Historiaurreko aurkikuntza berriak Marrusen

2016, Uztailak 1

marrus

Aranzadi Zientzia Elkartearen azken Aranzadiana urtekarian, Jesus Tapia arkeologoak Marrus baserriaren inguruan 2014 eta 2015 urteetan zehar egindako indusketen berri eman du. Bertan egindako lanei esker historiaurreko materialak berreskuratu dira eta, bidenabar, aztarnategiaren kokaleku berean egin diren baratza publikoen eragina baloratu da.

Materialen aurkitzailea Francisco Barrio izan zen, 2010. urtean, eta ondoren egin diren ikerketek egiaztatu dute material horiek, silex harri-puska tailatuak, Goi Paleolitikoko garaikoak direla. Askoz gehiago zehaztea oso zaila da, lursail horietan mendetan egin diren nekazaritza lanak direla eta materialak nahastuak eta sakabanatuak aurkitzen direlako. Bertan jarritako baratzak, beraz, ez diote kalterik egingo aztarnategiari, eta, ordea, onuragarria ere izan daiteke aztarnategiaren jarraipena egiteko eta bertan agertu daitezkeen material berriak modu ordenatu batean jasotzeko.

Lau Haizeta inguruan aurkitzen ari diren ageriko aztarnategi hauek, kontinentearen eta penintsularen arteko igarobidean estrategikoki kokaturik daudenez, oso interesgarriak dira ikerlarientzat, bildutako silex harri mota ezberdinen azterketaren bitartez hobeto ezagutu dezaketelako Pirinioen bi aldeetako gizaki modernoaren eta horiek erabiltzen zituen materialen kokalekuak eta mugimenduak.

Informazio gehiago:  BARRIO, Francisco; TAPIA, Jesús. El yacimiento prehistórico de Ametzagaina, Altza, Hautsa Kenduz XI (2011)

Iruzkina idatzi

Estibaus

Atalak

Abendua 2021
A A A O O L I
« Aza    
 12345
6789101112
13141516171819
20212223242526
2728293031  

RSS

Azken iruzkinak

  • joan mari irigoien
    (2021, Azaroak 20)
    «Aizue: Pozgarria da ikustea nola zuek bezalako jendea arduratzen den gai hauetaz, zeintzuk herritarren nolabaiteko egunerokotasunarekin lotuta dauden. ZORIONAK, eta EUTSI GOIARI! jmi »
  • Estitxu Cantera
    (2021, Azaroak 12)
    «Kaixo; Javierren alaba bezela eta nire ama eta ahizparen izenean ere, eskerrîak eman nahi nizkizuen maitasunez beteriko hitz hauengatik. Gu samiñarekin ...»
  • Maite Lopetegi
    (2021, Azaroak 9)
    «Seko harrituta geratu naiz. Ez esperoan erabat. Bilduma Casaresen zegoen garaietan ezagutzeko aukera izan nuen. Oso pertsona atsegin eta adeitsua. ...»
  • Javi Castro
    (2021, Azaroak 9)
    «Nos deja un recuerdo imborrable. Goian bego. »
  • Estibaus
    (2021, Azaroak 8)
    «Sur www.altza.info, il a deux articles de presse liés à l'auto-cross. Dans l'un d'eux, il y a une photo de ...»

etiketak


Sarean