Egutegitik agendara

2015, Abenduak 20

altza-calen-300x430-2016-def

Ostiralean Tomasenen hirurogei bat lagun bildu ginen 2016 urteko egutegiari ongietorria emateko eta bidenabar urte berriak zer ekar dezakeen aurreikusteko. Gure ibilbidearen hogeita hamargarrena izango da eta gainontzeko eragile altzatarrekin Altza2016 kultura egitarau bat osatzeko erronka jarri diogu gure buruari.

Egutegiarekin hasita, aurtengoa Altzako Natur Astearen barnean antolatutako argazki-rallyan egindako argazkietan oinarritu gara. Argazki sorta ederra bildu zen, baina soilik bi aukera genitzakeen. Egutegi handirako Sebastian Navarreteren argazkia izan da gustukoena, Lau Haizetatik hegoaldera dagoen paisaia, non argitasuna, lurra eta giza jardueraren fruituak protagonistak diren. Poltsikoko egutegian, bestetik, protagonista lore-begi bat da -nartzisoa, publikotik esan zigutenez-, Merche Froizek egindako argazkia.

Jarraian, datorren urteari begira mahaigaineratu ditugun jarduerei errepasoa eman genien, batzuk dagoeneko martxan daudenak eta beste batzuk proiektu baino ez direnak, baina edonola Altzako gainontzeko kultura eragileekin partekatu eta elkarrekin landu nahi ditugunak. Proposamena egina dago eta behar bezala aztertzeko bilera bat egitekotan geratu ginen. Bilera datorren urtarrilaren 14n izango da, Casaresen, arratsaldeko 7etan, eta ikusiko dugu ia ahal dugun 2016 urterako partekatutako kultura agenda bat osatu.

Luis Ezkerrak 1984. urtean grabatutako Udaberriko Altzako Herri Krosaren irudiek jarri zuten amaiera puntua ekitaldiari eta, aldi berean, irteteko pistola-tiroa izan zen urte berriaren hasiera emateko. 2016 urte oparoa izan dezagun.

screenshot-2015-12-19-193224

Iruzkina idatzi

Estibaus

Atalak

Urtarrila 2023
A A A O O L I
« Abe    
 1
2345678
9101112131415
16171819202122
23242526272829
3031  

RSS

Azken iruzkinak

  • Siustegui
    (2022, Irailak 7)
    «Busco un antepasado vasco de Elisea Suastegui. Vivió en Ecuador »
  • Ana
    (2022, Abuztuak 8)
    «Hola! Mi nombre es Ana. Hace poco empecé en la búsqueda de mis antepasados. Por lo que averigüe mi bisabuela ...»
  • Diego Berra
    (2022, Uztailak 19)
    «Hola, soy Diego Berra de Mendoza, Argentina. Mi abuelo era italiano oriundo de Taipana, Udine. Su nombre era Gino y ...»
  • Catalina berra
    (2022, Uztailak 14)
    «Hola soy catalina berra,de argentina general roca rio negro. También me gustaría conocer o investigar sobre mi apellido. Una abuela que ...»
  • iñaki urdanibia sarasola
    (2022, Ekainak 6)
    «Ya lo siento, parece que mi memoria flaquea: había otra hermana. Joaqui, que no vivía en Herrera »

etiketak


Sarean