Etiketaren izena: euskara

“Altza euskaraz” erakusketa

2022, Azaroak 15

altza-euskaraz-erakusketa

Aurtengo Euskaraldia dela-eta “Altza euskaraz” erakusketa egongo da ikusgai Tomasene liburutegiko sarrera nagusian. “Hitzez ekiteko garaia” leloarekin bat eginik, erakusketak aurreko hamarkadetan Altzan euskararen erabilera bultzatzeko egindako ekimen batzuen irudiak berreskuratu nahi izan ditu. Collage baten moduan antolatuta, argazkiak, kartelak eta prentsako kronikak dira erakusten diren dokumentuak, Bizarrain Euskara Elkarteko, Casares-Tomasene kultur etxeko eta Altzako Tokiko Bildumako artxiboetatik hartuak. Erakusketa azaroaren 14tik abenduaren 31 arte egongo da ikusgai.

euskaraldia-22

Badator Korrika!

2022, Martxoak 22

Hitzekin

Altzako Korrika Batzordea

Badator, badator euskararen aldeko lasterketa erraldoia, martxoaren 31n Amurrion hasi eta ibilbidea apirilaren 10ean Donostian bukatuko duena. Altzan Donostiara azken kilometroak egitera abiatu baino lehen sartuko da, eta ordu erdiz, gure herrian izango dugu eskuz-esku euskararen lekukoa.

Badator eta nola ez! Gure Altzatik pasatzean merezi duen ongi-etorria eman ahal izateko, altzatar euskaltzale batzuon artean elkartu eta beroketa lanak egiten hasi gara, mimoz eta ilusioz prestatu dugu ondoko egitaraua:   (gehiago…)  »  

Euskaren Nazioarteko Eguna Altzan

2021, Abenduak 10

altzahadi

Bizarrain Euskara Elkartea

Urte sasoi hontan, azken bost urteetan ohikoa bihurtu den bezala, Altza Hadi gauzatu dugu eta bertan ere Euskararen Nazioarteko Eguna, egun beraren aurretik eta atzetik egitarau oparoa osatuz. Azaroaren 26an hasi eta abenduaren 4an amaiera emanez.

img-20211208-wa0003Mikel Zabaltza oroituz, “Adiorik gabe” dukumentala; Narcis@ antzerki taldearen emanaldia, Larratxo K. E.an; “Zintzilakari koloretsuak”, Haurtxokoan; “Pixel Art Txantxangorria” Gaztelekuan; “Zu irakurle, Gu Kontalari” Casares K. E.an; ” Euskararen Photocalla” Gaztelekuan;  “Mintzodromoa” Larratxoko K.E.an; “Altzan Euskaraz Pista Jolasa” Gaztelekuan; “Miñan” liburuaren irakurketa publikoa; “Altza kantuz”- en kale-jira; “Triki-poteoa” Larratxoko kaleetan zehar; Pala txapelketa; Bolo txapelketa; Pusgarriak; Haurrentzako jolasak; “Herrera kantuz”-en kale-jira; Herri Ametsa Dantza Taldearen emanaldia; Euskararen aldeko bazkaria; Kontzertua Herrerako plazan; “DJ lorito luma urdin”.

Ikusten denez, ekimen ugari Euskararen Egunaren inguruan.   (gehiago…)  »  

Euskararen erabilerari bultzada berri bat

2019, Azaroak 20

ahobiziAurten ere, bultzada handi bat eman nahi zaio euskararen erabilerari gure auzoetan Altza Hadi! eta Nitik harago, baietz 11 Intxaurrondon! ekimenen bitartez. Ekimenak hilaren 22an abiatuko dira eta Euskararen Egunean, abenduaren 3an amaituko dira.

Aurrekoetan bezalaxe, parte hartzaileek ahobizi eta belarriprest rolak jokatuko dituzte: ahobiziak euskaraz mintzatuko dira euskaraz ulertzen dutenekin eta ezezagunekin lehen hitza euskaraz egingo dute;belarriprestek gonbita egingo diete euskaraz dakitenei euskaraz egiteko, ulertzeko gai baitira nahiz eta, kasu batzuetan, gaztelaniaz erantzun beharra duten.

Altza Hadi! ekitaldien berri zehatza edukitzeko klik egin esteka honetan, eta Nitik harago, baietz 11 Intxaurrondon! ekitaldiena ondoko kartela honetan:

  (gehiago…)  »  

Txillardegiren Exkixu

2019, Apirilak 12

exkixu

Iñigo Landa

Gaur Korrikak Altza zeharkatuko du eta, euskararen aldeko kontzientzia suspertzeko eta euskaltegientzako dirua biltzeko dituen asmoez gain, aurtengo edizio honek Txillardegi omendu nahi du, erabiltzen dugun euskara estandar honen sortzaile eta eragile nagusietako bat. Hizkuntzalaritzan, politikan, eta literaturan lan oparoa egin zuen Txillardegik, eta bere literatur lanen artean, hain zuzen, Altzako bazterretatik abiatzen den nobela bat irakur daiteke, Exkixu (1988), bere nobelen artean bosgarrena eta errealistena.   (gehiago…)  »  

Zorionak Altza! Lortu dugu!

2017, Abenduak 13

do2qgtrxuaauwnc-large

Altza Hadi batzordea

Abenduak hiruan, Euskara egunarekin iritsi ginen 21 egun iraun dituen erronkaren amaierara. Amaitu genuen duela hiru aste hasi genuen erronka.

Euskal Herriko beste hainbat herrik hartu zuten lekukoa gure aurretik, lekuko hori ere Altzan hartzea erabaki genuen, eta geroztik, ia urte bete pasa da. Altzan ere euskaraz bizitzeko nahiari heldu eta pauso bat aurrera ematea erabaki genuen. Egin genuen proposamena sinplea zen: euskara orain baino gehiago erabiltzeko erronka pertsonala eta kolektiboa proposatu genuen.

Pauso bat aurrera eman eta hizkuntza portaerak aldatzea da proposatu genuena, herri erronka. Handia da Altza, aldapaz beterik dago, gainera: Larratxo, Herrera,  Altza-gaina, Harria … Gora eta behera, gora eta behera, hankei eragitera ohituta gaude Altzatarrok!

Behar bada, horrexegatik da Altza hain bizia eta horrexegatik daude gurean hainbeste proiektu, talde, hainbeste amets konpartitu eta hainbeste energia elkarrekin lanean aritzeko. Aldapak elkarrekin igotzera ohituta gaude eta gustuko herrian aldaparik ez.

Euskaraz bizitzea da Altzatar askok partekatzen dugun amets horietako bat, eta egunero ari gara lanean ametsa errealitate bihurtzeko.   (gehiago…)  »  

Altza Hadi! 21 egun euskaraz

2017, Irailak 22

Altza Hadi batzordea

altzahadiOhar honen bidez jakinarazi nahi dizuegu azaroaren 11tik abenduaren 1a bitartean “ALTZA HADI 21 EGUN EUSKARAZ” ekimena egingo dela Altzan.

Helburua da euskaraz hitz egiteko aukera, babesa eta onarpen soziala handitzea Altzan. Aurreiritziak, ajeak edo beldurrak gainditzea. Erronka bat da. Horretarako, 515 altzatarrek adieraziko dute, nahi duenak haiekin euskaraz aritzeko aukera duela, belarria prest dutela euskara entzuteko eta beste 212k lehen hitza euskaraz egingo dute, Ahoa bizia dutela.

Honela bada, zu ere esperientzia honen partaide egin nahi zaitugu. Zure euskararen ezagutza edozein mailakoa dela ere, lagun dezakezu eta partaide izan guztiokin batera. Lehen hitza euskaraz egingo dizunaren jarrera onartzearekin soilik parte hartzen ari zara. Euskararekiko jarrera ona duzula ikusteko modua da, eta honek, ondokoari euskaraz egiten lagunduko dio, ziur.

  (gehiago…)  »  

Euskararen eguna Altzan

2015, Azaroak 25

Euskara ikasi dutenei eskainitako “Eskerrik asko euskararen taupada izateagatik” lelopean, aurten ere hainbat elkarte eta erakundek egitarau trinko bat prestatu dute gure auzoetan Euskararen Eguna ospatzeko.

Parte hartzeko informazio zehatza kartelen irudietan dago.

Ibilaldi bat Joan Mari Irigoienen obran barrena

2013, Azaroak 12

Joan den urriaren 3an Joan Mari Irigoien idazle altzatarrari eskainitako ekitaldi bikain batera bildu ginen Tomasenen. Imanol Irigoien anaiaren ilustrazio lanez inguraturik -argitalpenen azalak, zirriborroak eta bestelakoak-, Joan Mariren literatur lana ongi baino hobeto ezagutzen duen Xabier Mendiguren Elizegi idazle eta editoreak entzuleen esku jarri zituen haren literatura ulertzeko funtsezko gakoak. Gainera, Karolina Saez de Bikuña kazetariak ederki irakurri zituen hainbat prosazko testu eta poema, eta Joan Marik berak ere hainbat poema errezitatu zizkigun bertaratutakoei. Amaieran, Mikel Laboaren doinuetan oinarritutako biolin suite hunkigarriarekin gozatzeko aukera eskaini zigun Ane Mugira biolin-jotzaileak.

Saio osoa Youtubera igo dugu eta beste behin patxaraz Joan Mariren ibilbide literarioari eskainitako aparteko saio hori entzun eta ikusi ahal izango dugu.

joan-mari-copia

18. Korrika Altzan

2013, Martxoak 15

Altzako Korrika Batzordea

Sin título-1

Aurten Korrikaren 18. edizioa izango denez, Korrika guztietan bezalaxe Altzako zenbait elkarte eta norbanako elkartu gara Korrika Kulturalaren egitaraua eta Korrika bera aurrera ateratzeko asmoz.

Egitaraua aurrera atera ahal izateko jende askoren laguntza behar izan dugu eta lerro hauetatik gure eskerrik beroenak bidali nahi dizkiegu.

Besterik gabe, egitaraua gustatuko zaizuelakoan, ahalik eta ekintza gehienetan parte hartzera gonbidatu nahi zaituztegu.

Martxoaren 13an: KORRIKA AURKEZPENA
“Elkarrizketak” bideo proiekzioa + dokumentaleko protagonista bat + luntxa
19:30ean Tomasene kultur etxean

Martxoaren 14an: FILMA: GARTXOT
19:30ean Larrotxoko zentro zibikoan

Martxoaren 15ean: KORRIKA TXIKIA
Herri Ametsa, San Luis-La Salle, Mendiola eta Bidebieta eskoletako haurrek
11:00etan Bidebietan

Martxoaren 16an: KORRIKA MATERIALA SALGAI
Goizean zehar Larratxoko plazan

Martxoaren 19an: SOLASALDIA
“Euskaraz bizi nahi dut. ALTZAN NON?”
Bizarrain, Bagera, Lasarteko Ttakun elkartea + eztabaida irekia
19:30ean Tomasene Kultur Etxean

Martxoaren 22an: KORRIKA TXIKIA
Altza, Harri-Berri, Herrera eta Oletako eskolek
Goizean zehar ikastetxe horietan.

IKUSKIZUNA: Jakin eta jolas. “Dantzaz blai” umeentzako ikuskizuna.
17:30ean Altzako frontoian

Martxoaren 23an:
HERRI APAINKETA:

Goizean zehar Altza apainduko dugu eta kilometro aldaketak markatu

HAURRENTZAKO JOLASAK + PUZGARRIAK + TXOKOLATADA
“Larunbatero jolasean” taldeak antolatuta
16:30ean Herrerako Plazan

Martxoaren 23an
20:00etan Afari-merienda+musika Herrerako Plazan

22:56an KORRIKA ALTZAN
(Yoplait, Herrera, Larratxo, Altzagaina, Harri-Berri, Los Boscos, Buenabista)

Estibaus

Atalak

Abendua 2022
A A A O O L I
« Aza    
 1234
567891011
12131415161718
19202122232425
262728293031  

RSS

Azken iruzkinak

  • Siustegui
    (2022, Irailak 7)
    «Busco un antepasado vasco de Elisea Suastegui. Vivió en Ecuador »
  • Ana
    (2022, Abuztuak 8)
    «Hola! Mi nombre es Ana. Hace poco empecé en la búsqueda de mis antepasados. Por lo que averigüe mi bisabuela ...»
  • Diego Berra
    (2022, Uztailak 19)
    «Hola, soy Diego Berra de Mendoza, Argentina. Mi abuelo era italiano oriundo de Taipana, Udine. Su nombre era Gino y ...»
  • Catalina berra
    (2022, Uztailak 14)
    «Hola soy catalina berra,de argentina general roca rio negro. También me gustaría conocer o investigar sobre mi apellido. Una abuela que ...»
  • iñaki urdanibia sarasola
    (2022, Ekainak 6)
    «Ya lo siento, parece que mi memoria flaquea: había otra hermana. Joaqui, que no vivía en Herrera »

etiketak


Sarean