Egaña korrikalaria ahanzturaren putzutik ateratzen

2018, Otsailak 21

claudio-egana-1Poliki-poliki, nahi baino polikiago, Gerra Zibilaren biktimei, lurpetik beraien gorpuzkiak berreskuratuz, zor zaien duintasuna itzultzen ari zaie. Biktima horien arteko batzuk ospetsuak egin ziren politikarekin zerikusirik ez zeukaten jardueretan arituz, baina gerraren ondorioz haien oroimena ahanzturaren putzura bota zuten irabazleek. Hauxe da Claudio Egaña Otamendi korrikalariaren kasua.

Herrerako Krosean Claudio Egañak “1″ dortsalarekin lehiatzen zuen. Korrikalarien artean ezagunena eta maitatuena zen. Prentsako kroniketan eta argazkietan ikus dezakegu. El Día egunkarian, adibidez, 1933ko otsailaren 9an argitaratutako kronikan, honelaxe dio: “(…) emengo jendiak gogo aundiya izan bertako korrikalari dan Egaña ikusteko (…)”. Eta baita garai hartako umeen gogorapenetan gordeta ere. Hamahiru urte zituen Antonio Irigoien herreratarraren oroimenean -bera ere korrikalaria izango dena eta Herrera K.E. elkartearen sortzaileetako bat- korrikalari guztien artean Egaña da grabaturik geratu zaiona.

Gertukoa eta ezaguna izateaz gain, Egaña nazioarteko atleta ere izan zen eta 1929. urtean Hamar Nazioen Krosean parte hartu zuen Espainiatik joandako lehen selekzioarekin batera. Pedro Escamilla idazleak “El libro del cross” liburuan (1981) “euskaldun zaildua” ezizenez kalifikatu zuen.

Alabaina, 1928 eta 1935 urte bitartean egin zuen kirol ibilbideari lotutako kroniketatik aparte, ez dugu jaso Claudio Egañari buruzko beste berririk… duela gutxi arte. Orain dela aste batzuk Iñaki Egaña historialari donostiarrak gurekin harremanetan jarri zen Altzako Tokiko Bilduman korrikalariari buruz geneukan informazioaz galdetuz. Esan digunez, Claudio Egaña Burgoseko espetxetik atera eta beste preso batzuekin batera exekutatu zuten eta orain haren aztarnak berreskuratu dituzte hobi batetik.

Gure esku dauden dokumentuen artean ez dago korrikalaria Gerra Zibilarekin erlazionatzen duen daturik, ez Fronte Popularrekoen artean ezta Pasaia aldean CNTko kideen artean ere. Soilik Burgoseko errepresaliatu frankisten artean aurkitu ahal izan dugu bere izena, burgostar errepresaliatu gisa.

Iñaki Egañak esan digunez, Claudio Egaña aizarnatarra zen eta anarkista, eta honezkero haren senideekin harremanetan jarri ahal izan dira. Bizitzan kirol munduan lehen lerroan lehiatu eta konpromiso politiko eta sozialean heriotza aurkitu zuen gizon honi bere oroimena ahanzturaren putzutik atera eta merezi duen lekuan jartzea zor diogu.

Cosmópolis-Egaña

Etiketak: ,

3 iruzkin

  1. Estibaus » Altzan barrena Espainiako Gerra Zibilaren garaian

    [...] “Egaña korrikalaria ahanzturaren putzutik ateratzen“. In: “Estibaus” bloga, [...]

  2. Soledad Benito Domingo

    BUENAS TARDES

    PERTENEZCO A LA MEMORIA HISTORICA DE BURGOS , EN LOS AÑOS 2014 Y 2015 EXHUMAMOS EN EL MONTE DE ESTEPAR , A 96 PERSONAS ,TODOS ELLOS VENIAN DE LA CARCEL DE BURGOS .
    TENEMOS INDICIOS DE QUE ENTRE ELLOS ESTÁ CLAUDIO EGAÑA OTAMENDI .

    NECESITAMOS ENCONTRAR A SUS FAMILIARES ,PARA COTEJAR SU ADN .

    TENÉIS ALGÚN DATO QUE NOS PUEDA AYUDAR ?

  3. Estibaus

    Por desgracia, aún no tenemos contacto con ningún familiar. Por el censo electoral de 1934, sabemos que en esas fechas era jornalero, de 23 años, domiciliado en la casa Etxeluze, en Herrera, y que tenía una hermana de nombre María, dos años mayor que él y domiciliada en la casa Toki Alay, en Intxaurrondo. Esto es lo que tenemos hasta el momento http://www.altza.eus/?p=7389&lang=es. Cuando sepamos algo más os lo haremos saber. Saludos.

Iruzkina idatzi

Estibaus

Atalak

Abendua 2022
A A A O O L I
« Aza    
 1234
567891011
12131415161718
19202122232425
262728293031  

RSS

Azken iruzkinak

  • Siustegui
    (2022, Irailak 7)
    «Busco un antepasado vasco de Elisea Suastegui. Vivió en Ecuador »
  • Ana
    (2022, Abuztuak 8)
    «Hola! Mi nombre es Ana. Hace poco empecé en la búsqueda de mis antepasados. Por lo que averigüe mi bisabuela ...»
  • Diego Berra
    (2022, Uztailak 19)
    «Hola, soy Diego Berra de Mendoza, Argentina. Mi abuelo era italiano oriundo de Taipana, Udine. Su nombre era Gino y ...»
  • Catalina berra
    (2022, Uztailak 14)
    «Hola soy catalina berra,de argentina general roca rio negro. También me gustaría conocer o investigar sobre mi apellido. Una abuela que ...»
  • iñaki urdanibia sarasola
    (2022, Ekainak 6)
    «Ya lo siento, parece que mi memoria flaquea: había otra hermana. Joaqui, que no vivía en Herrera »

etiketak


Sarean