Amarekin paseoan bere argazkien artean

2018, Martxoak 8

amaren-albuma

Iñigo Landa Ijurko

Gure amak familiaren memoria gordetzen zuen. Horregatik, behar bada, argazkizalea ere bazen eta gazte-gaztetatik argazkiak bildu eta albumetan ordenatu zituen. Hogeita bost urte pasa dira hil zenetik eta hutsune handia utzi zigun, baina bere albumen bitartez, txokoz txoko paseoan, oraindik kontu kontari ari zaigula ematen du.

Etxekoentzat duten interesaz gain, argazkietan leku eta bizipen partekatu ugari agertzen dira eta hori da irudi horiek hona ekartzearen arrazoia. Ama, Inaxi Ijurko Orbegozo, 1922. urtean jaio zen eta bere haurtzaroa eta gaztaroa Molinao, Buenavista, Antxo eta Herrerako txoko eta inguruetara lotua dago. Hona ekarri ditugun argazkiak ezkon aurreko garaikoak dira, 1941-1945 urte bitartekoak, hain zuzen ere; hemen sorta bat dago eta gainontzeko guztiak Tokiko Bilduman ikus daitezke.

Lehen argazki makina Argentinara emigratu zuen osaba batek oparitu zion. Argazki gehienak aitak egin zituen eta tamaina txikikoak dira, 6 x 3,8 cm-koak. Hain txikiak izanik, argazkiak non eginak diren ikustea zaila da askotan, baina digitalizatzerakoan eta tamaina handian ikusi ahal izatean lan hori nabarmen erraztu da, batzuetan sorpresa politak hartuz.

a-01r05Ama bere bi anaia txikiekin, Santi eta Jesus Mari. Atzealdean, familiaren etxebizitza, Aberneta etxearen ondoan, Eskalantegi kaletik Berrarantzako bidean. Usoz txapela lantegia eta Darietarako aldapa ageri dira.

b-02r06Ama eta Mari ahizpa bi lagunekin Eskalantegi gainean, Berra aldean. Atzealdean, Antxo eta Topoaren trenbidea

c-01v01b-txingurrin-1941Inaxi eta Jose Migel bikotea Txingurri sagardotegiaren albo batean, Herreran. Atzealdean trenbidea ikusten da. Amona, Jesusa Orbegozo Tolaretxipi, Txingurrienekoen familiakoa zen eta amak denboraldi batean bertan bizi izan zen osaba-izebekin.

d-02r14Ama Altzagainarako errepidearen erdi-erdian, landatarren denda eta tabernaren aurrean, Vista Alegre etxean, Tantarrene ezizenez ere ezaguna. Ermita bidea atzealdean.

e-01v12-19-2-44Ama ahuntz-praka loreen artean Ermita bidean, landatarrek zeukaten baratza txiki batean. Atzealdean Etxe Merkeen auzoa eta Altzagaina ikusten dira.

f-05r01Ama Santa Barbara ermitaren aurrean.

g-04r08-copiaInaxi eta Jose Migel San Markon erromerian.

h-03r13Ama, bere ahizpa Maritxin eta bere koinatu-koinata izango diren Santi eta Ixabelekin Lau Haizeta aldean, Landarbasora egindako txango batean.

i-04v10Inaxi eta Jose Migel Juani izebarekin Gomistegiko ur biltegien aurrean Mendiolan zehar egindako txango batean.

j-04r11Jose Migel San Marko bidean, Bordazar baserriaren inguruan.

k-07r06Jose Migel Molinao errekaren ondoan; atzealdean, Molinao etxea ezkerraldean eta udal hiltegia eskuinaldean.

l-03v11Osaba Migel Ermita bidearen ondoko zelai elurtu batean; Etxetxiki baserria eskuinaldean, eta urrutian Herrera.

2 iruzkin

  1. Luma

    Oso argazki politak. Hau altxorra!!!
    Ama eta Aita beti bezala, dotore dotore.

  2. Joan Mari irigoien

    Txit interesgarriak argazki hauek ere, Iñigo!

    jmi

Iruzkina idatzi

Estibaus

Atalak

Apirila 2020
A A A O O L I
« mar    
 12345
6789101112
13141516171819
20212223242526
27282930  

RSS

Azken iruzkinak

  • MIGUEL LERCHNDI
    (2020, Martxoak 27)
    «Me complace mucho recordar tiempos pasados ver en las fotos muchos amigos de los cuales no se nada de ellos ...»
  • Miren Koruko Gonzalez
    (2020, Martxoak 24)
    «Eskerrikasko Patxi. Zoritxarrez ez nuen ezagutu, bainan bere ekintzan, lana eta gizartean egoteak guzionguzion alde izan denez gero, tarteko sentitzen naiz ...»
  • Roberto Otero Huarte
    (2020, Martxoak 21)
    «Egun on. Que verdades históricas enraizada en la memoria pasada y contemporánea. No hubo reparación, ni reconocimiento. No interesa a ...»
  • Elena Arrieta Yarza
    (2020, Martxoak 13)
    «Muy buenas ideas para alejarnos un poco de esta situación que no podemos controlar y que difícilmente entendemos. »
  • joan mari irigoien
    (2020, Martxoak 5)
    «Altza eta Donostiaren arteko harremanei buruzko komentario honek, ongi ulertu nahi duenarentzat, ez du komentario beharrik. Eta, hala ere, egin ...»

etiketak


Sarean