Etiketaren izena: barrutia

Barrutia: Aurrekontu parte hartzaileak

2018, Urriak 14

img-20181010-wa0003

Ekialdeko barrutiko elkarteek, 2019rako Donostiako Udaleko aurrekontu parte hartzaileak direla eta gure eremuarekin lotutako proiektuen berri eman nahi dizuegu, Altza, Bidebieta eta Intxaurrondon bozkatzeko prozesura 26 proposamenek aurrera egin dute, atal eta ezaugarri ezberdinetakoak. Barrutiko biztanle guztiei deitzen dizuegu prozesu honetan parte hartzera eta barrutiko eremuan kokatzen diren proposamen arteko bost proposameni zuen bozka ematera.

Beste alde jakin arazten dizuegu gure proposamena kontutan hartuz Ekialdeko Barrutiko Batzarrak Altza, Intxaurrondo eta Bidebietan inbertsioen banaketa lortzeko borondatearekin, auzokako bozketen emaitzak aintzat hartu eta herritarrek ezarritako hurrenkera errespetatuz, auzo bakoitzean boto gehien jasotako proposamenak hitzemango dituela, 700.000 eurotara iritsi arte.

AHM, Auzoa, Elkartasuna, Emanhar, Herripe, Intxaurdi, IZBE, Oleta , Osteguna, Plazandreok, Showtime

Barrutiko Batzarra eratu da

2018, Uztailak 3

20180629_1929011Joan den ostiralean, ekainak 29an 19:30etan Altzako festak martxan zeudela, Altzako udal eraikin zaharrean, azken sei hilabetean burutu den eta ibilbide luzea eduki duen prozesua amitutzat ematen Ekialdeko Barrutiko Udal Batzarraren eraketa gauzatu zen (Talde politikoen izenean 7 partaide eta elkarteen artean hautatutako eta beraien ordezkari gisa 8 partaide).

Bost minututan gauzatu zen ekitaldi iluna, non ez ziren agertu baizik eta ekimenarekin lotura zuzena duten udal agintariek eta hauek era hutsune nabarmenekin. Ekimen honek ez zuen merezi izan ez udalaren prentsa ohar bat eta ez ere donostia.eus web ofizial orrian “berriak” atalean aipamenik ere.

Espero dezagun gertatutakoak ez erakustea benetan espero daitekeena udal agintarien aldetik bai batzar honek jokatu dezakeen paperaz eta baita ere Ekialdeko Barrutia martxan jartzeko erabaki administratiboak adierazi dezakeenaz.

20180629_194023b

Ekialde Barrutiko Batzordea osatzeko hauteskundeak

2018, Maiatzak 17

IZBE, HERRIPE, INTXAURDI, OSTEGUNA, AUZOA, AHM

Prozesu honetan parte hartzeko erabakia urte askotan elkarte anitzek elkarrekin egindako lanaren emaitza da.

2005. urterako, elkarte multzo batek adierazi genuen Altza izan zeneko auzo kopuru handi bat elkartzen duen hiriaren Ekialdeko barruti bat osatzeko beharra. Une horretan Donostiako Udalak baztertu egin zuen eskaera hori.

2014. urteko apirilean, gaur egun Barrutiko Batzordean gure partaidetzaren ardatzak finkatzen dituen adierazpena atal eta barrutiko eremu ezberdinetako 19 elkarteek sinatu eta publiko egin genuen.

Guztiok abiapuntutzat hartzen dugu gure partaidetzak, bai hauteskunde prozesuan eta baita ere Barruti Batzordean, barrutia osatzen duen lurralde osoko ikuspegi orokor bat dela, eta ez bakarrik gure elkartearen helburu edo eremu zehatzera murgiltzen den ikuspegi eta ibilbide bat.

Ikuspegi hau gureganatuz, Barruti Batzordean gure oinarrizko lan helburu hauek gauzatzera bideratuko dira :

1/ Elkarteen arteko ehuntzea sustatzea

2/ Herri partaidetza sustatzea

3/ Auzo eta herri merkataritza sustatzea (hitzaldiak, difusioa….)

4/Auzo ezberdinetako eremu bereko Elkarteen arteko lana sustatzea (Auzo elkarteak, euskara, emakumeen elkarteak, kirol taldeak, …).

5/Barrutiko beharrei buruzko ikerketak gauzatzea: etxebizitza, gizarte ekipamenduak, genero ezberdintasunak, hizkuntza erabilera, kultura, ondare historikoa….

Orain, prozesu luze hau hasi genuenean bezala, garbi dugu eremu territorial honek iragan partekatua izateaz gain, gaur egun osatzen duela elkarbizitza eta elkarte bizitasun eredu den giza eremu  bat, hirian izaera propio duena.

Datorren maiatzaren 19an, zuen bozka gauzatzera animatzen zaituztegu.

Ekialdeko Barrutiaren Batzarra osatzeko hauteskundeak

2018, Maiatzak 13

AHM

"Orain da garaia" 2005. urtea

"Orain da garaia" 2005. urtea

Datorren larunbatean, hilak 19, Altzako udalerria neurri batean bere baitan hartzen duen Ekialdeko Barrutiaren Batzarra osatzeko lehen hauteskundeak egingo dira. AHM - Altzako Historia Mintegiak Batzarrean parte hartzeko hautagaitza aurkeztuko du. Jakina denez, Batzarra 15 ordezkariz osaturik egongo da. Horietako 7 udal talde politikoenak izango dira, eta gainontzeko 8ak elkarteen ordezkariak, bi multzotan banaturik, 4 auzo elkarteena, eta beste 4ak arloko entitateenak (emakume, kultura, kirola, e.a.). AHM azken multzo honen barruan dago.

Gure elkarteak aurkeztuko duen ordezkaria Antxon Alfaro Sagasti izango da, eta haren lehen ordezkoa Maribel Manzano Herce izango da, eta bigarrena Iñigo Landa Ijurko.

Hauteskunde hauetan parte hartzeko erabakia, AHMk beste elkarte batzuekin batera urte luzeetan egindako hausnarketa eta lan baten ondorioa da. Lan horren emaitza, 2014. urtean barrutiaren auzo guztietako 19 elkarteen babesa jaso zuen adierazpen publikoa izan zen. Lau urte pasa ondoren, adierazpen horrek indarrean jarraitzen du eta AHMk Barrutiaren Batzarrera eramango duen iritziaren oinarria izango da.

  (gehiago…)  »  

Barrutia zertan den

2017, Azaroak 20

AHM

Iazko azarotik hona gure elkarteak hainbat bileretan parte hartu du Ekialdeko Barrutia martxan jartzearen inguruan. Azken biak pasa den uztailean izan dira eta oinarriak jarri dira udazkenean udal egitura berria antolatzen hasteko, datozen udal hauteskundeak egin artean, behinik behin. Udaleko ordezkariek esan zuten irailean bilera berri egingo genuela esan zuen, baina ez dugu gaiaren inguruan berririk jaso, eta horrek kezkatzen gaitu.

Barrutiaren egitura hiritarren zerbitzurako sortu da eta udal kudeaketan hiritarren parte hartzea ahalbideratzeko. Egiturari eman zaizkion eskumenak, ordea, oso mugatuak dira eta, hala ere, aurreko hilabeteetan bildu garen elkarteek proiektu honi gure babesa ematea erabaki dugu, egiturak auzokideen beharrei erantzuteko eta gure auzoen bizi baldintzak hobetzeko noraino baliagarria izan daitekeen ikusi arte behintzat.

  (gehiago…)  »  

Aurrerapauso bat

2015, Apirilak 15

Batzuen artean / Entre varios

Joan den martxoaren 26an Donostiako udalbatzak behin betiko onarpena eman zion Barrutien Organo Araudiari; PP, EAJ eta PSE alderdiek aldeko botoa eman zioten eta Bilduk kontrakoa. Emango diren lehen urratsak Altzaren Barrutia martxan jartzeko izango dira. Altzaren egiturak, berariazko osaera funtzionala erabat galdu ez duena, lagundu du erabaki hori hartzen. Horrez gain, altzatar batzuen aspaldiko eskaera bat izan dela esan behar da eta Donostiak berak Altza anexionatu zuenean hartu zuen betebeharretako bat.   (gehiago…)  »  

Auzoak, herriak, barrutiak… eta anexionatutako udalerria

2014, Abenduak 4

Iñigo Landa

sinatzaileakAnexioaren 75. urteurrenaren oroitzapenak eta Barrutien Araudiari alegazioak aurkezteko garaiak -hilak 17an amaituko da epea- bat egin dute egun hauetan, eta egokitu den batera gertatze horrek “fusio” hura gauzatzeko Donostiako udal ordezkariek onartu zituzten oinarriak berriro irakurtzera eraman gaitu, non Altzaren udal eremua bere osotasunean errespetatzera (4. oinarria) eta Altza-Buenavista izeneko Barruti bat bere Alkatetza-ordetzarekin (5. oinarria) sortzera lotzen ziren.   (gehiago…)  »  

AHMren jarrera Barrutiaren inguruan

2014, Urriak 31

AHM

barrutiaDakizuenez, 2011. urtetik hona gure elkartea buru-belarri aritu da 2005. urtean bide bazterrean geratu zen Altzarentzako barruti baten eskaera berpiztearen alde.

Barrutiaren formulak dituen mugaz jabeturik, horrelako erakunde politiko-administratibo baten sorrera, gure ustez, altzatarrentzat garrantzitsuak diren hainbat eta hainbat gai modu parte hartzaile eta deszentralizatu batez bideratzeko aukera bat izan zitekeen, une honetan existitzen ez dena.

Aldi berean, garbi ikusten genuen horrelako eskaera batek gizartearen ahalik eta babes zabalena eta anitzena eduki behar zuela, eta, gure muga guztiekin, horren bila jardun dugu denbora tarte horretan.

Jakina denez, gure elkartearen lan eremua kultura da, eta gizartea bezalaxe, politikoki anitza. Horregatik, barrutia bezalako gai politiko honetan murgildu ginenean, ez genuen nahi politikak gure jarduera baldintza zezan eta gure parte hartzeari hurrengo udal hauteskunde kanpaina jarri genion epemuga gisa. Oraindik hilabete batzuk falta dira horretarako, baina, itxura denez, talde politikoak honez gero bere mugimenduak egiten hasi dira aipatutako hauteskundeei begira eta dagoeneko ikusi dugu barrutiaren gaia enfrentamendurako erabiliko dela. Ondorioz, eszenatoki politikotik aldenduko gara.

  (gehiago…)  »  

Eutsi aldarrikapenari

2014, Ekainak 10
20140528_200658_redimensionar

Prentsaurrekoa - bideoa

Orain dela bi urte bazirudien Altzan barruti bat sortzeko aukera bat zabaldu behar zela, baina legealdian zehar udal talde politikoek erakutsi dutenaren arabera, agirian geratu da hasierako uste hura funtsik gabekoa zela. Ez dute Altza aintzat hartu nahi; Altzaren historia eta egungo errealitatea zokoratuak mantendu nahi dituzte. Barrutiaren inguruan arduradun politikoek egin dituzten proposamenek argi eta garbi erakusten dute  ez dutela nahi edota ez direla gai funtsezko gaiei heltzeko. Alabaina, ez da gaitzik onik ez dakarrenik. Politikarien eraginkortasun ezak bultzatu gaitu altzatarrak Altzako barrutiaren aldarrikapenean aurrea hartzera. Joan den maiatzaren 28an Altzarako barrutiaren inguruko lan taldeak prentsaurreko eskaini zuen Herreran. Ekimenak komunikabideen jarraipen zabala izan zuen eta, batez ere, Altzako hemezortzi elkarteen babesa jaso zuen. Babes honen handitzea da, hain zuzen ere, barrutiaren aldarrikapenari eusteko eta indartzeko bidea, une honetan barrutia baita deszentralizazioa, parte hartzea eta gure herria aintzat hartzen hasteko bidea.   (gehiago…)  »  

Consideraciones sobre el distrito de Altza

2014, Apirilak 23

Elena Arrieta Yarza

DISTRITO DE ALTZA. Consideraciones

He leído las propuestas de PNV, PSE/PP y Bildu y he dudado mucho antes de dar mi opinión.

Sintetizando al máximo y sin negar que de las tres propuestas se pueda sacar algo bueno, voy a decir:

1.- Entiendo que la Comisión del ayuntamiento, creada al efecto y presidida por Martin Ibabe tendría que unificar posturas de los partidos, hacer un único proyecto y proponerlo a la ciudadanía. El hecho de que tengamos tres propuestas, es como si no tuviéramos ninguna.

2.- Desde mi punto de vista, las propuestas carecen de contenido y en distintas proporciones parecen que su discurso va más hacia complacernos, es decir, a señalar lo que “oficialmente” le gusta a la participación ciudadana -y que luego queda en nada- que la seriedad de un compromiso.

3.- La general aceptación de la actual reordenación de barrios perjudica -siempre en mi opinión- seriamente la distribución geográfica del Distrito. Como ejemplo pongamos Arrubi, una zona que siempre ha pertenecido a Herrera, ahora no sólo pertenece a otro Barrio sino que, además, pertenecería a otro distrito, si nos atenemos a la propuesta de Bildu.   (gehiago…)  »  

Estibaus

Atalak

Urria 2018
A A A O O L I
« ira    
1234567
891011121314
15161718192021
22232425262728
293031  

RSS

Azken iruzkinak

  • aaa
    (2018, Urriak 16)
    «Ondo egongo litzateke harria parkearen inguruan bihurgune hori egite. »
  • Bego
    (2018, Urriak 16)
    «“Tierras de la luna”; amianto en el corazón de Altza – Donostia http://www.rebelion.org/docs/242319.pdf »
  • Miguel Angel Etxetxikia
    (2018, Urriak 16)
    «Eskalantegi baserrian jaio zen, horregatik, bere istoriaria ezagutu nahi dut, nor bizi zen lehen eta abar »
  • Bego
    (2018, Urriak 16)
    «Oso onak bi artikuluak, hau zein Maria Luisa Sarriegi aipatzen duena. Benetan sinistezina "sorpresa"-rena. Batez ere, zuk aipatutako guztiari gehitzen ...»
  • Antonio del Coto Errasti
    (2018, Urriak 15)
    «Hola Isidro!!! SÍ si si Soy yo. Un día escribí al entrañable peluquero de mi niñez, le visité, hablamos, estaba ...»

etiketak


Sarean