Euskal Giroa Elkartea
Zalantzarik gabe, kantujirak igarotzen diren lekuetan giroa arras animatzen da, baina guretzat animatze hori bi aldiz garrantzitsua da, gure auzoko eguneroko gizarte-giroa nola aldatzen ari den ikusita. Izan ere, egungo bizitzeko moduek eta baita azken hamarkadetan ezarri diren hirigintza-neurrien eragin handiak ere, sektoretan banatutako auzo bat taxutu dute, batez ere pasagune gisa definituz. (gehiago…) »
Lehen emanaldia (1971)
Antxon Alfaro
Santa Barbarako lokal berrian, Centauroan egiten zituzten mendi irteerekin jarraitzeaz gain, euskal dantza talde bat jarri zen martxan.
Jarduera honen hasiera nahiko kasualitatez eman zen. Pepi Morenok gogoratzen duenez, arratsalde batean Gazte-Lekuko zuzendaritzako hainbat kide Jose Ignacio Goñi presidentearekin bildu ziren Pasaiako Alkartasuna dantza taldearen lokalean. Bilera zuten aretoko hormetan dantzaldietan erabiltzen ziren soineko ezberdinak zeuden ikusgai. Pepik haiei begira eman zuen bilera osoa. Amaieran, Alkartasuneko kide bat hurbildu zitzaion, ea gustatzen zitzaizkion galdetuz. Asko, baina batez ere bere ilusioa dantzatzea izango zela erantzun zuen. Elkarrizketa horren ondorioz, proposatu zieten Gazte-Leku elkartean talde bat antolatzen bazuten Alkartasuneko pertsona batek taldea irakasteko eta abian jartzeko konpromisoa hartuko zuela. (gehiago…) »
Beñat Parra Rodriguez
Odon Elorzaren garaiko hirigintza planteamendu erraldoi bat jaso dute HAPOaren berrikuspenaren aurrerakinean: Altzako Auditz Akular landa eremuko 3.000 etxebizitzena. Harrabotsa sortu du gaiak, naturagune handi bat porlanez betetzea ekarriko lukeelako. Hala ere, ez da Altzan planteatzen den garapen bakarra, besteak beste, Herrerako Zardoya-Otis eremuan beste 400 bat etxebizitza aurreikusten baititu udalak. Altza nahikoa pilatuta dagoela eta bestelako behar garrantzitsuak dituela iritzita, auzoan gehiago eraikitzearen aurka daude eragile eta bizilagun ugari. (gehiago…) »
Aurrera jarraitzea eta aldaketa egokiak egitea. Horretan ari gara eta gure elkarteko bi elementu garrantzitsuren txanda izan da: logoa eta Altzanet webgunea. Aldaketekin, sinpletasun, argitasun eta erabilgarritasun handiagoko irudia bilatu dugu, webgunearen kasuan edukiak eta haiek antolatuta zeuden egitura mantenduz.
Asko dira Altzako Historia Mintegiaren inguruan ia lau hamarkadatan zehar sortu eta bildu diren edukiak. Esan dezakegu denborarekin altxor txiki bati forma eman zaiola, gai altzatarretan interesa duten guztien zerbitzura. Eta Altzanet da altxor horri aterpea ematen dion lekua. (gehiago…) »
Bizarrain Euskara Elkartea
Euskararen eguna hurbiltzen ari da eta horren inguruan jarduera ugari prestatu ditugu Altzan.
Aurten, Altza Hadi! ospatuko da berriro, azaroaren 20tik abenduaren 3ra. Informazio guztia hemen. Erronkan parte hartzeko Altzan jaio, bizi edo lan egitea da. eta 16 urtetik gorakoa izatea. Ahobizi bezala izena emateko klik hemen, eta Belarriprest bezala hemen.
Dagoeneko zure txapa jaso dezakezu Casares Kultur Etxean.
Bestetik, Joan Mari Irigoien altzatar idazleari aitortza ekitaldia eskainiko diogu. Altzagainan izango da, Altzako udaletxean, abenduaren 2an. Goizeko 10:00etatik 13:00etara Joan Mari Irigoienen Babilonia liburuaren irakurketa publikoa egingo da Altzako udaletxean eta denok gonbidatuak zaudete irakurketan parte hartzea. Horretarako gurekin harremanetan jarri bizarrain@altza.net helbidean edo galdetegi hau bete dezakezue. Jarraian, aitortza ekitaldia egingo da San Martzial plazan eta inguruko txoko batean bi zuhaitz landatuko ditugu. (gehiago…) »
Datorren azaroaren 25ean egingo dira Ekialdeko Barrutiko Batzarrerako elkarteen ordezkariak aukeratzeko hauteskundeak, bost auzo-elkarteen aldetik eta beste bost arloko entitateen aldetik.
Udalean erregistratuta dauden eta egoitza barrutian duten elkarte guztiek hautagaiak aurkeztu eta bozketan parte har dezakete. Elkarteek hilaren 15era arteko epea dute hautagaitzak aurkezteko, gaur arte, alegia. Behin betiko zerrenda 22an argitaratuko da, eta 25ean izango dira hauteskundeak. Bertan, elkarte guztiek eman ahal izango dute botoa, auzo-elkarteek alde batetik, eta sektore-elkarteek, bestetik, lehendakariaren bidez, edo haren ordezko baten bidez. Bozketa Ijentea kalean egingo da, ez barrutiaren egoitzan, elkarteek eskatu bezala. (gehiago…) »
Iñigo Landa, Patxi Lazcano
Julimasene Herreraren eta Intxaurrondoko goialdearen artean zeuden baserrien artean geratzen den bakarra da, eta hori, inolako babesik izan ez badu ere.
Bere ibilbide dokumentala duela seiehun urte hasi zen, 1512an, La Floresta izenarekin. Hori izango da baserriaren izena 1688 inguruan [1] Julian Mas izeneko batek baserria erosi eta La Floresta izenarekin batera Julian Masen etxea edo Julimasene deitzen hasi arte, izen horrekin iritsi baita guregana.
Nor zen Julian Mas? Pertsonaia horrek, zuzenean edo zeharka, auzi askotan parte hartu zuenez, Gipuzkoako Artxibo Historikoetan gordetako dokumentazioaren bidez jarraitu ahal izan diogu arrastoari [2]. (gehiago…) »
Aranzadi Zientzia Elkartearen Etnografia Jardunaldien barruan, datorren azaroaren 10ean “Ganbara bilduma: Altzako etxe batera bidaia 60ko hamarkadan” liburua aurkeztuko dugu etnografia saileko kideekin batera. Ekitaldia San Telmo Museoan izango da, 19: 00etan.
Duela urtebete iragarri genuen bezala, 1998an AHMren baitan sortu zen Ganbara Bilduma Aranzadiko “Objektuen memoria” proiektuaren parte izatera pasa zen, eta horrela bildumaren etorkizuna bermatuta geratu zen. Hogeita bost urte igaro dira, Javier Canterak gidatuta, XX. mendeko erdialdeko hamarkadetan industrialki ekoiztutako etxeko objektuen bidez altzatar etxe baten eguneroko bizitzarako bidaia hasi genuenetik, eta orain bidaia horrek bere bidea egiten jarraituko du, Aranzadiko Etnografia Saileko kide gazteek zuzendutako proiektu handi baten parte izanik, pozez betetzen gaituena. (gehiago…) »
Altza XXI Herri Ekimena
1.- El planeamiento general de Donostia y el parque de viviendas.
Los primeros planes generales proceden de la década de los años sesenta. Los planes generales de aquella época fueron tremendamente expansionistas. El de Donostia contemplaba una población de más de un cuarto de millón de habitantes en el plazo de 15 años. Posteriormente se entendió que la población no iba a crecer de manera tan repentina. Pero sucedió que el urbanismo se había convertido en una máquina de hacer dinero para todos los agentes, para los constructores, para los promotores e incluso para los propios ayuntamientos, que en virtud de las contraprestaciones a las recalificaciones y de la cesión del aprovechamiento prevista en la legislación podían obtener grandes cantidades de dinero, dinero que ha sido el que ha financiado, en gran parte, las inversiones de los municipios desde las últimas décadas del siglo XX hasta relativamente poco. (gehiago…) »
Altza XXI Herri Ekimena
Donostiako udalaren hirigintza politika eskizofrenikotzat jo liteke. Izan ere, edozein argudio balio du hirirako dituen proiektuak babesteko, zentzu batekoak eta guztiz horren kontrakoak ere.
Adibidez, Zardoya Otiz enpresak Herreran zuen fabrikaren kokalekuan 456 etxebizitza egitea babesten ari da. Horrela defendatu zuen urriaren 4ean Tomasene Kulturetxean 100 bat bizilagunen aurrean hirigintza zinegotziak. 20.000 m²etan horrelako etxe kopuru izugarria justifikatzeko, hirigintza jasangarria egiteko modu bakarra dela esan zigun Arzalluz and.ak, hiri lurraren okupazio intentsiboa landagune eta naturgunea ez inbaditu behar izateko nahia eta agindua betetzeko modu bakarra alegia. (gehiago…) »
Altzako Historia Mintegia