“Pasajes y la industria guipuzcoana” liburua

2018, Apirilak 12

q-120004

“Pasajes y la industria guipuzcoana” Rafael Guerra Clementek bere kasa editatutako liburua da, 1936 urte aldera.  Liburuaren helburua Pasaiako portuaren sustapena zen, eta hori Gipuzkoako industriaren bultzadarekin lotu nahi zuen. Portuaren historia eta deskribapena egiteaz gain, Gipuzkoako enpresa nagusien bana-banako historia eta azalpen zehatzak eskaintzen ditu. Orrialde guztiak gehien bat argazkiekin ilustratuak daude eta baita iragarki askorekin ere, batez ere liburuaren bigarren erdialdean. Horietatik guztietatik Altzarekin zerikusirik dauzkatenak hartu ditugu. Tartean argazkiren bat badago eta orain arte Bilduman ez genituen ikuspegiak eskaintzen dizkigu.

q-120003

“Herederos de Ramón Múgica - Maderas”.- Ramón Múgica Tolosan jaiotako enpresaria zen. Bere aroztegi industriala Grosen jarri zuen martxan 1878. urtean, eta XX. mende hasieran Herrerako portu eremuan biltegiak eta zur-lehortegiak eraiki zituen. (1) Iragarkiaren beheko argazkian ikus daitezke. Argazkiaren atzealdean Arriaga baserriaren inguruko zuhaitzak ikusten dira eta, ezkerraldean, Oletako Etxeberri-Kosta etxea.

q-120005

“La Compañía de Maderas”.- Herrerako enpresaren instalazioak Francisco Urcola arkitektoak proiektatu zituen 1913. urtean. (2) Eraikinaren fatxada nagusia iragarkiaren erdi-erdian dago. Ezkerraldean Gaiztarroko lurrak ageri dira eta, atzealdeko ezkerraldean Guardaplata baserria.

Horiez gain, liburuan “José Antonio Lasa” enpresaren orrialde osoko iragarkia aurkituko dugu, baita “Unión Eléctrica Vasco-Navarra, S.A.” enpresaren iragarki txikiago bat ere, Altza, eta inguruko beste herriak, argi-indarrez hornitzen zuen enpresa.

Azkenik, argitalpenean idazten dutenen artean Javier Marquina aurkituko dugu, Portuko Obra Batzordearen presidentea izan zena. Bere artikulua Buenavistako eraikin ofizialen argazki eta marrazkiekin ilustraturik dago; eraikin horien diseinuaren atzean Luis Tolosa delineatzailearen esku dago.

(1)   “Historias del tren” bloga: Herederos de Ramón Múgica

(2)   Beatriz Herreras Moratinos: Altza: Historia y Patrimonio. Artiga Bilduma 4, AHM, 2001, 63. or.

Etiketak: ,

Iruzkina idatzi

Estibaus

Atalak

Ekaina 2020
A A A O O L I
« mai    
1234567
891011121314
15161718192021
22232425262728
2930  

RSS

Azken iruzkinak

  • Miren Koruko Gonzalez
    (2020, Maiatzak 30)
    «Bai egia!! Polita benetan olerkia!!! Eskerrikasko. »
  • Estibaus » 80 urteko anexioa: aitormena
    (2020, Maiatzak 20)
    «[...] Aurreko sarrera batean Donostiako Udalari dei egiten genion Errepublikarekin zuten konpromisoagatik jazarriak izan ziren zinegotzi altzatarren lan politikoa onar ...»
  • joan mari irigoien
    (2020, Maiatzak 8)
    «Aldez aurretik bada ere, ESKERRIK ASKO, Ion Urrestarazu! jmi »
  • Estibaus » Altza prentsan (1936-1940)
    (2020, Maiatzak 7)
    «[...] Altzako alkate izateari utzi eta hilabetera, Gobernu Zibilak 1.000 pezetako isuna jarri zion Antonio Silvari, babarrunak legez kanpo saltzeagatik. ...»
  • Beatriz Garmendia
    (2020, Maiatzak 4)
    «Por cierto, soy hija de carmen, la hermana de Agueda Otegui »

etiketak


Sarean