eposta bidez berretsi zigun udalak ez dela moldaketarik izango.

Geroztik jakin dugu, egunkarien bidez, berriz ere, Eraikuntza Eskola zeneko eraikinean egin beharreko behin behineko kiroldegia aurrera doala, horren inguruan herritarrek zalantza ugari azaldu arren, udalak ekainean egindako batzar irekian. Erakunde pribatu baten eraikina izanik, premiazkoa da udalak bermatzea instalazio moldatuak herriarentzat geratuko direla, aurrera begira ere. Gainera, kokapen horrek hainbat irisgarritasun gabezia ditu, eta bertaratzea errazteko neurriak beharko lituzke (autobusa, igogailuak, aparkalekua…). Horren haritik, berretsi behar dugu ez zaigula egokia iruditzen herritarren bizitzetan eragina duten erabakien berri soilik hedabideen bidez zabaltzea, eta ez zuzenean informatzea herritarrak.

Plataforma honek zeharka jakin duenez, aurrekontu egitasmoan diru sailak esleituta dituen arren, oraindik ez da kiroldegi berriaren egitasmoa onartu, udaleko Gobernu Batzordean. Lanen esleipena atzeratzeko arriskua dago, beraz.

Iraileko bileran udalari adierazi bezala, Plataforma honek eskatzen dio Donostiako udalari altzatar guztiei zuzenean jakinaraztea:

  • ematen ari den eta emango dituen urratsen berri, amiantoz kutsatutako lurrak estaltzeko (noraino estaliko duten, nola estaliko den eta noiz hasiko diren),
  • kiroldegi berriaren epeak zein diren,
  • ordezko instalazioak zertan diren eta erabiltzaileentzako neurri konpentsagarriak aztertu ote diren,
  • eta parte hartze prozesua egitea, moldaketak adosteko, aurreko egitasmoa herritarrekin batera ondu baitzen.
  • image02
  • Etiketak: , ,

    Iruzkina idatzi

    Estibaus

    Atalak

    Iraila 2019
    A A A O O L I
    « abu    
     1
    2345678
    9101112131415
    16171819202122
    23242526272829
    30  

    RSS

    Azken iruzkinak

    • Miren Koruko González
      (2019, Abuztuak 31)
      «Eskerrikasko egindako lan guztiagatik, Arantza. Harzazu ondo merezia duzun atsedena. »
    • José Ignacio Gamboa
      (2019, Abuztuak 27)
      «Acabo de conocer vuestro blog, realmente me ha impresionado y me gustaría ponerme en contacto con vosotros si es posible, ...»
    • joan mari irigoien
      (2019, Abuztuak 25)
      «Altzako herri-mugimenduen eragile, langile porrokatu, euskararen maitale, Bakea eta Ohorea zuri, Arantza! jmi »
    • Miren Koruko González
      (2019, Abuztuak 14)
      «Posible izango litzateke berriz Guda Zibilean Altza inguruko ibilbidea antolatzea? Apirilean eta Maiatzan ezin joan izan nuen eta pena handia ...»
    • Miren Koruko González
      (2019, Abuztuak 14)
      «Erakusketaren erdia ikusi det. Falta dudana , laister ikusteko asmoa det. Donostiar guziok ikusi behar genuke erakusketa da. Zer pensa ...»

    etiketak


    Sarean