Altzako ahozko historiak koloreztatzeko lehen koadernoa

2020, Uztailak 8

koloreztatzeko

Nahia Delgado de Frutos

Azken hilabeteak osasun egoeraren ondorioz zalantzaz eta aldaketaz beteta egon dira. Txikienak ez dira ikasgeletara itzuli eta oraindik ez dago argi datorren ikasturtea nola planteatuko den, dena normaltasunera itzuliko den edo aurrez aurreko eskolak online formatuarekin uztartu beharko diren.

Hala ere, hurrengo ikasturtea hasi baino lehen, uda osoa dugu aurretik inguruan dugun jendearekin gozatzeko eta bizipenak partekatzeko. Partekatzearen eta haurrek normaltasun berri honetan hainbat modutan entretenitzearen ideia horrekin, auzoko ahozko historiak margotzeko koaderno bat sortzea bururatu zaigu.

Koaderno hau ez dago pentsatuta soilik haurrek koloreztatzeko, helduek ere erabil dezakete; izan ere, koloreztatzen den bitartean, azaltzen diren gaiei buruz hitz egin daiteke, baita auzoaren zenbait alderdiren berri izan ere.

Koadernoaren ideia itxialdian sortu zen: orduan diseinatu ziren koadernoko ilustrazioak, txikienek (eta helduenek ere) koloreztatzeko. Hala ere, konturatu ginen ilustrazioek testuingururik gabe ez zutela zentzu handirik, eta horregatik, irudietan  islatutako gaiei buruzko azalpen edo ideia batzuk gehitu genituen. Horrela sortu zen koaderno bat sortzeko ideia,  auzoaren historiaren zati txikiak ere zabaltzeko.

Ahozko historien proiektua Euskal Herriko Unibertsitateak zuzentzen du eta bertan, hainbat elkarrizketa egiten ari gara Altzako bizilagunei edo Altzarekin harremana izan duen jendeari, AHMren elkarlanaren laguntzaz. Proiektu hau zabalik dago eta zure historiak kontatzen edo marrazkiak, bizipenak, argazkiak, bideoak… partekatuz parte har dezakezu. Horrela, auzoko historiak kolektiboki eraikitzen jarrai dezakegu. Proiektuaren inguruan gehiago jakin nahi baduzu, hemen aurkituko duzu informazio gehiago: https://www.ehu.eus/eu/web/ism/altza

Koaderno honen helburua auzoari loturiko historiak, tradizioak eta bizipenak oroitzapenera ekartzea da, inguruko jendearekin horiek debatitu eta komentatu ahal izateko, eta horietatik abiatuz, zuek ere auzoko ezagutzak eraikitzen jarraitzeko. Horregatik, hizkuntza oroitarazle eta dibulgatiboan daude adieraziak eta ez daude, berez, zientifikoki edo zehazki adieraziak. Zenbaki gehiago prestatzen ari gara, eta bi hilean behin koaderno berri bat argitaratuko dugu.

Espero dugu koadernoa zure gustukoa izatea eta inguruko jendearekin gozatu ahal izatea.

Etiketak:

Iruzkina idatzi

Estibaus

Atalak

Abendua 2022
A A A O O L I
« Aza    
 1234
567891011
12131415161718
19202122232425
262728293031  

RSS

Azken iruzkinak

  • Siustegui
    (2022, Irailak 7)
    «Busco un antepasado vasco de Elisea Suastegui. Vivió en Ecuador »
  • Ana
    (2022, Abuztuak 8)
    «Hola! Mi nombre es Ana. Hace poco empecé en la búsqueda de mis antepasados. Por lo que averigüe mi bisabuela ...»
  • Diego Berra
    (2022, Uztailak 19)
    «Hola, soy Diego Berra de Mendoza, Argentina. Mi abuelo era italiano oriundo de Taipana, Udine. Su nombre era Gino y ...»
  • Catalina berra
    (2022, Uztailak 14)
    «Hola soy catalina berra,de argentina general roca rio negro. También me gustaría conocer o investigar sobre mi apellido. Una abuela que ...»
  • iñaki urdanibia sarasola
    (2022, Ekainak 6)
    «Ya lo siento, parece que mi memoria flaquea: había otra hermana. Joaqui, que no vivía en Herrera »

etiketak


Sarean