Estibausen iraultza txikia

2008, Ekainak 30

San Martzial egunean Estibaus buletinak berezko nortasunarekin salto egingo du Internetera.

Estibaus 1996. urtean sortu zen Altzako Historia Mintegiaren jardueren berri emateko eta altzatar elkarte zein auzokideen topalekua izateko. Urte hartatik hona apaltasunez bere eginkizuna bete du eta bere baitan sortutako idatziak eta gainerakoak paperean ez ezik Altzaneten magalean ere bildu eta gorde dira.

Hamabi urte pasa ondoren, Estibausek asmo berarekin jarraitzen du; bitartekoak aldatu dira, ordea. Buletina izatetik nabigazio koaderno izatera pasa da. Eguneroko baten moduan, notiziak, dokumentuak, iritziak, bertsoak eta ohiko ekarpenak egiten diren heinean, irakurri, ikusi eta entzun ahal izango dira. Estibausen edukiak uneoro modu erraz batean kontsultagarriak izango dira eta, gainera, ikus-entzunezkoekin goxatzeko aukera izango da.

Jakin badakigu Estibaus-zale guztiek ez daukatela Interneten ibiltzeko modua, eta, horregatik, haientzako, aldian behin, testuekin eta argazkiekin paperezko edizio bat atontzen jarraituko dugu; beharrezkoa den bitartean, behintzat.

Garai honetan iraultza handi baten barruan gaude murgildurik, inprimategiaren asmakuntza suposatu zuen parekoa. Kultur sorkuntza eta, batez ere, kultur hedapenerako aukerak berretu egin dira teknologia berriei esker. Estibaus ezin da iraultza horretatik kanpo geratu eta bere iraultza txikia dagoeneko egin du, iraultza horrek onurak baino ez baitizkio ekarriko Estibausen asmoari.

Murgil zaitez, bada, www.estibaus.info orrian, gure nabigazio koadernoan.

Etiketak: , , ,

Iruzkina idatzi

Estibaus

Atalak

Abendua 2019
A A A O O L I
« Aza    
 1
2345678
9101112131415
16171819202122
23242526272829
3031  

RSS

Azken iruzkinak

  • Mertxe
    (2019, Abenduak 5)
    «Zorionak! Mertxe »
  • José Coello
    (2019, Azaroak 28)
    «Quisiera saber si vuestra familia era la propietaria de minas antracita Gaiztarro en Matarrosa ,Tierno Fabero (provincia León) Gracias »
  • Juan Luis
    (2019, Azaroak 27)
    «En mi opinión, haría falta un batallón de Quijotes para mover las obras de Altza. Sin embargo las del centro de ...»
  • Rosi
    (2019, Azaroak 26)
    «Erabat Ados nago. »
  • Xabier Sarasola
    (2019, Azaroak 14)
    «Buenas, Hace bastante de esta encuesta, pero estoy haciendo una investigación sobre los viveros y depósitos de Ulia para la ...»

etiketak


Sarean