San Luis elizaren eraistea

2018, Azaroak 28

Orain dela hilabete batzuk, Mª Angeles Aranburu eta Alberto San Sebastián gurekin harremanetan jarri ziren Super-8 sistemarekin grabaturiko pelikula bat Altzako Tokiko Bildumaren ardurapean uzteko. Pelikulak hiru minutuko iraupena dauka eta San Luis eliza eraisteko lanak erakusten ditu, eta, azken zatian, atzealdean eliza dutela, neska-mutil talde baten sekuentzia ere ikus daiteke. Irudietan, beraien hiru alaba, Maria Angeles, Koro eta Ana, Arantza Etxeberria eta Ana de Castro neskeekin, eta Javier Larrarte mutikoarekin agertzen dira.

Bobinan 1972ko azaroaren 23ko data ageri da idatzita, baina daitekeena da pelikula errebelatu zutenaren data izatea, eraispen lanak uztailaren 30 egunaren inguruan egin zirelako.

Pelikulak daukan balio dokumentalaz gain, grabaketaren euskarriak berak ere aipatzea merezi du. Izan ere, aurreneko aldia da Tokiko Bildumara horrelako materiala heldu izana, Super-8 formatuko 15 metroko bobina bat, alegia. Pelikula gordetzeko eta kontserbatzeko gurea toki egokia ez dela iritzita, Euskadiko Filmategiaren esku jartzea erabaki genuen, dohaintza akordio baten bitartez, materiale zinematografiko horren egoera ona bermatzeko giza-baliabide eta baliabide tekniko guztiak eskaintzen duelakoan.  Filmategiak pelikula horren kopia digital bana egin du jatorrizko jabeentzat eta Altzako Tokiko Bildumarentzat, sarrera honetan bertan ikus daitekeena.

Etiketak: ,

Iruzkina idatzi

Estibaus

Atalak

Martxoa 2024
A A A O O L I
« ots    
 123
45678910
11121314151617
18192021222324
25262728293031

RSS

Azken iruzkinak

  • Roberto López
    (2024, Martxoak 27)
    «Buenas, mi tío abuelo: Manuel López De los Santos, formo parte del Batallón internacional nº 26 Karl Liebknecht (PCE), falleciendo ...»
  • Pilar Egido eta Enrike Kortabitarte
    (2024, Martxoak 27)
    «Merezitako omenaldia. Gaztaroan zorte handia izan genuen zu gure lehenengo irakaslea izatean. Irakasle berria, baina gogoa eta sasoia ez zenituen sekula falta. Zu ...»
  • Ramón F. Gorosabel
    (2024, Martxoak 22)
    «Muy interesante la actividad Es edificante Gracias. »
  • Maira
    (2024, Martxoak 2)
    «Hola necesito contactarme con las señoras Verónica. Recién leo esto. Soy la novia del nieto de olivo. Su papá Carlos. ...»
  • Luma
    (2024, Otsailak 17)
    «Oso oso interesgarria. »

etiketak


Sarean