Felix Iranzo, erretiratu bat ekintzan

2019, Urtarrilak 17

felix-iranzoFelix Iranzo bere argazkien bidez ezagutu genuen, 80ko hamarkadaren amaieran, gure elkartea lehen urratsak ematen hasi zenean. Alabaina ordurako bere izena jada ezaguna zen erretiratu eta pentsionisten elkarte-mugimenduaren hasieran, Altzan, Gipuzkoan eta Euskal Herrian.

Santa Barbarako Aitonak eta Jubilatu eta Pentsionisten Gipuzkoar Elkarteko lehendakari fundatzailea ere izan zen, baita ere, Euskal Herriko Jubilatuen eta Pentsionisten Lurralde Federazioaren sortzaileetako bat. Adineko pertsonentzako bizitza duin baten alde egindako lanagatik, Jubilatu eta Pentsionisten Gipuzkoar Elkarteko Ohorezko Presidente izendatu zuten, eta hil ondoren, 1991ko martxoaren 7an, Udalak, Auzo Elkarteak hala eskatuta, bere izena eman zion Santa Barbara auzoko pasealeku bati 1997an.

Valentziako Requenan 1912ko martxoaren 8an jaioa, Felix Iranzo Expósito Altzan sustraitu zuen, eta gure eskuetara zeharka -batez ere Arriberriko San Pablo parrokiaren bitartez- argazki bilduma txiki bat utzi zigun. Argazki horiek, kalitateagatik eta edukiagatik, gaur egun ezinbesteko erreferentzia izaten jarraitzen dute, argitalpen eta erakusketetan erabiltzen direnak. Era berean, “Trece años de lucha contra la marginación 1976-1989″ izenburua duen liburu bat idatzi zuen, Gipuzkoako Jubilatuen eta Pentsionisten Elkarteak argitaratua. Bertan, frankismoaren azken urteetan sortu ziren auzoetako eta herrietako auzo elkarteen baitan antolatutako lehen zaharren etxeak sorrera kontatzen du, eta baita Jubilatu eta Pentsionisten Gipuzkoar Elkarteko sorrera ere.

“Entre tantos y tantos problemas y carencias de todo origen que soportaba el pueblo por el despotismo gobernante, no eran de los menos importantes las situaciones de marginación social y olvido en que se encontraban los ‘viejos’”, idatzi zuen Iranzok liburuan, eta adinekoek jasaten zuten bazterketa egoera horren aurrean, hainbat gizon eta emakume mobilizatu ziren, -haien guztien izenak aipatzen ditu liburuaren 326 orrialdetan zehar-, elkarrekin bildu, borrokatu, eta Gipuzkoako geografia osoan zehar berrogeita hemeretzi zaharren etxeak sortzea lortu zuten.

Liburutik atera ditugu Altzarekin zuzenean lotutako edukiak (Bidebieta Jubilatuen Etxea, Intxaurrondokoa, Herrerako Aterpea, Santa Barbarako Aitonak, eta Altzagainako San Martzial). Dokumentu horiek, Félix Iranzori buruzko beste dokumentu batzuekin batera eta bere argazkiak, Altzako Tokiko Bildumako esteka honetan ikus daitezke.

l17211

Etiketak:

Iruzkina idatzi

Estibaus

Atalak

Abuztua 2019
A A A O O L I
« uzt    
 1234
567891011
12131415161718
19202122232425
262728293031  

RSS

Azken iruzkinak

  • Miren Koruko González
    (2019, Abuztuak 14)
    «Posible izango litzateke berriz Guda Zibilean Altza inguruko ibilbidea antolatzea? Apirilean eta Maiatzan ezin joan izan nuen eta pena handia ...»
  • Miren Koruko González
    (2019, Abuztuak 14)
    «Erakusketaren erdia ikusi det. Falta dudana , laister ikusteko asmoa det. Donostiar guziok ikusi behar genuke erakusketa da. Zer pensa ...»
  • Miren Koruko González
    (2019, Abuztuak 14)
    «Enbasorik egiten ez ba du, ni ere, erabilpen beharrezko bat ematearen alde nago. Ezin degu gure iragana ezabatu. »
  • Estibaus
    (2019, Abuztuak 6)
    «Hola Fernando. Poco más te podemos decir aparte de lo que ya está escrito aquí. Nosotros sólo te podríamos ampliar ...»
  • Carlos Fernando Berra Orendain
    (2019, Abuztuak 5)
    «Hola soy fernando Berra nieto de Carlos Fernando Berra Se poco de mi abuelo Solo se que era italiano Mi abuelo y ...»

etiketak


Sarean