Txingurri errekako saneamenduak osatu gabe jarraitzen duela agerian utzi du isurketa batek

2019, Irailak 27

Eguzki

herrera1Asteartean isurketa batek txuriz tindatu zituen Pasaiako badiako urak Herrera partean (ikus 1. eta 2. argazkiak). Kutsaduraren kontrako barrerak zabaltzera iritsi zen Portuko Agintaritza  (ikus 3. argazkia).

Ez omen dago jakiterik isurketa zehatz-mehatz non egin zen, baina bai badiara Txingurri errekatik behera iritsi zela. Kontuan izan behar da Txingurri errekak oraindik Altzako, Larratxoko eta Herrerako ur zikin asko biltzen dituela eta, Donibanerekin batera, badian saneatu gabe geratzen den puntu nagusietako bat dela.

Are gehiago, Txingurri errekako isurien ondorioz, Herrerako uren kalitatea Pasai Donibanen edota Oiartzun ibaiaren bokalean bertan baino txarragoa da. Honi dagokionez, EAEko uren kalitatearen segimendu sarearen azken txostenean, zehatz-mehatz 255. orrialdean, honako mapa argigarri hau ikus daiteke:

pasaia_2018

Txingurrin saneamendu lan garrantzitsuak egin ziren 2007. eta 2008. urte bitartean, baina, esan bezala, Altzako, Larratxoko eta Herrerako isuri asko bildu gabe geratu ziren. Beraz, Txingurrik isuriak etengabe garraiatzen ditu badiara, nahiz eta asteartekoa, batez ere koloreagatik, ikusgarriagoa izan zen.

Noizko behin betiko saneamendua Txingurri errekan? Egia esan, Donibaneko sanemaenduarekin zer gertatzen ari den ikusita, hobe eserita itxoiten badugu, ezta?

P.S. Argazkiak sare sozialen bitartez helarazi dizkigute; beraz, erabil daitezke. Hori bai, erabiltzen badituzue, ez esan Eguzkirenak direnik, ez dira eta gureak

http://eguzkidonostia.blogspot.com

herrera2herrera3

Etiketak:

Iruzkina idatzi

Estibaus

Atalak

Abendua 2021
A A A O O L I
« Aza    
 12345
6789101112
13141516171819
20212223242526
2728293031  

RSS

Azken iruzkinak

  • joan mari irigoien
    (2021, Azaroak 20)
    «Aizue: Pozgarria da ikustea nola zuek bezalako jendea arduratzen den gai hauetaz, zeintzuk herritarren nolabaiteko egunerokotasunarekin lotuta dauden. ZORIONAK, eta EUTSI GOIARI! jmi »
  • Estitxu Cantera
    (2021, Azaroak 12)
    «Kaixo; Javierren alaba bezela eta nire ama eta ahizparen izenean ere, eskerrîak eman nahi nizkizuen maitasunez beteriko hitz hauengatik. Gu samiñarekin ...»
  • Maite Lopetegi
    (2021, Azaroak 9)
    «Seko harrituta geratu naiz. Ez esperoan erabat. Bilduma Casaresen zegoen garaietan ezagutzeko aukera izan nuen. Oso pertsona atsegin eta adeitsua. ...»
  • Javi Castro
    (2021, Azaroak 9)
    «Nos deja un recuerdo imborrable. Goian bego. »
  • Estibaus
    (2021, Azaroak 8)
    «Sur www.altza.info, il a deux articles de presse liés à l'auto-cross. Dans l'un d'eux, il y a une photo de ...»

etiketak


Sarean