Etiketaren izena: argazkia

Egutegia 2014

2013, Abenduak 15

altza-calen-300x430-2014br-copiaAurreko ostiralean, Aterpean eta Altza Hutsa Kenduz berriarekin batera, 2014. urteko egutegiak aurkeztu genituen. Oraingoan protagonista Francisco Armendariz da eta bere argazkiak, egutegi handiarena Garberan egina eta txikiarena Lau Haizetako bidean.

Honez gero, Estibausen bi alditan erakutsi dizkizuegu haren argazkiak, lehenengo batean Altzako inguruetan eginak eta beste batean bidaietan eta ibilaldietan egindakoak.

Guztietan argiaren erabileran eta konposaketa osatzeko erakusten duen sentsibilitatea nabarmentzen da. Hirugarren bat egitea geratzen zaigu, erretratuekin. Horiek guztiak mila argazki baino gehiago biltzen dituen albumetatik hartutako sorta txiki bat baino ez dira, bere alabak Mª Doloresek maitasunez gorde eta gurekin partekatu duena.

altza-calen-95x65-2014br2

“Beste zenbait zomorro” Antonio Valenciaren argazki erakusketa

2013, Apirilak 14

Donostia Kulturak eta Altzako Historia Mintegiak antolatutako Natur Astearen barruan, apirilak 15, astelehenean Antonio Valenciaren argazki erakusketa inauguratuko da Tomasene kultur etxean. Egun horretan 19:00tatik aurrera, argazki bakoitzari buruzko azalpenak jasoko ditugu Antonioren eskutik.
Apirilak 15etik apirilak 20rarte, erakusketa ikusgai egongo da 17:30tik-20:00tara.

exp-antoniovalencia092
“Antonio Valenciak, Natura txikiaren irudi miresgarriak azaltzen dizkigu eta, irudiotan, testuinguru koloretsu batean ikusten dugu animalien mundua.
Inguratzen gaitun mundu txikian adituak direnek intsektu desberdinak ikusterakoan gozatuko dute. Burruntziak, margo guztietako tximeletak, forma berezia duten aharrak, txindurriak -baita ere igelak!- ikusiko dituzte. Gai hauetan adituak ez garenok, animalien munduko osagaiez osatutako puzzle harrigarria ikusiko dugu, inguruko landaredian egokiro kokatutako mundua.
Erakusketa honen bidez, Valenciak bere buruaren alde bat azaltzen digu, margoz eta zehaztasun harrigarriz betetako bere aldea. Hurbiltzerakoan, animalien mundua Antonioren begiez ikusiko duzue.

exp-antoniovalencia091

Ikusteaz gain, begiratu ere egin behar da. Begirada bat behar duzu, egunez egun aurrera egin eta bizitzeko animalitxo ñimiñoek egindako borrokaren eszena miresgarriak ikusteko.
Naturan zehar ibiltzen zarenean, zentzu guzti-guztiak erne behar dituzu belarren arteko mugimenduak eta zauden leku horretan ohizkoak ez diren koloreak ikusteko, eta berdin, xomorro baten antza duena edo euli bat harrapatu duen armiarma hori ikusteko.
Era horretan, zomorroen arteko historia txikien berri izango duzu, grabatu eta ahaztezin bihurtuko zaizkizunak.
Xomorro hauek zuen gustukoak izan daitezen espero dut, nire kasuan izan den antzera. Aurrean izan ditudanean, euren bizitzaren zatitxoak hartu ditut, irudiotan zuei erakusteko.

Antonio Valencia

Fco. Armendariz: bidaiariaren begirada

2013, Martxoak 26

Jon Serrano

armendariz-1079Aste Santuarekin batera opor egunak etorri dira eta giro honetan une aproposa izan daiteke orain dela hilabete bat ikusten hasi ginen Francisco Armendarizen argazkiekin jarraitzeko. Orduan Altzako argazkiak ziren eta oraingoan bidaiariak egindako argazki multzo handiaren aukeraketa txiki bat ikusiko dugu. Sorta honek argazkilariaren alderdi bidaiaria erakutsiko digu, bideak, herriak eta hiriak zeharkatuz bere begiradak gelditu dituen momentuak irudiak bihurtuz; begirada horrek konposatutako irudiek bizitzaz bete-betean gozatzeko gonbitea luzatzen digute.

  (gehiago…)  »  

Fco. Armendariz eta argazkigintza: Altza

2013, Otsailak 28

Jon Serrano

garbera

Garbera

“Album Altzatarra Sarroeta-Martutene txuri beltzez” libururen berri eman genuenean aipatu genuen nola argazkiak bilatzen ari ginenean liluratu gintuen argazkilari batekin topo egin genuen.

Argazkilaria Francisco Armendariz Otalora da (Donostia, 1904-1993). 1929. urtean Maria Aranburu Aldaiarekin ezkondu zenean Sarruetako Aingelu-goya baserrira etorri zen bizitzera. “Coloniales Arregui”-n lan egin zuen.

Argazkilaritza bere mundua zen, bere zaletasun handia. Dolores Armendarizi esker ezagutu dugu eta etxean gordeta zeuzkan hiru album handi et bi txiki ikusten eta kopiatzen utzi digu; denera mila argazki inguru dira.

Album Altzatarra liburuan haren sei argazki erakutsi ditugu, eta argazki guztiak ikusteko modua aztertzen dugun bitartean, Estibausen hiru zatitan horietako batzuk erakutsiko dizkizuegu.

Lehenengo multzoan, Altzako inguruak agertzen diren irudiak bildu ditugu. Argazki bezala ez dira ikusgarrienak, baina jasotzen dituzten motiboengatik balio handikoak dira guretzat. Altzako Tokiko Bildumara gehituko ditugu aurki.

Aurrerago, bi zatitan, gainontzekoen aukeraketa bat eskainiko dizuegu. Lehenengoan bidaien argazkiak dira, Pirinioetan egindako argazkiak, batez ere. Eta hirugarren zatian, erretratuak.

Ziur gaude zuek ere gozatuko duzuela argazkiak ikusten eta islatzen duten bizitasunarekin.

Argazkiak 50. eta 60. hamarkadakoak dira.

Poz-pozik albumarekin

2012, Urriak 10

Pasa den ostiralean “Sarroeta-Martutene txuri-beltzez” liburuaren aurkezpena egin genuen giro ezin hobean. Hasieran, istripuz hildako Odei gaztearekin gogoratu eta bere familiari bildutakoen elkartasuna adierazi zitzaion. Ondoren, liburuaren prestaketan lan egin dutenen ordezkariek hitz egin zuten eta argazki-aurkezpen bat ikusi genuen. Argazkiek oroimena astindu zuten eta baita hitz egiteko parada ere eskaini zuten. Hizketaldian argazki zaharrak eta anekdotak biltzen jarraitzeko intentzioa azaldu zen, eta horretarako hitzordua jarri zen gaurko, eta jarraipena izango duela espero dugu.

Gure aldetik ere jarraitzeko asmoa dugu eta aurki itzuliko gara Sarruetan aurkitu dugun argazkilari baten inguruan hitz egiteko. Izan ere, Aingelu-goia baserrian Francisco Armendarizen argazkiekin egin dugu topo, eta bere lanak liluratu gaitu. Liburuan haren sei argazki erakutsi ditugu, Dolores Armendarizek utziak, seiak ederrak.

Poz-pozik gaude albumarekin eta honek izango duen jarraipenarekin.

Francisco Armendariz, 1960

Francisco Armendariz, 1960

“Sarroeta-Martutene txuri-beltzez” argazki-liburuaren aurkezpena

2012, Irailak 26

Jon Serrano

gonbidapena-1

Azken Hautsa Kenduz aurkeztu ondoren berehala jarri ginen lanean argazki berrien bila hurrengo zenbakiari begira. Gure bilaketa Sarrueta aldera bideratu genuen eta hasi bezain pronto topo egin genuen Sarroeta Auzo Elkartearekin eta beste hainbat lagun eta familiekin. Haien bitartez bildu genuen argazki multzoagatik eta kalitateagatik Album Altzatarra bildumaren zenbaki berri bat osatzeko materiala zegoela iruditu zitzaigun, eta baita argitaratzera animatu ere.

Album altzatarra berriaren aurkezpena urriaren 5ean izango da, Martuteneko Etxarriene Auzo Etxean, arratsaldeko 7:30ean. Liburua salgai jarriko da 12 euro truke eta interesatuek Sarroeta Auzo Elkartearen, Altzako Historia Mintegiaren edo Etxarrieneren bitartez eskura dezakete.

Argazki gehiago

2012, Abuztuak 16

Jon Serrano

Orain dela bi urte Gaiztarro familiak etxeko albuma gurekin partekatu zuen eta horren berri eman genuen hemen Estibausen familia, jauregia, parkea eta Bidebieta-1 urbanizazioaren argazki batzuk erakutsiz. Uda honetan argazki horiek guztiak, laurehun baino gehiago, katalogatu ditugu eta Altzako Tokiko Bildumaren web gunean kontsulta daitezke dagoeneko.

Datozen hilabeteetan jarraituko dugu argazkiei buruz hitz eginten. Izan ere, katalogatu gabe dauzkagun beste argazki multzoekin lanean ari gara eta aurki prest edukitzea espero dugu. Gainera, hirugarren  ”Album altzatarra”-ren prestaketan lanean ari gara buru-belarri. Laster arte, beraz.

c202a-031

Tokiko Bilduma elikatuz

2011, Abuztuak 9

c3006Altzako Tokiko Bilduma (www.altza.info) elikatzen jarraitzen dugu poliki-poliki eta, honez gero, 7.000 dokumentutik gora kontsulta daitezke bertan.   (gehiago…)  »  

“Album altzatarra 1953-1978″ liburuaren aurkezpena

2011, Ekainak 16

gonbidapena-liburuaAlbum altzatarra 1953-1978 argazki-liburua aurkeztuko du Altzako Historia Mintegiak, ekainaren 30ean, osteguna, 7:30ean Euskal Giroa elkartean (Herrera).

AHMren 25.urteurrena ospatzeko asmoz argitaraturiko albuma, hainbat pertsonen eta elkarteen ekarpenen bidez hornitzen ari garen Altzako Tokiko Bildumako 99 argazkiez osaturik dago. 1953-1978 urte bitarteko irudi hauek, Altzaren hazkundearen eta eraldaketa fisiko zein sozialen oroimena dira, estiloen, erritmoen eta ohituren aldaketena. Argazkien bitartez, garai zail hartako komunitate altzatarra islatu nahi izan da, pertsonen eta elkarrekin bizitutakoen lekukotasuna nabarmenduz.

  (gehiago…)  »  

Novedades… de hace muchos años

2010, Maiatzak 20

Javier Cantera

Nuestra colección de objetos no para… y seguimos incorporando “novedades”… de hace muchos años. Eso nos ha permitido tener inventariados a día de hoy la cantidad de 318 objetos. Vamos a informaros de forma rápida de cuatro de estas incorporaciones.

En primer lugar podemos ver dos imponentes retratos de gran tamaño (0,70 x 0,60 m) de D. José Antonio Lasa y Dª Trinidad Echarri, padres de D. Francisco Lasa Echarri, fallecido en 2005, muy conocido por haber sido un importante ingeniero y empresario de Pasaia y alcalde de Donostia. Residían en la casa Iruneren etxea, situada en el Alto de Miracruz junto a Bidebieta. Ambos retratos y otros objetos más han sido donados a la colección Ganbara por su familia. Están realizados en el año 1932 y son de una magnífica factura. Nos proporcionan una información muy fidedigna acerca de la estética dominante en la época en lo relativo al vestuario, peinado, etc y en la forma de realizar los retratos y encuadrarlos.   (gehiago…)  »  

Estibaus

Atalak

Martxoa 2024
A A A O O L I
« ots    
 123
45678910
11121314151617
18192021222324
25262728293031

RSS

Azken iruzkinak

  • Roberto López
    (2024, Martxoak 27)
    «Buenas, mi tío abuelo: Manuel López De los Santos, formo parte del Batallón internacional nº 26 Karl Liebknecht (PCE), falleciendo ...»
  • Pilar Egido eta Enrike Kortabitarte
    (2024, Martxoak 27)
    «Merezitako omenaldia. Gaztaroan zorte handia izan genuen zu gure lehenengo irakaslea izatean. Irakasle berria, baina gogoa eta sasoia ez zenituen sekula falta. Zu ...»
  • Ramón F. Gorosabel
    (2024, Martxoak 22)
    «Muy interesante la actividad Es edificante Gracias. »
  • Maira
    (2024, Martxoak 2)
    «Hola necesito contactarme con las señoras Verónica. Recién leo esto. Soy la novia del nieto de olivo. Su papá Carlos. ...»
  • Luma
    (2024, Otsailak 17)
    «Oso oso interesgarria. »

etiketak


Sarean