Ekialdeko Barrutiaren Batzarra osatzeko hauteskundeak

2018, Maiatzak 13

AHM

"Orain da garaia" 2005. urtea

"Orain da garaia" 2005. urtea

Datorren larunbatean, hilak 19, Altzako udalerria neurri batean bere baitan hartzen duen Ekialdeko Barrutiaren Batzarra osatzeko lehen hauteskundeak egingo dira. AHM - Altzako Historia Mintegiak Batzarrean parte hartzeko hautagaitza aurkeztuko du. Jakina denez, Batzarra 15 ordezkariz osaturik egongo da. Horietako 7 udal talde politikoenak izango dira, eta gainontzeko 8ak elkarteen ordezkariak, bi multzotan banaturik, 4 auzo elkarteena, eta beste 4ak arloko entitateenak (emakume, kultura, kirola, e.a.). AHM azken multzo honen barruan dago.

Gure elkarteak aurkeztuko duen ordezkaria Antxon Alfaro Sagasti izango da, eta haren lehen ordezkoa Maribel Manzano Herce izango da, eta bigarrena Iñigo Landa Ijurko.

Hauteskunde hauetan parte hartzeko erabakia, AHMk beste elkarte batzuekin batera urte luzeetan egindako hausnarketa eta lan baten ondorioa da. Lan horren emaitza, 2014. urtean barrutiaren auzo guztietako 19 elkarteen babesa jaso zuen adierazpen publikoa izan zen. Lau urte pasa ondoren, adierazpen horrek indarrean jarraitzen du eta AHMk Barrutiaren Batzarrera eramango duen iritziaren oinarria izango da.

2014. urteko adierazpena, bederatzi urte aurretik, 2005. urtean, elkarte talde batek hiriko ekialdean barruti bat eratzeko egindako aldarrikapenaren emaitza izan zen; baina orduko udalak bidea itxi egin zion erabat proposamenari. Gaur egun, garai horretan bezala, hau baieztatzen dugu: Ekialdeko auzoek, historia bera partekatzeaz gain, hiri barruan berezko nortasuna duen gizarte-eremu bat osatzen dute, elkarbizitzan eta asoziazionismoan eredugarri.

Donostiako udalbatzak Altzan barruti bat sortzearen inguruan batzorde bat eratzeko erabakia hartu zuen 2011. urtean, eta, erabaki horrek, gorabehera askoren ondoren, gaur egungo egoerara ekarri gaitu: udal hauteskundetarako urtebete bat bakarrik falta denean, Ekialdeko Barrutia abiatuko da.

Urte horietan guztietan, elkarteek udalak egiazko prozesu parte hartzaile eta deszentralizatzaile bat ahalbideratu dezala eskatu dugu, lau ideia hauetan oinarrituta:

  1. Hiritarren egiazko parte hartzea ahalbideratzeko, hiritarren eta udal ordezkarien arteko komunikazioa erraztuz eta auzokideen arteko kohesio soziala indartuz.
  2. Hiria eta erabakitzeko guneak deszentralizatzeko, batez ere hiriko aurrekontuak eta proiektuak egiteko garaian.
  3. Hiriko auzoen arteko giltzadura osatzeko, eta, ahal den neurrian, beste udalerriko auzo mugakideekin ere bai.
  4. Udal departamentuen arteko koordinazioa eta elkar-lana errazteko.

Jakin badakigu, Udalaren planteamenduak berak bakarrik, beste inoren parte hartzerik gabe, idatzi eta onartu duen Barrutien Organo Araudiaren menpean daudela, oztopo burokratikoz josia, elkarteen eta bizilagunen parte hartzea larriki zailtzen eta parte hartzeko gogoak kentzen dituena. Hala eta guztiz ere, auzokideen mugimenduarekin batera eta gorago aipatutako lau ideia horiek oinarri hartuta, zelai horretara atera eta jokatu behar dugula uste dugu.

Horregatik guztiagatik, elkarteei datorren maiatzaren 19ko hauteskundeetara aurkeztuko diren elkarteen hautagaitzei zuen botoa ematea eskatzen dizuegu, eta baita haien lana kontrolatuko duen elkarteen batzarrean ere parte har dezazuela.

Etiketak: ,

Iruzkin 1

  1. Juan Luis Apalategi Erbiti

    AHM lo dice claro y lo dice bien. Osteguna-Larratxo se ha inscrito como candidata en el ámbito de asociaciones vecinales. Estamos ante un reto para iniciar un camino de descentralización. Sabemos que es importante pero no va a ser nada fácil. Este periodo alcanza hasta las próximas elecciones municipales y será sin duda, una prueba dura y llena de incertidumbres. El ámbito que cubre el Distrito Este lo necesita, lo está pidiendo y lo merece.

Iruzkina idatzi

Estibaus

Atalak

Martxoa 2019
A A A O O L I
« ots    
 123
45678910
11121314151617
18192021222324
25262728293031

RSS

Azken iruzkinak

  • Antonia iglesias
    (2019, Otsailak 28)
    «Esto del amianto es todo tongo porque si lo avia ahora también lo tenía que a ver hantes de hacer ...»
  • Información Alternativa
    (2019, Otsailak 23)
    «[...] Todo ello se puede entender mucho mejor, atendiendo al contenido del texto recientemente publicado por Antonio Bernardo Reyes, accesible a ...»
  • Rafael Artola Azpeitia
    (2019, Otsailak 18)
    «Mi abuelo pedro Azpeitia se caso en Alza, en Artzaka en el año 1897 con Josefa Paula Arratibel Zamora de ...»
  • Eugenio Rojo
    (2019, Otsailak 12)
    «Una vez leida la informacion que se publica creo oportuno convocar al grupo de seguimiento de la ejecución del Polideportivo ...»
  • Isidro Godoy De Lezcano-Mújica
    (2019, Otsailak 10)
    «Que me alegro de saber que eres tu. Me ha pasado lo mismo no volví al chat y te dí ...»

etiketak


Sarean