Contadores fabrikaren memoria Irati Gorostidi zinemagilearen eskutik

2024, Otsailak 8

2023-contadoresDatorren otsailaren 17an, larunbata, Irati Gorostidi zinemagilearekin Contadores fabrikaren memoriaren inguruan ekitaldi bat antolatu du Bidebietako Kontadores zentroak.

Ekitaldia arratsaldeko 5etan hasiko da, eta Kontadores zentrotik paseo bat emanez Contadores fabrika zegoen tokiraino joango da, Iratik, Fernando eta Koro langileek eta Altzako Historia Mintegiko kideek gidatuta. Paseoa fabrikaren historia berrosatzeko saioa bat izango da, irudiak, datuak eta esperientziak partekatuz.

Zentrora itzuli ondoren, 7etan, Irati Gorostidiren “Contadores” film laburra proiektatuko da eta, segidan, fabrikako langile ohiekin tertulia bat egongo da.   (gehiago…)  »  

2024 Kaldereroak - Santa Ageda

2024, Otsailak 5

santa-ageda

Santa Ageda

Herripe Auzo Elkartea

Otsailak 3, larunbata, Kaldereroak, eta 4, igandea, Santa Agedako Abesbatzak, batak zein besteak alaitasunez eta animazioz bete dituzte Herrerako kaleak.

Herrera auzo horietako bat da non egiten diren aktibitateek ez daukate hiriko komunikabideen bidez lortzen den oihartzuna eta ez dira ezagutzen, ezta, ondorioz, erakundeen babesa, baina, zorionez, eta gure apaltasunaren barruan, adin guztietako altzatarrak animatzen dakien gazteria dinamikoa eta kidetza-zentzuduna izateko zortea dugu. Emaitza asteburu honetan ikusi da.

Oso giro ona, dibertigarria, txantxak, denontzako txokolatea Zumardin, ibilbideko tabernetan geldialdia, abestiak, miretsi eta beldurtu arteko neska-mutilak hartzaren aurrean, pasadizoak.

Azken urteotan gero eta parte-hartze aktiboagoa duten ekitaldiak dira. Kaldereroak inauterietako preludioa bezala ezagutzen dira, baina bai haiek bai Santa Agedako abesbatzek berez nortasun propioa dute, justifikazio historikoa, eta horrek guztiak ospatzen diren auzoetako bizilagunak kohesionatzen ditu.

HERRIPE - HERRERA (ALTZA)

img-20240204-wa0015

Kaldereroak

img-20240204-wa0010

Txikiak inposatu eta denak dibertitzen dituen hartza

img-20240204-wa0011

Mª Jesús Intxausti, Mila Grazenea eta txokolatea Zumardian

img_20240203_195046

Udaltzaingoaren pazientzia, ezinbestekoa trafikoa kontrolatzeko

Centaurotik Gazte-Lekura: mendiko atala (7)

2024, Urtarrilak 30

l21893

Antxon Alfaro

60ko hamarkadaren amaieran, egoitza aldatzearekin eta Gazte-Leku martxan jartzearekin batera, mendiarekin lotutako jarduerak izan ziren elkartearen ezaugarri nagusiak. Horretan ere paper garrantzitsua izan zuen Roberto Mendiguren jesuitak ildo horretan egin zuen lanak.

Inguruko mendietara irteerak ez ezik (San Markos, Txoritokieta, Landarbasoko leizeak…), autobusak antolatzen hasi ziren Altzatik urrunago zeuden mendietara (Urbia, Gorbeia, Ernio, Txindoki, Uzturre…).   (gehiago…)  »  

A igrexa de San Pedro na nebra do tempo. A vella

2024, Urtarrilak 23

c4026

Filipe Dominghez

Sobor da igrexa de San Pedro Apóstolo de Pasaia, os primeiros documentos ou pol-o menos dos que eu teño semellas, son os que amosa José Goñi Gaztambide no seu traballo “Fundación de la iglesia de San Pedro de Pasajes (1457-1458)”. Unha pequena e interesante pubricazón, no que glosa cinco documentos que van achegados. A saber:

1.- Carta de poder da clerecía de San Sebastián. 20 de narzo 1458.

2.- Carta de poder dos viciños de Pasaia. 31 de marzo 1457.

3.- Licencia eclesiástica para a costruzón da nova eirexa co seu cemitério e altares. 15 outubro 1457.

4.- Convenio entre a clerecía de Sn. Sn, e os viciños de Pasaia. 20 marzo do 1458.

5.- Autentificazón da copia en Tolosa…23 de xaneiro do 1530.

  (gehiago…)  »  

Bola-jokoaren lehen aipamena Altzan

2024, Urtarrilak 16

jan-steen-bolariak

"Bolariak", Steel 1660 (1)

Iñigo Landa, Patxi Lazcano

Bola-jokoarekin lotutako lehen erregistroa Altzan 1694. urtekoa da, eta boloak jartzeko landutako harrizko lauza bat Julimasene baserrira [2] eramatearekin lotuta dago.

Bola-jokoa unibertsala da, eta antzinatik jokatu izan da, askotariko aldaerekin. Gipuzkoan, lehen albisteak Erdi Arokoak dira eta gutxi dira, eta oraintsuago sagardotegiekin lotura estua duen kirol herrikoia izan da. [3] Gaur egun praktika oso murritza izan bada ere, oraindik ere presente dago gure artean, batez ere Herreran, non duela urte pare bat bolatoki berri bat eraiki den Arrobitxulo parkean eta partidak antolatzen jarraitzen den.   (gehiago…)  »  

Tokia kontatu

2024, Urtarrilak 11

kartela

IZBE, Lauaizeta Ikastola, Politki Elkartea

Tokia Kontatu proiektua Politki elkarteak Intxaurrondo Zaharreko Auzo Elkartearekin eta Lauaizeta ikastolarekin elkarlanean sustatutako ekimena da. Ekimen honekin kohesioa sustatu nahi dugu Intxaurrondon, belaunaldien arteko jarduera partehartzaileen bidez.

Intxaurrondoko elkarteek auzoaren historia berreskuratzeko egiten duten lana ikustaraztea da proiektuaren helburu bat.  Intxaurrondoko Jaiei buruzko erakusketa Intxaurrondoko kulturetxean ikusgarri egon da joan den abenduan.   (gehiago…)  »  

Gabonak Herreran

2023, Abenduak 23

jaiotza-gaiztarro-3

Herripe Auzo Elkartea

Gaiztarron prestatutako jaiotza politaz gozatuko dugu aurten ere. Hor egongo da Erregeen egunera arte. Maitasunez landutako irudi polit eta alaiez osaturik dago eta bidea markatzen diguten masustondo dotorez inguratuta. Urtez urte irudiak ugaritzen dira eta jaiotza beti zaindua eta umetxoen irribarrea lortzeko moduan egoteko lagun arduratsuak ditu. Haizeak irudiak botatzen baditu edo nahi gabe edo nahita baten batek  hondatzen baditu, hor daude zaintzaileak konpontzeko. Eskualdeko saltokien eta auzoen ekimena da, eta ez du adiskidetasun eta borondate ona besterik behar, ESKU-HARTZE ofizialik GABE, jendea interes komun batean elkartuta.   (gehiago…)  »  

Ganbarako objektuek hitz egiten jarraituko dute

2023, Abenduak 20

ganbaraUrtea amaitzen ari da, balantzerako eta memoriarako unea da. Aurtengoan Ganbara Bildumak protagonismo berezia izan du. Joan den azaroaren 10ean San Telmo Museoan Altzako etxe batera bidaia 60ko hamarkadan (deskargatu Pdf) liburuaren aurkezpenarekin aro berri bat hasi da Ganbararentzat, orain Aranzadi Zientzia Elkartearen baitan. Hemen ekitaldiaren argazki erreportaje txiki bat ikus daiteke eta hemen ekitaldi osoaren bideoa.

Etorkizunean Ganbarak Aranzadiren eskutik hazitzen jarraitu ahalko du egin ahal izango diren dohaintza berriekin, baina aldi berean Ganbarak bere txokoa edukitzen jarraituko du Altzanet gure webean, eta bertan ikusi ahalko dira katalogatuta zeuden 164 objektuen argazkia eta deskribapena, baita aurkeztu berri den liburua deskargatu ere.   (gehiago…)  »  

Aurtengo txangoen argazki erreportajeak

2023, Abenduak 12

Aurten hamaika ibilaldi eta txango egin ditugu naturarekiko eta historiarekiko harremanaz eta parte-hartzaileen konpainiaz gozatuz, horietako bederatzi Plus 55 programaren barruan. Urte berezia izan da hau, AHMko ibilaldien bultzatzaile nagusia izan den Angelen galeragatik. Haren oroitzapena gurekin dator.

Hauxe izan dira aurtengo txangoak, bakoitza bere Flirck webguneko estekarekin. Webgune horretan gordetzen dugu AHMren jardueren argazki-memoria:

molinao

  (gehiago…)  »  

Duela 50 urte Josu Artetxe hil zen

2023, Abenduak 6

josu

Jose Ramon Zapirain “Zapi”, Antxon Alfaro

Duela 50 urteko abenduan, diktadura frankistak bere zimenduak kolokan ikusi zituen ETAk Luis Carrero Blanco almirantearen aurka egindako atentatuarekin. 1973ko abenduaren 20an, osteguna, Carreroren ibilgailua Madrilgo Claudio Coello kaletik igarotzean, ETAko Txikia komandoak lehergailu bat leherrarazi zuen. Hilabete batzuk lehenago, Francok Luis Carrero Blanco izendatu zuen Gobernuko presidente, eta diktadorearen oinordekotzat jotzen zen hil zenean.

“Ogro Operazioa” izenaz ezagutzen den Frankismoko elitearen aurkako atentatu honek adar ugari izan zituen. Horietako bat, bi aste lehenago gertatu zena, Altzaraino iristen zen. Izen bat du: Josu Artetxe Aiesta (Zeberio, 1952-Altza, 1973). 21 urteko gazte bat, bere bizia emateko gai izan zena, atentatu horren plana agerian gera ez zedin.   (gehiago…)  »  

Estibaus

Atalak

Martxoa 2024
A A A O O L I
« ots    
 123
45678910
11121314151617
18192021222324
25262728293031

RSS

Azken iruzkinak

  • Maira
    (2024, Martxoak 2)
    «Hola necesito contactarme con las señoras Verónica. Recién leo esto. Soy la novia del nieto de olivo. Su papá Carlos. ...»
  • Luma
    (2024, Otsailak 17)
    «Oso oso interesgarria. »
  • Estibaus
    (2024, Otsailak 8)
    «Ez, sarrera librea da jarlekuak bete arte. »
  • zigor
    (2024, Otsailak 8)
    «Bikain. Izena eman behar da aurretik? »
  • Ekhi
    (2024, Urtarrilak 10)
    «Jaiotza oso polita da !! Eskerrik asko jartzeagatik. »

etiketak


Sarean