Udaberria

2023, Martxoak 23

Juanito Garbizu

1

Iritxi zaigu udaberria

aldendu zaigu negua

hodei multzoak lurrindu dira

oskarbi dago zerua

mendi gainetik gozoro dator

eguzki distiratsua

edertasunez apainduz goiko

baserria ta ingurua

ohi diren bezela huts egin gabe

agertu zaigu kukua.

2

Muskildu dira zuhaitzak eta

zelaiak dira loratu

izadiaren haunditasunak

berriro gaitu agurtu

neguko hormak eta elurrak

eguzkiak ditu urtu

hori dela ta latsak ta errekak

urez dira ugaritu

udaberriko mezua emanez

kukuak digu kantatu.

3

Egunsentiro entzuten dira

ta berdin arratsaldean

moko horizko zozoen kantak

baso eta oihanean

aurki enarak egingo dute

kabitxoa teilapean

sanjose lore zoragarriak

sortu dira bat-batean

alaitasuna nabaritzen dut

nire bihotz barrenean.

4

Baserritarra bere idiez

alorrean goldaketan

biligarrua txorrotxioka

haritz eder baten puntan

gereziondoak ta sagastiak

ikusten dira loretan

pinpilipauxa han eta hemen

ta karnabak ernalketan

zozo kabia sasi tartean

zozoa uparatzen bertan.

5

Udaberriak apaintzen ditu

zelaiak eta basoak

berpisten ditu hil edo lotan

neguan egontakoak

berritzen ditu gure indarrak

odolak eta sueroak

bertozen ditu odol berriak

ta maitatzeko gogoak

udaberriak sendatzen ditu

aberatsak ta txiroak.

6

Zelai berdeak lore berriez

jansten hasten direnean

txori alaien txorrotxioak

ta kukua entzutean

baserritarra alor erdian

ereinketan dagoenean

zozo kabiak sasi tartean

ikusten ditugunean

esan genezake udaberrian

gaudela bete betean.

Garbizu eta Aranburutar Juanito

1989

juanito-garbizu

Juanito Garbizu Aranburu (1935-2020) herreratarraren bertso gehiago hemen.

Iruzkina idatzi

Estibaus

Atalak

Iraila 2023
A A A O O L I
« abu    
 123
45678910
11121314151617
18192021222324
252627282930  

RSS

Azken iruzkinak

  • Iñaki
    (2023, Irailak 17)
    «Joder Antxon! Celso Vázquez -lo recuerdo en TVE- sabía q era donostiarra, pero no su vinculación con ALtza. Menudo descubrimiento. ...»
  • Leyre
    (2023, Abuztuak 30)
    «Mila eskerrr. Me he emocionado mucho con este texto. »
  • Iñaki
    (2023, Uztailak 12)
    «Aupa Iñigo eta Juan Carlos. Sois unos fenómenos. Fantástico trabajo. Aurrera. Eta milesker. »
  • Luma
    (2023, Uztailak 12)
    «Lan handia, sakona eta interesgarria egin duzue, eskerrik asko. »
  • Elena
    (2023, Ekainak 23)
    «Para Iñaki. No parece que haya una alternativa a lo que nos está pasando. A nuestro nivel, la ...»

etiketak


Sarean