Etiketaren izena: bideoak

Euskaren Nazioarteko Eguna Altzan

2021, Abenduak 10

altzahadi

Bizarrain Euskara Elkartea

Urte sasoi hontan, azken bost urteetan ohikoa bihurtu den bezala, Altza Hadi gauzatu dugu eta bertan ere Euskararen Nazioarteko Eguna, egun beraren aurretik eta atzetik egitarau oparoa osatuz. Azaroaren 26an hasi eta abenduaren 4an amaiera emanez.

img-20211208-wa0003Mikel Zabaltza oroituz, “Adiorik gabe” dukumentala; Narcis@ antzerki taldearen emanaldia, Larratxo K. E.an; “Zintzilakari koloretsuak”, Haurtxokoan; “Pixel Art Txantxangorria” Gaztelekuan; “Zu irakurle, Gu Kontalari” Casares K. E.an; ” Euskararen Photocalla” Gaztelekuan;  “Mintzodromoa” Larratxoko K.E.an; “Altzan Euskaraz Pista Jolasa” Gaztelekuan; “Miñan” liburuaren irakurketa publikoa; “Altza kantuz”- en kale-jira; “Triki-poteoa” Larratxoko kaleetan zehar; Pala txapelketa; Bolo txapelketa; Pusgarriak; Haurrentzako jolasak; “Herrera kantuz”-en kale-jira; Herri Ametsa Dantza Taldearen emanaldia; Euskararen aldeko bazkaria; Kontzertua Herrerako plazan; “DJ lorito luma urdin”.

Ikusten denez, ekimen ugari Euskararen Egunaren inguruan.   (gehiago…)  »  

Los Boscos auzuneko etxebizitzen giltzak ematea

2020, Abenduak 24

Antxon Alfaro

Gaurko egunean, duela 53 urte, 1967ko abenduaren 24an, Los Boscos auzuneko etxebizitza berrien giltzak eman ziren.

Eguna meza komunitario batekin hasi zen, eta, ondoren, giltzak eman zitzaizkien bizilagun berriei, etxebizitza-kooperatiba berriaren lokal sozialean. Gaur egun, gune horretan Boskotarrak Elkartea dago.

Giltzak agintari zibil eta erlijiosoek eman zituzten, Ernesto Martinezek Super-8 kamera batekin grabatutako filmean ikus daitekeen bezala. Irudi horiek digitalizatu ondoren, Altzako Tokiko Bilduman sartu ditugu.

los-boscos-giltza-ematea-bideoa

  (gehiago…)  »  

I Auto-cross Internacional de Pasajes

2020, Maiatzak 14

autokrosa-1974‘Normaltasunera itzultzeaz ‘edo’ normaltasun berri ‘batera goazela esateak zentzu gutxi du bizitzak erakusten digunean normaltasuna etengabe aldatzen dela, batzuetan astiro, eta beste batzuetan, hilabete hauetan bezala, azkar eta modu traumatikoan. Hor gordeta dugun edozein irudiri begiratu diezaiokegu, hori berresteko.   (gehiago…)  »  

Erakusketa eta bideoak

2020, Urtarrilak 10

20200109_172701

Duela gutxi Garberan ikusi ahal izan den Altzako kirolaren historiari buruzko Altzathlon erakusketa, hilaren 2tik 20ra bitartean egongo da jarrita Tomaseneko liburutegiaren sarreran. Casares-Tomasene kultur etxea arduratu da muntatzeaz, eta oraingo honetarako bideo bat egin du, bertan argazkiekin batera ikus daitekeena, Ion Otañok (DK Irratia) Manuel Arrieta eta Miguel Angel Padrones txirrindulariei eta Juantxo Koka pilotariari egindako elkarrizketa banarekin, eta hemen ikus dezakezuena. Astelehenetik larunbatera bisita daiteke erakusketa, 10:00etatik 14:00etara eta 16: 30etik 20: 30era.

altzathlon1

  (gehiago…)  »  

Hil zuten aita gogora ekarriz

2019, Martxoak 29

luis-irisarri-piquer

Luis Irisarri Piquer

Nieves Irisarrik sukaldeko goxotasunean hartu gintuen, bere ahizpa Angelita eta Lurdes alabarekin batera, Luis Irisarri, 36ean fusilatu zuten aitaz hitz egiteko. Neskatxoak bi urte eta bi hilabete zituen hura gertatu zenean, eta, orain, laurogeita bi urte geroago, bere seme-alabekin batera, Gema, Manoli, Xabier eta Lurdes, haren oroitzapena eta gorpuzkinak berreskuratu nahian jarraitzen du.

Luis Manuel Irisarri Piquer Donostian jaio zen 1908ko ekainaren 21ean eta 1936ko azaroaren 10ean fusilatu zuten. Salvadorren eta Ramonaren semea, familia Lodosako herri nafarrekoa zen jatorriz. Familia Donostiara bizitzera etorri zen eta, geroago, gurasoak banandu egin ziren. Luis Manuelek aitaren alde egin zuen, eta gainerako anai-arrebek, Valentinak, Miguelek eta Manuelek nahiago izan zuten amarekin geratu.   (gehiago…)  »  

Emakumeen Aste berri bat eta aspaldiko asteen bideoak

2019, Martxoak 6

emakumeen-astea1Elkartea Berri, Ostadar eta Uztai Belar emakume elkarteek aurten ere Emakumeen Astea antolatu dute, XXXIVgarrena! “Geure burua baloratu… barrutik eta kanpotik” izenburupean egitarau mamitsu bat  burutzen ari dira aste honetan: solasaldi bat, erakusketa, bideo-foruma, antzerkiak, eta abesbatza eta dantza taldeen emanaldiak. (Egitarau zehatza hemen).

Esan bezala, bide luzea eta oparoa egin dute emakume elkarteek eta urte guzti horietan burututako hainbat eta hainbat jardueren irudiak bideo formatuan dauzkagu. Material hori prestatzen jarduten dugu eta arian-arian Youtubeko Altzanet kanalera igoko ditugu. Honez gero, hamaika bideo igo ditugu, 1992. eta 1993. urtekoak. Grabazio horien artean askotariko gaiak daude, hala nola Josep Vicent Marques soziologoak eskainitako “Panorama de las relaciones entre hombres y mujeres” hitzalida, edo “Jantzigintza kooperatiba” erakusten duena, edo inauteri garaian gaudela, hementxe bertan ikus dezakezuen 1992ko. urteko Inauterian emakume elkarteek.

  (gehiago…)  »  

2019. urteko egutegia

2018, Abenduak 19

altza-egutegia-erdia-2019Azken hogei urteotan, huts egin gabe, data hauetan egutegi berria aurkezteko elkartu izan gara. Hori horrela, pasa den ostiralean izan zen Altza 2019 egutegiaren aurkezpenaren kronika hasi genezake Erdi Aroan eta Modernoan dokumentuen sarreretan ohikoa zen eredua erabiliz: “aiuntados en Tomasene según que lo havemos de uso y constumbre de nos juntar“. Eta are gehiago, aurtengo egutegiaren gaiari erreparatzen badiogu, hau da, “Herria, Udalerria, Barrutia”, udaletxearen atzoko eta gaurko bi irudi ere badituela. Argazki zaharra “Album gráfico-descriptivo del País Vascongado” liburutik hartuta dago, 1915ean Rafael Picavea politikari eta industrialak argitaratua.   (gehiago…)  »  

San Luis elizaren eraistea

2018, Azaroak 28

Orain dela hilabete batzuk, Mª Angeles Aranburu eta Alberto San Sebastián gurekin harremanetan jarri ziren Super-8 sistemarekin grabaturiko pelikula bat Altzako Tokiko Bildumaren ardurapean uzteko. Pelikulak hiru minutuko iraupena dauka eta San Luis eliza eraisteko lanak erakusten ditu, eta, azken zatian, atzealdean eliza dutela, neska-mutil talde baten sekuentzia ere ikus daiteke. Irudietan, beraien hiru alaba, Maria Angeles, Koro eta Ana, Arantza Etxeberria eta Ana de Castro neskeekin, eta Javier Larrarte mutikoarekin agertzen dira.

  (gehiago…)  »  

Lapurreta saioa Herreran (1984-03-29)

2018, Martxoak 29
Fuente: La Sexta TV

80. hamarkadan, heroinaren trafikoak eta kontsumoak kalte izugarriak eragin zituzten gazte eta familia askoren baitan, eta, halaber, auzoetako elkarbizitzan. Kasu askotan, lapurretak ziren droga kontsumitzeko behar zen dirua eskuratzeko modu nagusia. Soilik banku lapurretan, adibidez, Espainian 1984. urtean eman zen inoizko kopururik altuena, 6.234 lapurreta, batez beste 17 egunean; 2016. urtean, konparatzearren, 118 izan ziren. Urte hartako martxoaren 29an, lapurreta horietako bat Herrerako Aurrezki Kutxa Probintzialaren sukurtsalean gertatu zen, tragikoki  bukatu zuena gainera. Biharamunean, El País egunkariak José Luis Barbería kazetariak idatzitako kronika zehatza argitaratu zuen non, kronikarekin batera, besteak beste, lapur gazteak, dosi baten beharraz jota, inguratuta zeukaten poliziekin izan zuen elkarrizketa transkribatzen duen. Kronikaren izenburuak honela zioen: “Un heroinómano de 22 años se suicida en San Sebastián tras retener a 10 rehenes en un banco durante dos dramáticas horas“; eta hauxe dira lehen lerroak: “Un joven heroinómano, Fausto Galende Villanueva, de 22 años, se suicidó ayer de un disparo en la tráquea después de herir a dos policías nacionales y mantener atemorizados durante dos horas a diez clientes y empleados de la sucursal de la Caja de Ahorros Provincial de Guipúzcoa en el barrio donostiarra de Herrera. Galende había intentado atracar la sucursal bancaria, armado con una escopeta recortada, en compañía de un muchacho de 17 años, Albino Lauzón Vázquez, que se encuentra detenido.”

Sarrera honekin batera doan bideoan, La Sexta telebista katean pasa den urtarrilaren 25ean emititua, sukurtsalaren kanpoaldean zegoen tentsioaren irudiak ikus daitezke.

Etxeen eraistea Herreran Donostiako saihesbidea egiteko

2018, Urtarrilak 19

Donostiako saihesbidearen irteera Herreran eraikitzeak -1972ko abuztuaren 12an inauguratu zuen Francok, Herrerako eraispenak egin ziren hilabete berean- larriki kaltetu zuen bertako auzo-bizitza eta horren ondorioak gaur egun arte jasan dituzte herreratarrek. Aurreko egunetan telefono batetik bestera ibili den bideo labur bati esker, eta orain hemen ere ikus daitekeena, Herrerako egungo historia markatu duen garai horren oroimenei irudiak jarri ahal izan dizkiogu.   (gehiago…)  »  

Estibaus

Atalak

Maiatza 2023
A A A O O L I
« api    
1234567
891011121314
15161718192021
22232425262728
293031  

RSS

Azken iruzkinak

  • Estibaus
    (2023, Maiatzak 29)
    «Kaixo, Mikel. Por limitaciones económicas y de dedicación la edición anual en papel solo la podemos ofrecer a los socios ...»
  • Mikel
    (2023, Maiatzak 29)
    «Ya no recibo la revista. Hacéis un gran trabajo, ameno e importante. El diseño está muy bien. »
  • Maria teresa Gomez Gonzalez
    (2023, Maiatzak 27)
    «Me gustaría saber si puedo conseguirlas »
  • Iñaki
    (2023, Maiatzak 25)
    «Correcto. Este tipo de comentarios tb los leemos siempre q hay elecciones. Y ahora q tenemos la oportunidad, ¿cuál es ...»
  • rafael menendez del cid
    (2023, Maiatzak 23)
    «habitante de la vivienda numero 6, un saludo a Justo y los supervivientes que queden, dispongo de una fotografia de ...»

etiketak


Sarean